Rom Teeb 8:24 - Yennu Gbouŋ Mɔɔr

²⁴ Ti dindanne te ki ti la tinnu. Tɔn, nirɔ-i la linba ki u bo mɔk dindann li paak na, ŋann ŋarin, li ji ki tee dindanni. Ki ŋmee ji sii mɔk dindann linba ki u poŋ lar paaki?

Yennu Gbounpaauŋ Mɔɔr

²⁴ Ta la tinnu nee ki ti mɔk dindann na. Tɔn, nirɔ-i la linba ki u bo mɔk dindann li paak na, ŋann ŋanin, li ji ki tee dindann. Ki ŋmee jin sii mɔk dindann nan linba ki u poŋ lar paaki?

Rom Teeb 8:24 ပူးပေါင်းရင်းမြစ်များ

Yaŋ 146:5

Parpeenn be daanɔ nba ki Yennu nba ki Jakɔb jiantir na tee u sommtɔɔ na paak, wunba ki u dindann maa u Yomdaanɔ Yennu maŋ paak na,

Yaŋ 33:18

Yennu gorii binba saak u mɔbe, ki bia gorii binba mɔk dindann nan u lomm nba ki u teen yoo kur na.

Yaŋ 33:22

Yennu, ŋaant ki a lomm nba yɔɔ be na-ii be nant nan taa maa ti dindann a paak biaŋinba na.

Barjokit 14:32

Tondamm toonbiite tuu baar nan bi mɔŋ baak, ŋaan niŋamm na ŋarin tuu la fatue, kimaan bi ŋamm paak.

Jeremaya 17:7

“Ŋaan n saa teen piisin wunba jii u dindann ki teen n ni na paake.

Sekaria 9:12

Jenin man, yimm yommii nba ki mɔk dindann na, ŋmatir kun i doi ni, siaminba ki fat-n-mɔŋ be na, n beerie, n saa pa piisin ki jiini, ki lin gar biak nba ki i dii na taar munlee.

Rom Teeb 12:12

kii mɔk parpeenn i dindann paak, kii mɔk mintir i biak dinu ni, kii mei Yennu yoo kur;

Rom Teeb 15:13

Yennu nba turit dindann na, yaa teenɔ yada na paak, u saa turi parmaasir nan parpeenn bonchiann, ki ŋɔɔ Yennu Seyeeŋ paŋ saa te ki i dindann na n ŋamm yabit.

Rom Teeb 15:4

Linba kur sɔb Yennu gbouŋ ni na, li sɔb a tii tumiie. U gbouŋ maŋ teent sukuru, ki bia kɔɔntit para, a tii mɔk dindann.

Rom Teeb 4:18

Siar din ki want dindann, ŋaan Abraham lek din mɔk dindann nan Yennu saa turɔ bika, ki bia teen yada, ki u yada teenu paake ki u teen nibooru bonchiann baa, nan Yennu nba yetɔ a, “A yaaboona tan saa pɔt bonchiann.”

Rom Teeb 5:2

U paake ki Yennu tint ninbaauk, ti yada maŋ paak; ki ti la u ninbatinu maŋ ki mɔk parpeenn, kimaan ti mɔk dindann nan ti tan sii mɔk binbenŋaŋ nba ki Yennu saa turit na.

Rom Teeb 8:20

kimaan linba ki Yennu nan na din biira ki ji ki mɔk nyɔɔti, li din ki tee li loomm kaa, li din tee Yennu loomme ki li teen nna; ŋaan ki u bia lek te ki li mɔk dindann.

1 Korint teeb 13:13

Tɔn, yada, nan dindann, nan lomm, li bona ŋantaa na be; ŋaan lomme gar li kur.

2 Korint teeb 4:18

kimaan ti baka kaa linba ki ti laat na po, ŋaan ti baka be linba ki ti ki laat na poe; kimaan linba ki ti laat na, li kan yukiri ki li saa gar, ŋaan linba ki ti ki laat na ŋarin tan sii be nan yoo nba kaa gbennu.

2 Korint teeb 5:7

kimaan ti waa yada sɔnue, ti ki waa linba ki ti ninbinn laat na kaa.

Galasia teeb 5:5

Ŋaan timm teen Masia-e yada, ki u Seyeeŋ mun be ti ni; li paak, ti mɔk dindann ki guu yoo nba ki Yennu saa yet a ti tee niŋamme u boor.

Kolosa teeb 1:23

Li paak, ii yiab nan barmɔnii kii be i yada ni kii see chimm, ki daa fɔrii nyi i dindann ni, dindann nba ki i la yoo nba ki i din gbat barŋanii na; ki bi din mɔɔnt barŋanii maŋ ki tur niib kur nba be tingbouŋ na ni; ki min Pɔɔl tee li toontunnɔ na.

Kolosa teeb 1:27

Yennu lor a wun fiit woonin ni maan na ki wann u niib maŋe. U woonin ni maan maŋ ŋan bonchiann, ki tee niib kur yar. Li want nan Masia be i ni; li paak, i mɔk dindann nan Yennu saa te ki i be fanu nan waa be na.

Kolosa teeb 1:5

kimaan pinpiik ni, yaa din gbat barŋanii nba tee barmɔnii yoo nba, i din gbat bonŋana nba guui Yendɔuŋ ni na poe.

1 Tesalonika teeb 5:8

Ŋaan timm nba ki tee nyiɔk yab na, tii sub, ki jii yada nan lomm ki lia, ki lii tee nan naagbankɔŋir na, ki bia jii tinnu dindann ki yir, ki lii tee nan kut fokirik na.

2 Tesalonika teeb 2:16

Ti Yomdaanɔ Yiisa Masia nan ti Baa Yennu nba loonit, ki turit pardɔɔnn nba kaa gbennu, nan dindann nba yab, u ninbatinu paak na,

Taitus 3:7

Yennu ninbatinu paak ki u tun nna a wun teent niŋamm u boor; ki bia teent u waas nba mɔk dindann a ti saa la manfoor nba kaa gbennu.

Hiibru teeb 11:1

Yada tee, taa ki mɔk birsuk nan bont nba ki ti mɔk dindann li paak, ki mi nan linba ki ti ki laat nan ti ninbinn set be nae.

1 Piita 1:21

U paake ki i teen Yennu yada. Ŋɔɔe din fiinɔ kuun ni ki turɔ paŋ; li paake ki i mɔk yada nan dindann Yennu boor.

1 Piita 1:3

Pakin Yennu nba tee ti Yomdaanɔ Yiisa Masia Baa na man, kimaan u tint ninbaauk bonchiann ki turit manfopaann Yiisa Masia kuun fiiru paak. Linba nae te ki ti mɔk dindann nan ti tan sii mɔk manfoor,

1 Jɔɔnn 3:3

Ki bia jenna, binba kur daan u jenu maŋ po, ŋamme dia bi mɔŋ fanu, nan waa be fanu biaŋinba na.