Rom Teeb 4:17 - Yennu Gbouŋ Mɔɔr

¹⁷ nan laa sɔb Yennu gbouŋ ni a, “N teena nibooru bonchiann baae.” Li paak, Yennu boor Abraham tee ti baae, Yennu nba ki Abraham teenɔ yada na, ŋɔɔe te ki kpeemm laat manfoa, ki tuu te linba kaa ki li ji be.

Yennu Gbounpaauŋ Mɔɔr

¹⁷ kaman nan la sɔb Yennu gbouŋ ni ki u yet Abraham a “N teena nibooru bonchiann baae.” Li paak, Yennu boor Abraham tee ti baae, Yennu wunba ki Abraham teenɔ yada na, ŋɔɔe te ki kpeemm laat manfoa, ki bia piak linba daa ki be po kaman nan li set be.

Rom Teeb 4:17 ပူးပေါင်းရင်းမြစ်များ

Pinpiik 17:16

N saa teen piisin u paak, ki saa te wun mar bonjak ki tura. N saa teen piisin u paak, ki u yaaboona tan sii tee booru booru, ki u yaaboona maŋ yemm tan sii tee kpanbarae.”

Pinpiik 17:20

N gbat a fabinii nba jiin Ismael po nawa. N saa teen piisin u paak, ki turɔ waas nan yaaboona bonchiann. U sii tee kpanbara piik nan banlee baae, ki u yaaboona tan sii tee boorgbeŋir.

Pinpiik 28:3

Yabint Yennu n teen piisin a pookɔɔnt maŋ paak, ki tura waas bonchiann, ki a yaaboona tan sii tee boorii bonchiann.

Aisaya 43:6

N saa pak gaŋ po ki wun te bin kun, ki bia pak diitu po ki u daa gɔibi. Ŋaant ki n niib n nyi banfɔka, durinya na munn po, ki ŋmat kun.

Aisaya 44:7

Sɔɔ be ki saa fit tun linba ki n tun na-a? Ŋmee din saa fit wann linba saa tun, laa nyii piinu niwa ki tan tuu gbennu?

Aisaya 48:13

N niie din nan tingbouŋ na fiakir ki jɔnn sanpaak. Mi-i yiin tiŋ nan sanpaak, bi tuu baare yian, ki jii bi mɔŋ ki turin.

Aisaya 49:12

N niib saa nyi banfɔka ki baar. Bi saa nyi gaŋ po nan yondo po nan Asuann nba be diitu po na.”

Aisaya 51:2

Ii dukin i yeeja Abraham po, ki bia dukin i yaa Sara po. Maa din yiin Abraham yoo nba na, u din ki mɔk biki, ŋaan ki n teen piisin u paak, ki turɔ waas. Ki n te ki u yaaboona yabit ki kaa kann.

Aisaya 55:12

“I tan saa nyi Babilonn nan kpinkpammuko; ki nyi doo na ni nan parmaasir. Jɔɔt nan kunkona na tan sii yiin yanii, ki tiinii tan sii hoot nan kpinkpammuk.

Matiu 3:9

I daa mɔk parbifaant nan Abraham tee i yeeja. N beerie nan Yennu saa fit fiin tana nba na ki lin kpant Abraham yaaboonawa.

Jɔɔnn 5:21

N Baa nba fiint kpeemm ki teemm manfoa biaŋinba na, nnae mun, ki min nba tee u Bija na mun saa tur binba ki n gann na manfoa.

Jɔɔnn 5:25

“Barmɔniie ki n beeri na, yoo baat, ki poŋ baara, ki kpeemm tan saa gbat min Yennu Bija kunkɔr, ki binba gbat n kunkɔr maŋ saa la manfoor nba kaa gbennu.

Jɔɔnn 6:63

Yennu Seyeeŋe teen niib manfoor; ŋaan gbanant na tee yanne. Mɔmaan nba ki n pak turi nae baat nan Yennu Seyeeŋ nba teen niib manfoor maŋ.

