Rom Teeb 4:12 - Yennu Gbouŋ Mɔɔr

¹² Abraham tee binba pot na mun yaa baae, li ki tee baa pot na paak kaa, ŋaan baa bia teen Yennu yada nan biaŋinba ki ti baa Abraham din teen na, u din teen yadaewa ki tan pot; bi yada paake ki Abraham tee bi baa.

Yennu Gbounpaauŋ Mɔɔr

¹² Abraham tee binba pot na mun yaa baae, li ki tee a ba pot na paak kaa, ŋaan ba bia waa biaŋinba ki ti baa Abraham din teen Yennu yada na, li poorpoewa ki u din tan pot; bi yada paake ki Abraham tee bi baa.

Rom Teeb 4:12 ပူးပေါင်းရင်းမြစ်များ

JOB labaar 33:11

Ki u bobin jarit n taa ni; ki gorii taaŋmaatir nba kur ki n chat.”

Yaŋ 47:9

Digbana diateeb kur taan be nan niib nba tee Abraham Yennu niib na, kimaan kpanbara nba be tingbouŋ na paak tee Yennu yabe. U ŋan nan dontir.

Barjokit 2:20

Li paak, see ki a wei niŋamm binbeŋ, kii be binbeŋ nba tee yentinu benu.

Yankpaŋii 1:8

Fin sapaan-ŋanchintiliŋ na, a ki mi maa kpaar pei siaminba-a? Ii saa kii waa pei na taaboot; a lon siaminba ki a saa kpaar a buunii, ki lii kpia pekpaarii lanbont na.

Esekiel 33:24

“Nisaarik, niib nba kɔɔ langbent nba be Israel tiŋ ni na yeen a, ‘Abraham din tee jayenɔ kɔɔe, ki Yennu turɔ tiŋ na kur. Mɔtana ti ji yaba, ki tiŋ na tee ti yare.’

Matiu 3:9

I daa mɔk parbifaant nan Abraham tee i yeeja. N beerie nan Yennu saa fit fiin tana nba na ki lin kpant Abraham yaaboonawa.

Rom Teeb 4:11

U din pota, ŋaan u potu maŋ tee siara nba want nan u yada maŋ paake ki Yennu poŋ din jiiu ki u tee niŋanɔ, li poorpowa ki u ji tan pot. Li paak, binba kur teen Yennu yada ŋaan ki pot na, Abraham tee bi baae; baa teen Yennu yada na paake ki Yennu yib niŋamm.

Rom Teeb 4:13

Yennu din senn mɔsonn ki tur Abraham nan u yaaboona a tingbouŋ na tan sii tee bi yare, li din ki tee Abraham nba waa sennu na paak kaa ki Yennu senn li mɔsonni, ŋaan li din tee u yada paake ki Yennu jiiu ki u tee niŋanɔ u tɔɔnn.

2 Korint teeb 12:18

N din barin Taitus maa wun saan i boor, ki bia te ki ti naa bisɔɔ weiɔ. Taitus din mi ki ŋmab i bonti-i? Ti ki mɔk li dudukiti. Maa tuun biaŋinba, u mun tuun nnae. Maa waa sɔnu nba, u mun waa ŋanne.

1 Piita 2:21

Yennu din yiinit a tii di biak, kimaan Masia tiɔŋ din dii biak ti paak, a tii gorii u binbeŋ kii waa u taabana.