Rom Teeb 12:18 - Yennu Gbouŋ Mɔɔr

¹⁸ Ii yabir i mɔŋ man kii mɔk parmaasir nan niib kur.

Yennu Gbounpaauŋ Mɔɔr

¹⁸ Yii yabir i mɔŋ man kii mɔk parmaasir nan niib kur.

Rom Teeb 12:18 ပူးပေါင်းရင်းမြစ်များ

Pinpiik 21:24

Ki Abraham jiin a, “N senn mɔsonna.”

2 Samuel 20:19

Ti doo tee digbanjaanne, li tee Israel mɔsaku nan parmaasir doi na yenne. Bee ki i koor a yin bitiri? I loon yin biir linba tee Yennu yare-e?”

Yaŋ 34:14

Nyikin toonbiit, ŋaan kii tuun toonŋana. Lomin parmaasir nan i yan kur.

Barjokit 12:20

Binba lorin bonbiir, ŋamme tuu tan kɔɔ leŋ, ŋaan binba tuun toonŋana mɔk parpeenne.

Barjokit 3:30

A daa kɔn nan a lɔɔ yoo nba ki u ki tuma bonbisiari.

Matiu 5:24

wun nyik u piinii maŋ leŋ, ŋaan ŋmat saan u naa bik na boor ki bin saa ŋamm bi barii ki gbenna, ki wun jen ki jii u piinii maŋ ki tur Yennu.

Matiu 5:5

“Binba sikin bi mɔŋ, parpeenn tee bi yare, kimaan ŋamme tan sii yen tingbouŋ na.

Matiu 5:9

“Binba tee sindantinna nan kunkɔnpat-teeb, parpeenn tee bi yare, kimaan ŋamme ki Yennu yib u waas.

Barŋanii nba ki MAK din sɔb nae na 9:50

“Yaarin man; ŋaan yaarin manu-i taŋi saat, nlee ki a ji saa te lin maŋi? “Ii ŋaan ki i binbeŋ-ii tee nan yaarin na, ki manu-ii be yimm nan i leeb sinsuuk ni.”

Rom Teeb 1:15

Li paak ki n ninbinn mɔn bonchiann a n mɔɔnt barŋanii maŋ ki tur yimm nba be Rom doo ni na.

Rom Teeb 14:17

Kimaan Yennu naan labaar ki tee dinu koo nyunu labaar kaa, ŋaan li tee popeenn nan parmaasir nan parpeenn yare ki Yennu Seyeeŋ turit.

Rom Teeb 14:19

Li paak, ŋaant man ki tin yabir ki tun linba baat nan parmaasir, nan linba saa somm ti leeb.

1 Korint teeb 7:15

Ŋaan wunba ki tee Masiaweirɔ-i loon wun yêt u lɔɔ nba tee Masiaweirɔ, wun ŋaan ki wuu saa. Ŋann ŋarin sennu ji ki so bi sɔɔ. Yennu-e yiinit a tii be nan parmaasir.

2 Korint teeb 13:11

N naa waas, linba ji biar tee min chabie. Ŋammit i sɔnu kii saak n kpaanii man, kii mɔk mɔtaauk nan parmaasir; ki Yennu nba loonit ki teent parmaasir na sii be nani.

Galasia teeb 5:22

Ŋaan Yennu Seyeeŋe te ki nirɔ mɔk lomm, nan parpeenn, nan parmaasir, nan sukuru, nan burchint, nan ŋamm, nan binbenŋaŋ,

Efesus teeb 4:3

Yennu Seyeeŋ nba teeni mɔtaauk nba na, ii yabir i mɔŋ kii diar nan parmaasir nba taani na.

1 Tesalonika teeb 5:13

Ii teemm baakir nan lomm nba yab, kimaan bi toona nba ki bi tuun na paak. Ii be nan leeb nan parmaasir man.

2 Timoti 2:22

Nyint a mɔŋ nipaauŋ nianbiiuk na ni, ŋaan kot ki fin nan binba para yeen ki bi yi ti Yomdaanɔ ki loon sommir na n wei yentinu sɔnu, nan yada sɔnu, nan lomm sɔnu, nan parmaasir sɔnu.

Hiibru teeb 12:14

Yabit kii mɔk parmaasir i leeb sinsuuk ni, kii mɔk binben-yeeŋ, kimaan sɔɔ-i kii mɔk ŋann, li yɔɔ tan kan la ti Yomdaanɔ.

1 Piita 3:11

ki nyik biit tumu, ŋaan kii tuun toonŋana, ki lon parmaasir sɔnu kii waa-r,

Barbuura 11:14

Ki Jefta bia ŋamm tun toomii, ki bi ŋmat Amonn bat boor