RUF labaar 1:5 - Yennu Gbouŋ Mɔɔr

⁵ ki Maalonn nan Kilionn mun bia kpo ŋaan nyikib. Nawomi ji din biar be-e, u sɔrɔ kpowa-a, u waas bia kpowa.

RUF labaar 1:5 ပူးပေါင်းရင်းမြစ်များ

Aisaya 49:21

Li yoo na, a saa yet a mɔŋ a, ‘Ŋmee mar waas na kur ki turimi? N din kɔŋ n waas, ki ji din ki fit mar waasi. Bi din ber ki nyinnin ki teenin yommik. Ŋmee wubir waas na? N din biar n kɔɔe, ki waas na nyii lee?’ ”

Jeremaya 2:19

A tiɔŋ toonbiite saa dat a tubir; faa nyikin na, ŋanne saa biira. A saa bann laa ton ki bi biaŋinba nan fan nyik min a Yomdaanɔ Yennu, ki ji ki waa n sɔnii na. Min Yabint Yennu-e pak na.”

Barŋanii nba ki LUK din sɔb nae na 7:12

Waa din saa baar doo maŋ tammɔb ni yoo nba, ki u la ki niib bonchiann nyii doo maŋ ni ki jii kuun a bin saan pii. Kpeemmɔ maŋ naa din tee pakɔɔke; ŋɔɔe tee u bijayemmir.

Sennu 32:39

“ ‘Bant mɔtana nan min kuukɔɔe tee Yennu, yensau kaa ki tee barmɔnii Yennu. Min Yennu kpi, ki bia teen manfoor, n teen daŋ, ki bia teen laafia, ki sɔɔ ki be ki saa fit fati n nuu ni.

RUF labaar 1:2

Jɔɔ maŋ ŋaapoo sann din tee Nawomi, ki u bonjai na sana mun tee Maalonn nan Kilionn.

RUF labaar 1:4

U bonjai maŋ din tan kɔɔn Moab booru bonpoie. Yenɔ sann din tee Ɔpa, ki lɔɔ na sann mun tee Ruf. Li din dii nan bina piik nae

RUF labaar 1:6

Nawomi nba din tan gbat nan Yennu somm u niib, ki bi jeet nan bonchiann na, ŋɔɔ nan u sipoi banlee na din teen siire a bin ŋmat kun u doo ni.