Rom Teeb 5:11 - Yennu Gbouŋ Mɔɔr

¹¹ Ŋaan li kur kaa na; ti bia mɔk parpeenn Yennu nba sommit bonchiann biaŋinba, ti Yomdaanɔ Yiisa Masia paak na, kimaan u paake ki Yennu ji teent u yɔɔsnba.

Yennu Gbounpaauŋ Mɔɔr

¹¹ Ŋaan li kur kaa na; ti bia mɔk parpeenn Yennu nba sommit bonchiann biaŋinba ti Yomdaanɔ Yisa Masia paak, kimaan u paake ki Yennu teent u yɔɔsinba mɔtana.

Rom Teeb 5:11 ပူးပေါင်းရင်းမြစ်များ

Yaŋ 104:34

U par-ii mei n yaŋ maŋ paak, kimaan n parpeenn nyi u boore.

Yaŋ 149:2

Israel teeb, ii mɔk parpeenn man, kimaan i naamii daanɔ paak. Sayɔnn teeb, ii kpamm man, kimaan i Kpanbar maŋ paak.

Yaŋ 32:11

Yimm nba tee niŋamm na, yii mɔk parpeenn kii kpamm, kimaan Yennu nba tun linba ki turi na paak. Yimm nba saak u mɔb na, ii yikin nan parpeenn.

Yaŋ 43:4

Yennu, n saa saan a maruŋ binbintir boore, fine tee n parpeenn nyakir, ki n saa faa kɔnn ki yin yaŋ ki donta. Yennu, fine tee n Yennu.

Aisaya 61:10

Jerusalem kpamm linba ki Yennu tun na paake. U tee nan pooyookir nba tuu lia tiat ki teen siir nan chiann nae. Yennu-e turɔ tinnu nan nyannu.

Barŋanii nba ki LUK din sɔb nae na 1:46

Ŋanne ki Meeri ji din yet a “N piak Yennu n par ni,

Jɔɔnn 1:12

Ŋaan binba kur gaarɔ ki teenɔ yada, ŋamme ki u chabib yaak ki bi ji teen Yennu waas.

Rom Teeb 11:15

Yennu nba din yêt Juu teeb na, ki u ji te ki tingbouŋ na teeb soorɔ yɔɔs; Yennu-i ŋmat gaarib ki bi tee u niib, li ji sii tee nlee? Li sii tee manfoore ki tur kpeemm.

Rom Teeb 2:17

Gotir, a yi a mɔŋ Juu nirɔe, ki mɔk parbifaant nan sennu na tee a yare, a li paak a tee Yennu yɔɔe,

Rom Teeb 5:1

Tɔn, taa teen Yiisa yada na paake ki Yennu yet a ti tee niŋamm u boor, ki parmaasir ji be timm nan Yennu sinsuuk ni, ti Yomdaanɔ Yiisa Masia paak.

Rom Teeb 5:10

Ti din tuu tee Yennu dataie, ŋaan mɔtana jik u teent u yɔɔsnbae, kimaan u Bija nba din kpo na sɔn paak, ki taa tee u yɔɔsnba na, birsuk ji kaa, u saa tinnit u manfoor paaka.

Rom Teeb 5:3

Ti bia mɔk parpeenn ti biak dinu ni, kimaan ti mi nan biak dinu baat nan sukurue,

Rom Teeb 8:23

Li ki tee linba ki Yennu nan na kuukɔɔ kaa kurii, ŋaan timm nba mɔk Yennu Seyeeŋ nba tee sinsinn piinii na mun kuriie ti para ni, ki guu yoo nba ki Yennu tan saa nyinn ki wann yeenin ni a ti tee u waase, ki te ki ti gbanant n nyi daabisin ni na.

Rom Teeb 9:10

Ŋaan li kur kaa na. Ti yaa Rebeka bonjai banlee na din tee jaasinbae, ki bi baa tee ti yeeja Aisak.

1 Korint teeb 10:16

Ŋmanbinyuutik nba ki ti tuu tur Yennu niipoouk ŋaan nyu leŋ na, ŋanne tee Masia sɔn; ki boroboro nba ki ti tuu ŋmit ŋmit ki ŋman na, ŋanne mun bia tee Masia gbanant na.

2 Korint teeb 8:19

Bi bia gannɔ a wuu waa-t ki tin somm Yennu niib nba tee tarii na. Linba nae saa dont ti Yomdaanɔ sann, ki bia wann nan ti set loon ti leeb sommir.

Galasia teeb 4:9

ŋaan mɔtana i bann Yennu-wa, ki Yennu mun mi-i, li ji teen nlee ki i loon yin ŋmat wei bona nba ki mɔk yiikoo nba saa sommi na? Bee teen ki i jin loon ki i kpant bi daaba?

Galasia teeb 5:22

Ŋaan Yennu Seyeeŋe te ki nirɔ mɔk lomm, nan parpeenn, nan parmaasir, nan sukuru, nan burchint, nan ŋamm, nan binbenŋaŋ,

Filipi teeb 3:1

N naa waas, linba biar tee, ii mɔk parpeenne, kimaan yaa tee ti Yomdaanɔ yab na. Min yaa baka kaa nan man ŋamm sɔb linba ki n poŋ daan sɔb turi sinsinn na; mi-i tuun nna, li sii tee i yumanne.

Filipi teeb 3:3

Timm jiantir Yennu u Seyeeŋ nie, ki mɔk yuugontir Yiisa Masia paak; linba nae tee barmɔnii punpotu. Timm ki teen nisaarik yar kaa yada.

Filipi teeb 4:4

Yaa tee ti Yomdaanɔ yab na, ii mɔk parpeenn yoo kur man. N bia ŋammit beerie, ii mɔk parpeenn man.

Kolosa teeb 2:6

Biaŋinba ki i din gaar Yiisa Masia a wuu tee i Yomdaanɔ na, ii be u ni nna man,

1 Piita 1:8

I ki mi lau ŋaan loonɔ; i bia ki laatɔ mɔtana, ŋaan teenɔ yada, ki mɔk parpeenn bonchiann nba ki nirɔ kan fit wann laa tee biaŋinba.

1 Samuel 2:1

Ki Hana miar Yennu ki yet a: “Yennu turin parpeenna. Li maŋin bonchiann nan waa tun linba turin na. N laa n dataie, ki bia mɔk parpeenn, kimaan Yennu sommima.