RUF labaar 4:13 - Yennu Gbouŋ Mɔɔr

¹³ Boas din kɔɔn Ruf, ki Yennu teen piisin u paak, ki u soor poor ki mar bonjak.

RUF labaar 4:13 ပူးပေါင်းရင်းမြစ်များ

Pinpiik 20:17

Tɔn, Abraham ŋaapoo Sara paak, ki Yennu din te ki poob nba be Abimelek ŋaak ni kur ki maari. Ŋanne ki Abraham miar Yennu, ki u teb Abimelek, ki bia teb u ŋaapoob nan u daabpoi kura, ki bi matuk ji loot.

Pinpiik 25:21

Rebeka din ki mari. Li paak ki Aisak miar Yennu u paak. Yennu din gbat u miaru na, ki Rebeka soor poor.

Pinpiik 29:31

Yennu nba la nan Jakɔb ki loon Lea fanu na, ki u tur Lea matuk, ŋaan ki Rachel ŋarin ji tee kanmatir.

Pinpiik 30:2

Jakɔb par din biir Rachel paak bonchiann, ki u yet a, “N kan fit kpant Yennu. Ŋɔɔe te ki a ki maari.”

Pinpiik 33:5

Ŋanne ki Esɔɔ jiant got ki la poob nan waas na, ki boi a, “Lamme waa-a na?” Ki Jakɔb jiin a, “Chanbaa, Yennu nan u ŋant ni, waa turin niib nbae na.”

Yaŋ 113:9

U te ki pookanmatir mar waase, ki be u ŋaak ni ki mɔk parpeenn. Pakin Yennu man.

Yaŋ 127:3

Waas tee piiniie ki Yennu teen, bi tee piisime nan barmɔnii.

RUF labaar 3:11

Ruf, a daa biir a pare. Faa loon biaŋinba kur, n saa tuma. Doo na niib kur mi nan a tee niŋanɔe.

RUF labaar 4:12

Waas nba ki Yennu saa tur fin nan Ruf na sii tee nan Juda nan u ŋaapoo Tamar bija Peres waas nae.”

1 Samuel 1:27

N miar Yennu bik na paak, ki u turin linba ki n boi nawa.

1 Samuel 2:5

Niib nba bo laat ki di gboot na, ŋamme ji lin ki mei jeet, ki binba kon bo mɔkib na, ki bi di gboot. Ki poo nba bo tee kanmatir na mar waas banlore, ŋaan ki wunba bo mɔk waas bonchiann na biar yann.