Rom Teeb 11:36 - Yennu Gbouŋ Mɔɔr

³⁶ Yennu-e din nan bonsiar kur, ki dia li kura, ki u paake ki li kur be. Ŋaant ki wun la paku mɔkmɔk nan mɔkmɔk. Mamɔmm.

Yennu Gbounpaauŋ Mɔɔr

³⁶ Yennue din nan bonsiar kur, ki dia li kura, ki u paake ki li kur be. Ŋaant ki wun la paku yoo nba kaa gbennu. Mɔmɔmm.

Rom Teeb 11:36 ပူးပေါင်းရင်းမြစ်များ

Yaŋ 115:1

Yennu, fin kuukɔɔe, ki baakir saa baar a boor, ŋaan li kan baar ti boor kaa, kimaan a lomm nba kaa gbennu nan a barmɔnii na paak.

Yaŋ 33:6

Yennu yet mɔmaame ki nan sanpaapo, ki bia yet mɔbonn ki li nan yonnu nan ŋmaarik nan ŋmaabira,

Barjokit 16:4

Yennu nba nan linba kur mɔk paake, ki toonbiit damm joontu tee kuume.

Aisaya 42:12

Ŋaant binba be digbanbanfɔka na n tur Yennu dontir nan baakir.

Daniel 4:3

Yennu nba fiit u bakitnauŋ toona nba ki tur niib, li yab bonchiann. Yaarlituk toona nba ki u tun na mɔk paŋ. Yennu-e tee kpanbar nan yoo nba kaa gbennu. U sii dia u niib maaru n tuu maaru.

Daniel 4:34

Bina ŋanlore gare ki min Nebukanesar gokit got sanpaapo, ki n yan jen, ki n ji pak dont yabint Yennu ki turɔ baakir nan dontir a: “Ŋɔɔe tee daanɔ nba be nan yoo nba kaa gbennu. U naan yɔɔ be-e mɔkmɔk nan mɔkmɔk.

Matiu 6:13

A daa te ki ti kɔɔ jinjammii ni, ŋaan a nyinnit bonbiir ni. ((Kimaan fine yen naan nan yiikoo nan baakir mɔkmɔk nan mɔkmɔk.))’

Barŋanii nba ki LUK din sɔb nae na 19:38

“Piisin be kpanbar nba baat Yennu sann ni na paak. Parmaasir be Yendɔuŋ ni; ii dontir Yennu sann sanpaapo man.”

Barŋanii nba ki LUK din sɔb nae na 2:14

“Dont Yennu sann sanpaapo man; parmaasir-ii be u nigannkab paak, tingbouŋ na ni.”

Toona 17:28

nan sɔɔ nba din yet a: ‘Li tee Yennu paake ki ti be ki tuun.’ I yandamm pinpakit mun bia lek want nna maŋe a: ‘Ti mun tee Yennu waase.’

Rom Teeb 16:27

Ŋɔɔ kɔɔe tee Yennu ki tee yandaanɔ. Niib kur n pakɔ mɔkmɔk nan mɔkmɔk, Yiisa Masia sann paak. Mamɔmm.

1 Korint teeb 11:12

kimaan sintansimm, poo din nyii joo nie, ki pooe mun maar jɔɔ, ŋaan bont kur nyi Yennu boore.

1 Korint teeb 8:6

Timm yaa boor ni ŋarin, Yen-yenɔkɔɔe be; ŋɔɔe tee ti Baa Yennu nba din nan bonsiar kur, ki u nie ki ti fo. Ki Yomdaan-yenɔkɔɔe be, ŋɔɔe tee Yiisa Masia. U paake ki bonsiar kur nan; u paake biak ki ti fo.

Galasia teeb 1:5

Ŋɔɔ Yennu kɔɔe yen dontir mɔkmɔk nan mɔkmɔk. Mamɔmm.

Efesus teeb 3:21

Ŋɔɔ Yennu tan saa la baakir Yiisa Masia nan u weira paak, yoo kur, yaayoo siiyoo. Mamɔmm.

