Rom Teeb 15:30 - Yennu Gbouŋ Mɔɔr

³⁰ Tɔn, n naa waas, ti Yomdaanɔ Yiisa Masia sann paak, nan Yennu Seyeeŋ lomm paak, n barimi, a yii mei Yennu nan ninmɔnn n paak kii taantin,

Yennu Gbounpaauŋ Mɔɔr

³⁰ Tɔn, n naa waas, ti Yomdaanɔ Yisa Masia sann paak nan Yennu Seyeeŋ loomm paak, n mei-i, yii mei Yennu nan ninmɔnn n paak ki sommin,

Rom Teeb 15:30 ပူးပေါင်းရင်းမြစ်များ

Yaŋ 143:10

Fine tee n Yennu, wantin biaŋinba ki n saa tun a loomm. Ii ŋan ki turin, ki tɔkin nanin sɔnŋanu.

2 Korint teeb 1:11

Yi mun bia sommit nan Yenmiaru man, ki u saa gat niib bonchiann miaru nba ki bi mei ki teent na, ki saa sommit, ki niib bonchiann saa turɔ niipoouk ti paak.

2 Korint teeb 12:10

Li-i tee Masia paak ki n di butinn, ki laat sukit, ki di biak nan mukisuk, ki laat barii, n mɔk parpeenn, kimaan mi-i taŋi kii mɔk n tiɔŋ paŋ yoo nba, li yooe ki n laat Masia paŋ.

2 Korint teeb 4:11

Yoo nba ki ti fo na, ti be kuun nuu nie Yiisa paak, a u manfoor nba be ti gbanant nba yaa lin tan kpo na ni n nyi paanu.

2 Korint teeb 4:5

Ti ki mɔɔntir ti mɔŋ po kaa, ŋaan ti mɔɔntir Yiisa Masia poe, a ŋɔɔe tee ti Yomdaanɔ na, ŋaan want nan timme tee u toontunna ki teeni, u sann paak.

Galasia teeb 5:22

Ŋaan Yennu Seyeeŋe te ki nirɔ mɔk lomm, nan parpeenn, nan parmaasir, nan sukuru, nan burchint, nan ŋamm, nan binbenŋaŋ,

Efesus teeb 6:19

ki bia miar Yennu ki tur n mun ki man fit la sɔnu ki pak nan parcheenn, ki mɔn woonin ni barŋanii na,

Filipi teeb 2:1

Yaa be Masia ni biaŋinbae teeni paŋ, ki u lomm maant i para, ki i mɔk burchint nan ninbatinu i leeb paak, ki mɔk Seyeeŋ weinanleeb,

Kolosa teeb 1:8

ki bia betit i lomm nba tee biaŋinba, Yennu Seyeeŋ ni.

Kolosa teeb 2:1

N loon yin bann n baka nba be yimm, nan Masiaweira nba be Laodisea na, nan binba daa ki mi lan na ni biaŋinbae.

Kolosa teeb 4:12

Epafras, wunba mun tee i yenɔ ki bia tee Yiisa Masia toontunnɔ na foonti. U mei Yennu nan ninmɔnn yoo kura ki teeni, a Yennu n te yin set kenken, kii tee subirteeb nba tuun Yennu loomm,

1 Tesalonika teeb 5:25

Ti naa waas, ii mei Yennu kii teent man.

2 Tesalonika teeb 3:1

Ti naa waas, linba joont tee nnae, ii mei Yennu kii teent, ki ti Yomdaanɔ barŋanii maŋ n lin yian yian, kii mɔk yiikoo, nan laa din tee i boor ni biaŋinba na.

2 Timoti 4:1

Yiisa Masia nba tan saa jen ki di naan ki bu footib nan kpeemm buut na, ŋɔɔ nan Yennu tɔɔnne ki n beera,