Sefania 3:11 - Yennu Gbouŋ Mɔɔr

¹¹ Li yoo maŋ, yimm nba tee n niib na ji kan di fei, toonkpeta nba ki i tun na paaki. N saa nyinn binba mɔk garuk nan dont-n-mɔŋ na kure, ki i ji kan mi yêt n mɔb, n kasii kunkonn na paaki.

Sefania 3:11 ပူးပေါင်းရင်းမြစ်များ

Yaŋ 131:1

Yennu, n nyik n japaat, ki bia nyik n parbifaant nawa. N baka kaa bargbeŋa ni, koo maan nba paar ki turimi.

Yaŋ 49:5

Li-i tee ki n datai lintin ki n be ninbɔŋ ni, n ki tiin jaŋmaanii.

Yaŋ 59:12

Yanbɔmm be bi para ni, ki bi mɔmaan kur tee biit. Ŋaant ki bi moindib, kimaan bi sat mɔtont ki bia fa fai.

Aisaya 11:9

Siar sii kaa Yennu kasii kunkonn Sayɔnn paak ki tee daŋ, koo biiti. Tiŋ na tan saa gbee nan Yennu bannu, nan mɔkgbeŋir nba gbee nan nyun nae.

Aisaya 2:12

Daar maŋ ni, Yabint Yennu saa sikin wunba kur dont u mɔŋ, nan binba tee garit damm. Yennu kɔɔe tan saa la dontir, daar maŋ ni.

Aisaya 45:17

Ŋaan Yennu-e tint Israel teeb, ki bi nyannu na sii yɔɔ be, ki niib maŋ kan ban di fei.’ ”

Aisaya 5:15

Fei saa soor sɔɔ kur, ki binba dont bi mɔŋ na kur saa sik tiŋ ni.

Aisaya 54:4

Daa tiin jaŋmaanii, a ji kan di fei, a kan sik tiŋi. A saa tamm biit nba ki a din tee poopaaŋ ki tuun na, ki bia tamm faa tuu be a kɔɔ nan pakɔɔk na.

Aisaya 56:7

“N saa baar nani Sayɔnn, n kasii kunkonn na boor, ki turi parpeenn, n miaru ŋaak na ni, ki ji gaar i maruŋ nba ki i mann n binbintir paak na. Bi sii yi n ŋaak na nibooru kur Yenmiaru ŋaake.”

Aisaya 61:7

I fei nan yukpiasir kur gbenna. I sii be i tiɔŋ tiŋ ni, ki i mɔkint saa pukin, ki i parpeenn sii be yoo kur.

Jeremaya 13:9

“Nnae ki n saa biir Juda parbifaant na, nan Jerusalem parbifaachiɔŋ na.

Jeremaya 7:4

Niib nba beeri a i tinna, kimaan Yenjiantu ŋasaakak be i boor na, i daa tee li maan yada.

Esekiel 20:40

Ki tiŋ na ni, n kasii kunkonn nba fɔk na paake, ki yimm Israel teeb kur tan saa jiantin, ki li tan saa maŋin, ki n sii loon yin baar nan i marint nan i piinii nba ŋan, nan i kasii piinii.

Esekiel 24:21

a man wann yimm Israel teeb maan na. I dont i mɔŋ, Jiantu Ŋasaakak nba wakii na paak. I mantik loon yii baat li boor kii bariir, ŋaan Yennu saa biirira, ki i nipaauŋ nba biar ki be Jerusalem na, bi saa kpib tɔb ni.

Daniel 9:16

Yennu, faa tuun kasii toona na, paatir a wutochiɔŋ na Jerusalem nba tee a doo nan a kasii kunkonn na paak. Ti yanbɔmm nan ti yeejamm biit na te niib nba kɔɔ kpiat na yi Jerusalem nan timm nba tee a niib na yann.

Daniel 9:20

Ki n ŋamii mei Yennu, ki kat n yanbɔmm, nan n niib Israel teeb yanbɔmm, ki boi n Yomdaanɔ Yennu, a wun ŋamm maa u kasii jiantu ŋasaakak na.

Maika 3:11

Doo na tɔɔndamm tee fobit damme, ki mannteeb na want sennu na ki gaan paauk, ki sɔkiniinba na fiitir woonin ni maan, ki gaan likirii li paak, ŋaan ki bi kura yaa Yennu be namm, ki yeen a, “Bonbiir kan baariti. Yennu be nant.”

Nikant 16:3

ki bi kur taan ki baar Moses nan Aarɔnn boor, ki yetib a, “I donn i mɔŋ bonchiann. Niib na kur tee kasiie, ki Yennu be namm. Moses, bee teen ki i donn i mɔŋ Yennu niib na boori?”

Matiu 3:9

I daa mɔk parbifaant nan Abraham tee i yeeja. N beerie nan Yennu saa fit fiin tana nba na ki lin kpant Abraham yaaboonawa.

Rom Teeb 2:17

Gotir, a yi a mɔŋ Juu nirɔe, ki mɔk parbifaant nan sennu na tee a yare, a li paak a tee Yennu yɔɔe,

Rom Teeb 9:33

tann nba ki bi sɔb li po Yennu gbouŋ ni a “Gotir, min Yennu bir tanne Sayɔnn doo ni, linba saa te ki niib n gbiat; ki tee tann nba saa te ki niib baa. Ŋaan wunba teenɔ yada kan di fei.”

1 Piita 2:6

kimaan li sɔb Yennu gbouŋ ni a: “Gotir, n gann tann ki bir Sayɔnn doo ni, ki li tee lɔtik ni tann, ki bia ŋan bonchiann, ki wunba kur teenɔ yada, u kan di fei.”