Rom Teeb 5:13 - Yennu Gbouŋ Mɔɔr

¹³ Biit din be tingbouŋ na niewa ki Yennu tan tur Moses sennu na, ŋaan sennu-i kaa, sɔɔ kan fit yet nirɔ a u biir sennu.

Yennu Gbounpaauŋ Mɔɔr

¹³ Biit din be tingbouŋ na niewa ki Yennu din tan tur Moses sennu na, ŋaan sennu-i kaa, sɔɔ kan fikis nirɔ ki yet a u biir sennu maŋi.

Rom Teeb 5:13 ပူးပေါင်းရင်းမြစ်များ

Pinpiik 13:13

Sodom niib na din tee nɔɔnbiit damme, ki tuun bonbilankant ki teen Yennu.

Pinpiik 18:20

Ŋanne ki u yet Abraham a, “Niib mɔnii nan fabinii baar n boor bonchiann, ki jiin Sodom nan Gomora bichiɔŋ na po.

Pinpiik 19:32

Li paak, ŋaant tin tur ti baa daan wun nyu yib, ki tin dɔɔ nanɔ, ki mar waas.”

Pinpiik 19:36

Li din teen nnae ki Lot tur u waas na kur poa.

Pinpiik 19:4

Saamm na nba ŋmantir saa dɔɔr yoo nba, ki Sodom doo maŋ ni jab tikir ki tan loon ŋaak na. Doo na ni jab kurewa din tikir, jakpera nan naasimm kur.

Pinpiik 38:10

Linba ki u tuun na din ki maŋ Yennu, ki u bia kpiiu.

Pinpiik 38:7

Er binbeŋ ni din ki ŋan, ki li ki maŋ Yennu, li paak ki Yennu kpiiu.

Pinpiik 6:11

Tingbouŋ na niib din biir, ki be nan ŋmabir nan mukisuk.

Pinpiik 8:21

Maruŋ na nubiru din nubir kɔɔ Yennu, ki maŋɔ, ki u yet u mɔŋ a, “N lek mi nan laa nyii nisaarik bisin niwa, u dudukit tee biite, ŋaan n ji kan ban mɔ tingbouŋ na mɔtont, u biit paaki. N ji kan ban biir bonfoor kur nba be, nan maa tun mɔtana na.

Rom Teeb 3:20

Sɔɔ kaa ki saa fit wei sennu na nba wann biaŋinba ki teen niŋanɔ Yennu tɔɔnn; sennu na paake te ki nisaarik bann nan u tuun toonbiit.

Rom Teeb 4:15

Sennu na yêtue baat nan Yennu wutoor, ŋaan sennu-i kaa, mɔyêtuk sii kaa.

1 Korint teeb 15:56

Kuun tonu tee biite, ki biit kpit sennu paŋ ni.

1 Jɔɔnn 3:14

Taa loon ti naa waas na, ŋanne want nan ti nyii kuun paŋ ni, ki be manfoor nba kaa gbennu ni. Ŋaan daanɔ nba ki mɔk li lonbooru, ŋɔɔ ŋarin biar be kuun paŋ nie.

1 Jɔɔnn 3:4

Binba kur tuun biit, ŋamme biir Yennu sennu, kimaan toonbiit tumu biir Yennu sennue.