Filipi teeb 4:20

Niib-ii dontir ti Baa Yennu sann mɔkmɔk nan mɔkmɔk. Mamɔmm.

1 Timoti 1:17

Dontir nan baakir tee Yennu yare mɔkmɔk nan mɔkmɔk. Ŋɔɔe tee kpanbar nba kan mi kpo, ki sii be yaa yoo nan yaa yoo; ki sɔɔ ki laatɔ; ki u tee Yen-yemmir na. Mamɔmm.

1 Timoti 6:16

ŋɔɔ kuukɔɔe kan kpo; u be yentchiɔŋ nba ki nirɔ kan fit nakin na ni; ŋɔɔe ki sɔɔ daa ki mi lau koo ki saa fit lau; ŋɔɔe yen paku nan paŋ yoo nba kaa gbennu. Mamɔmm.

2 Timoti 4:18

Ŋɔɔe bia saa nyinnin bonbiir kur ni, ki kɔɔnin u naan nba be sanpaapo na ni nan laafia. Ŋɔɔe yen dontir mɔkmɔk nan mɔkmɔk. Mamɔmm.

Hiibru teeb 13:21

ŋɔɔ Yennu n ŋamm i binbeŋ fanu ki yii tuun u loomm, kii tuun toonŋana kur. Yiisa Masia paak wun te ki tii tee binba sii pent u par. Ŋɔɔe yen dontir mɔkmɔk nan mɔkmɔk. Mamɔmm.

Hiibru teeb 2:10

Yennu nba nan bonsiar kur ki bia dia li kur na, ŋɔɔe jii u waas bonchiann ki kɔɔmm u naan na ni, ki li took u boor a wun te ki bi tinnu daanɔ Yiisa-ii setiki tee bi Tinntɔɔ nan barmɔnii, u biak dinu paak.

1 Piita 4:11

Wunba ki Yennu sennɔ a wuu mɔɔntir barŋanii na, wuu mɔɔntir linba ki Yennu teenɔ nae; wunba mun ki Yennu sennɔ a wuu sommit leeb, wuu sommitib nan u paŋ nba ki Yennu teenɔ na, ki Yennu n la paku bonsiar kur ni, Yiisa Masia paak; ŋɔɔ Yennu-e yen paku nan paŋ kur mɔkmɔk nan mɔkmɔk. Mamɔmm.

1 Piita 5:11

Ŋɔɔe mɔk paŋ kura mɔkmɔk nan mɔkmɔk. Mamɔmm.

2 Piita 3:18

Ii ŋamm gaar ti Yomdaanɔ Yiisa Masia nba tee ti Tinntɔɔ na lomm nan ninkpabauŋ, kii tumii u mɔmaan na ki pukin. Ŋɔɔe yen dontir mɔkmɔk nan mɔkmɔk. Mamɔmm.

Juud 1:25

ŋɔɔ nba tee Yen-yenɔkɔɔ ki tinnit ti Yomdaanɔ Yiisa Masia paak na, u yen paku nan yent nan paŋ nan bont kur yudant, yoo nba din gar na, nan mɔtana, nan mɔkmɔk nan mɔkmɔk. Mamɔmm.

Fiitu 19:1

Linba na poorpo, ki n gbat fuut Yendɔuŋ ni, ki li tee nibur pinpauk, ki bi yeen a “Haleluya, tinnu nan dontir nan paŋ tee ŋɔɔ Yennu yare;

Fiitu 21:6

Ki u bia yetin a “Li poŋ tuma. N tee Alfa nan Omega-e; li paak tee piinu nan joontu. Binba ki nyunnyukuru mɔkib na, n saa pib manfoor nyun nba bunii ki nyi nyuntona ni na, ki bin nyu.

Fiitu 7:10

“Tinnu nyi ti Yomdaanɔ Yennu nba kar naangbouŋ paak nan Pegann na boore.”

Fiitu 7:12

ki yeen a, “Mamɔmm, paku nan dontir nan yan nan niipoturu nan baakir nan paŋ nan yiikoo tee Yennu yare mɔkmɔk nan mɔkmɔk. Mamɔmm.”