Toona 15:18

Nnae ki Yennu, wunba te ki bi bann linba na yaayoo niwa na din yet.’ ”

Rom Teeb 3:29

Yennu tee Juu teeb kuukɔɔ Yennu-ee? Aaii, u tee Juu teeb nan binba ki tee Juu teeb na Yennu-e.

Rom Teeb 4:18

Siar din ki want dindann, ŋaan Abraham lek din mɔk dindann nan Yennu saa turɔ bika, ki bia teen yada, ki u yada teenu paake ki u teen nibooru bonchiann baa, nan Yennu nba yetɔ a, “A yaaboona tan saa pɔt bonchiann.”

Rom Teeb 4:2

Waa din waa sennu na-i diŋi te ki Yennu yet a u tee niŋanɔ u tɔɔnn, u bo sii mɔk linba saa te ki u mɔk parbifaant, ŋaan u ki mɔk parbifaant Yennu tɔɔnni.

Rom Teeb 8:11

Ki ŋɔɔ Yennu nba fiin Masia kuun ni na, u Seyeeŋ na-i be i ni, ŋɔɔ nba fiin Masia kuun ni na, ŋɔɔe bia saa tur i gbanant manfopaann, u Seyeeŋ nba be i ni na paak.

Rom Teeb 9:11

Yoo nba ki bi daa din ki marib ki bi ki tun linba ŋan koo linba bi na, ki Yennu yet a bikperik nae tan sii tee waarɔ po na jiamɔ. Yennu yet nna a u loomme n tun. Li paak, u loomm tee wun gann niibe, li ki tee bi toona paak; ŋaan li tee waa loon ki gann biaŋinbae.

Rom Teeb 9:26

ki siaminba ki bi din yetib a bi ki tee n niib na, leŋe biak ki bi saa yiimm manfodaanɔ Yennu waas.”

1 Korint teeb 1:28

Yennu-e gann tarii, nan binba ki mɔk nyɔɔt, nan binba ki tee siar, a wun teen linba ki niib dukii a li mɔk nyɔɔt na yann.

1 Korint teeb 15:45

Kimaan li sɔb Yennu gbouŋ ni a, “Sinsinn nirɔ Adam na din tee nisaarike.” Tɔn, nirɔ nba joont ki baar na tee Seyeeŋ nba teent manfoor nae.

1 Timoti 6:13

N kpaanae, Yennu nba teen bont kura manfoor na, nan Yiisa Masia nba din nyinn u mɔŋ siarŋann Ponsius Pailat numm ni na tɔɔnn, a fii dia Yennu sennu fanu, ki li daa mɔk biit mɔkmɔk nan daar nba ki ti Yomdaanɔ Yiisa Masia tan saa dɔkit na.

Hiibru teeb 11:12

Li paak, Abraham nba din ji tan ki fɔk nan kuun na, ŋaan u kuukɔɔ yaaboonae tan yab nan ŋmaabira nba yab biaŋinba na, ki bia yab nan mɔktanbiinii nba yab ki kaa kann biaŋinba na.

Hiibru teeb 11:3

Ti yada paake ki ti bann nan Yennu mɔmaame din nan durinya na, ki taa laat bona nba na, u din ki jii bonsiar kaa ki nanni.

Hiibru teeb 11:7

Nowa yada paake din te ki u gbat Yennu kpaanii ki jiin bona nba ki u daa kan fit lar nan u ninbinn na po. U din sak Yennu mɔb ki kpaa ŋaringbeŋir, ki ŋɔɔ nan u ŋaateeb kɔɔ leŋ ki tinn. Ŋanne din wann nan tingbouŋ na niib mɔk biit; ŋaan ki u yada maŋ paak ki Yennu din purɔ yentinnɔ.

1 Piita 2:10

Sianyoo i din ki tee Yennu niibi, ŋaan mɔtana i ji tee u niibe; sianyoo u din ki tini ninbaauku, ŋaan mɔtana u tini ninbaauka.

2 Piita 3:8

N naa walonkai, i daa tammit barii na po: Yennu boor ŋarin, dayennkɔɔ tee nan bintusir nae; ki bintusir mun tee nan dayennkɔɔ na.