Rom Teeb 12:19 - Yennu Gbouŋ Mɔɔr

¹⁹ N naa walonkai, i kpan daa tuun biit ki jiint biit paaki, ŋaant ki Yennu n pa pann maŋ. Li sɔb Yennu gbouŋ ni a, “Min kuukɔɔe mɔk yiikoo nba saa dat niib tuba; mine saa pa pann maŋ, min Yennu-e pak na.”

Yennu Gbounpaauŋ Mɔɔr

¹⁹ N naa walonkai, i kpan daa tuun biit ki jiint biit paaki, ŋaan ŋaant ki Yennu-n pa pann maŋ ki dat bi tuba ki jiin. Li sɔb Yennu gbouŋ ni a ti Yomdaanɔ yet a “Min kuukɔɔe mɔk yaak nba ki sa dat niib tuba; mine sa jiin ki tun biit maŋ.”

Rom Teeb 12:19 ပူးပေါင်းရင်းမြစ်များ

Barjokit 20:22

A daa tuun biit ki jiint binba tuma biit na. Teent Yennu yada ki wun ŋamm maan maŋ.

Barjokit 24:29

koo ki yet a, “N saa tun ki jiinɔwa, n saa tun turɔ nan waa tun biaŋinba ki turin na.”

Jeremaya 51:36

Yennu pak Jerusalem teeb na a, “N saa gaar i paak ki te ki i datai n pa baa tun linba ki turi na paak. N saa te ki Babilonn kpen-yura n koor, ki mɔka na n fɔɔr.

Esekiel 25:12

Ki Yabint Yennu ŋamm yet a, “Edom teeb biir, kimaan baa jiin Juda teeb pann, ki bi pann jiinu maŋ paak te ki yanbɔngbeŋir be ŋamm Edom teeb paak.

Liifai teeb 19:18

A daa jikit biit ki pa biit paaki, ki bia daa nan a lɔɔ, ŋaan kii loon a lɔɔ nan faa loon a mɔŋ biaŋinba na. Mine tee Yennu.

Matiu 5:39

ŋaan min ŋarin beerie nan i daa jiint leeb pana; sɔɔ-i peba tanpak a niidiitu po kpianu, fan ŋmant a gaŋ po biak ki wun peb;

Rom Teeb 12:14

Binba mukisi, yin yetib a, “Yennu piisin-ii be i paak.” Mamɔmm, ii yetib nna, ki daa poorib.

Rom Teeb 12:17

I daa tuun biit ki jiint biit paaki; kotir i mɔŋ kii tuun linba ki niib kur saa la ki li ŋan.

Rom Teeb 13:4

u tee Yennu toontunnɔe ki tuun linba ŋan ki teeni; ŋaan yi-i tuun toonbiit, yii tiinɔ, kimaan u mɔk yaak nba saa dat i tuba. U tee Yennu toontunnɔe ki see Yennu taar ni ki daar binba tuun toonbiit na tuba.

Efesus teeb 4:27

ki daa teen Sintaanii yaaki.

Sennu 32:35

Yennu saa ŋmant bi paak ki dat bi tubawa; yoo baate ki bi saa ŋat baa, bi biiru daar per na.

Sennu 32:43

“Digbana teeb, ii dont Yennu niib, Yennu saa dat binba kpib na kur tuba. U tuu dat u datai tubae, ŋaan nyik chab u niib bi biit.”

1 Tesalonika teeb 4:6

Sɔɔ daa tuun li biitbooru ki teen u lɔɔ nba waa Masia, koo ki ŋmaab u lɔɔ. Ti poŋ din beti li powa, ŋaan bia kpaani nan ninmɔnn, a Yennu tan saa dat binba tuun nna tuba.

2 Timoti 4:14

Aleksander, wunba kur saauk na din tumin linba bi bonchiann; Yennu saa dat u tubir, waa tun linba na paak.

Hiibru teeb 10:30

Kimaan ti mi nan Yennu-e yet a, “Mine saa pa pann ki jiin biit.” U bia yet a, “Min Yennu-e tan saa bu n niib buut.”

1 Samuel 25:26

Yennu-e te ki a ki lek ki kpii a datai na, ki mɔtana, n por kat nan Yennu nba fo na sann ni, a datai nan binba kur biira saa la tubdatu nan Nabal na.

1 Samuel 25:33

Yennu n gaar niipoouk nan a yan nba ki a mɔk, nan linba ki a tun dinna ki gɔɔrin, ki n ki nyinn sɔn daar na ni ki jiin pann na.

1 Samuel 26:10

Ki Defid tukin ki yet a, “Barmɔnii nan Yennu nba fo na, n mi nan Yennu tiɔŋo saa kpi Sɔɔl. Laa sii tee u yooe tan saa baar ki wun yiar ki kpo, koo u tan saa saan tɔbe ki saa kpakin li ni.

1 Samuel 26:11

Yennu n bɔr ki n daa jikit n nuu ki siin Yennu niganntɔɔ na. Ŋaant ki tin jii u kpann nan u nyun lenn nba see ki kpia u yur na, ki yaat nann.”