Rom Teeb 9:14 - Yennu Gbouŋ Mɔɔr

¹⁴ Ki ti ji saa yet a bia? Ti saa yet a Yennu ki tun linba ŋan amii? Aaii, ti kan yet nna kaa.

Yennu Gbounpaauŋ Mɔɔr

¹⁴ Ki ti ji sa yet a bee? Ti sa yet a Yennu ki tun linba ŋan amii? Aaii, ti kan yet nna kaa.

Rom Teeb 9:14 ပူးပေါင်းရင်းမြစ်များ

Pinpiik 18:25

A kan sak biir niŋamm nan nibiit kur yommi. Li paar nan ki a tun nna. A kan teen nna. Li-i tee ki a teen nna, niŋamm nan nibiit na kur saa di biak yomme. Li paaka. Tingbouŋ na kur barbuurɔ tee wuu tuun bona fanue.”

2 Barkperii 19:7

Ii baakit Yennu kii tuun fanu, kimaan ti Yomdaanɔ Yennu ki loon yii ŋmaab, koo kii mɔk lukitin, koo kii gaan mɔnyati.”

JOB labaar 35:2

Job, li ki ŋan ki fin yet nan a ki tun ki biir Yennu,

JOB labaar 8:3

Yennu ki lebitir barmɔnii, u ki gbaar nan wun tun linba ŋani.

Yaŋ 145:17

Yennu toona kur ŋane, ki u bia mɔk ninbatinu, u toona kur ni.

Yaŋ 92:15

Ŋanne want nan Yennu ŋan, n guutɔɔ maŋ ki mɔk siara biit u ni.

Jeremaya 12:1

Yennu, min nan fin-i yaa ti bu, fine sii mɔk mɔnii. Ŋaan n saa boia buboit ki jiin barmɔnii maan powa. Bee teen ki yanbɔndamm mɔkitiri? Bee ki ŋmabir damm paakiti?

Barŋanii nba ki LUK din sɔb nae na 20:16

U saa baar ki kpibe, ŋaan bia jii kpaab maŋ ki tur siab.” Niib maŋ nba gbat linba na, ki bi yet a “Yennu n bɔr ŋann.”

Rom Teeb 2:11

kimaan Yennu ki mɔk ningannii.

Rom Teeb 2:5

Ŋaan a par wakii, ki a lek ki sak nan fan nyik toonbiit tumu, li paak, a pukii a mɔŋ tubdatu nba ki a tan saa la, daar nba ki Yennu wutoor saa nyi paanu, ki u saa bu niib buut nan barmɔnii nae;

Rom Teeb 3:1

Tɔn, nyɔlante ki Juu teeb la ki gar binba ki tee Juu teebi? Bi punpotu mɔk nyɔɔti-i?

Rom Teeb 9:30

Tɔn, ti saa yet nlee? Binba ki tee Juu teeb na din ki koor a bin teen niŋamm Yennu boori, ŋaan ki Yennu yet a bi tee niŋamm u tɔɔnn, bi yada paak.

Sennu 32:4

“Yennu-e tee i guutɔɔ nba yab, ki tee kasii nan barmɔnii u sɔnu kur ni. I Yomdaanɔ be fanu nan barmɔnii, ki tuun linba kur ŋan fanu.

Fiitu 16:7

Ki n bia gbat ki kunkɔr nyii maruŋ binbintir na boor ki yeen a, “Ti Yomdaanɔ Yennu nba mɔk paŋ kur, a buut na tee mamɔmme, ki tee linba took.”