Rom Teeb 10:4 - Yennu Gbouŋ Mɔɔr

⁴ Kimaan Moses sennu weiu ji kan te ki Yennu n yet a sɔɔ tee niŋanɔ u boori; ŋaan wunba kur teen Masia yada, Yennu saa yet a li daanɔe tee niŋanɔ u boor.

Yennu Gbounpaauŋ Mɔɔr

⁴ Kimaan Moses sennu weiu ji kan te ki Yennu-n yet a sɔɔ tee niŋanɔ u boori; ŋaan wunba kur teen Masia yada, Yennu sa yet a li daanɔ tee niŋanɔe u boor.

Rom Teeb 10:4 ပူးပေါင်းရင်းမြစ်များ

Aisaya 53:11

U biak dinu poor po ki u saa la parmaasir, ki bann nan u ki dii biak yann kaa. N toontunmɔnɔ nba ki n par mei u paak na saa gaar nisaarii bonchiann tubdatu, ki u paak n saa nyik chabib.

Matiu 3:15

Ŋaan ki Yiisa yetɔ a “Ŋaant ki lin tun nna mɔtana, kimaan nnae ŋan nan tin tun toonŋana kura.” Li yoo na ki Jɔɔnn sak.

Jɔɔnn 1:17

Moses din turit Yennu sennue, ŋaan Yiisa Masia ŋarin baar nan ninbatinue ki turit, ki bia wannit barmɔnii wannu.

Rom Teeb 3:22

Yennu-e te ki nisaarii nba teen Yiisa Masia yada na tee niŋamm u tɔɔnn, li nyii baa teen Yiisa Masia yada nae, ki lukitin kaa,

1 Korint teeb 1:30

Ŋɔɔ Yennu-e taan timm nan Yiisa Masia ki u tee ti yan. U paake ki Yennu nyinnit daabisin ni, ki yet a ti tee niŋamm u boor, ki ji tee u niib.

Galasia teeb 3:24

Li paak, sennu na din ŋman ti yomdaanɔe ki diat mɔkmɔk nan yoo nba ki Masia tan baar, a tin teenɔ yada, ki Yennu n yet a ti tee niŋamm u boor.

Galasia teeb 4:5

a wun tinn binba be sennu maŋ ni na, ki tin kpant Yennu waas.

Kolosa teeb 2:10

ki i gaar barmɔnii manfoor, kimaan yaa gaa nanɔ na paak. Ŋɔɔe tee yudamm nan paŋ damm kura saakɔɔ.

Kolosa teeb 2:17

Li sennu booru din tee yunyuŋo ki want nan sɔɔ baat. Li yɔɔe tee Masia.

Hiibru teeb 10:14

Li paak, ŋɔɔ din mann marunyemmire ki te ki binba ki u nyinnib biit ni na be fanu yoo nba kaa gbennu.