Pinpiik 8:21 - Yennu Gbouŋ Mɔɔr

²¹ Maruŋ na nubiru din nubir kɔɔ Yennu, ki maŋɔ, ki u yet u mɔŋ a, “N lek mi nan laa nyii nisaarik bisin niwa, u dudukit tee biite, ŋaan n ji kan ban mɔ tingbouŋ na mɔtont, u biit paaki. N ji kan ban biir bonfoor kur nba be, nan maa tun mɔtana na.

Pinpiik 8:21 ပူးပေါင်းရင်းမြစ်များ

Pinpiik 3:17

ki bia yet jɔɔ na mun a, “A gbiint a ŋaapoo mɔmaame, ki dii tiik lɔɔna nba ki n daan yet maa a daa di na. Faa tun nna na, mɔtont waa-a tiŋ na paak, a tuu saa tun bonchiannewa ki tan la jeet ki di.

Pinpiik 4:12

Li-i tee ki a koo kpaab, li ji kan nan jeet ki turani, ki a sii tee niyann nan nilinliŋir tingbouŋ na paak.”

Pinpiik 5:29

ki yet a, “Tiŋ na nie ki Yennu sat mɔtont, bik nae saa baar nan foon ti toona ni.” Li paak, ki u pur bik maŋ sann Nowa.

Pinpiik 6:13

Ki u yet Nowa a, “N saa boont nisaarii kur tingbouŋ na niwa. N saa biirib, kimaan bi toonbiit nan mukisuk paake te ki n yaa n biir ŋamm nan tingbouŋ na.

Pinpiik 6:17

N yaa n baar nan nyungbeeuko tingbouŋ na ni, ki lin di bonfoor kur. Linba kur mɔk manfoor tingbouŋ na ni saa kpo,

Pinpiik 6:5

Ki Yennu la nisaarik tonu nba yabit tingbouŋ na ni, nan u dudukit kur nba tee bonbiir biaŋinba,

Pinpiik 6:7

Ŋanne ki u yet a, “N saa biir nisaarik nba ki n namɔ tingbouŋ na niŋ nawa, li niib nan bonkobit nan bonbubɔkit nan bon-yuyukit, kimaan n mɔ kɔɔ nan maa namm nawa.”

JOB labaar 14:4

Bonŋansiar ki fit nyi linba ki yeen ni.

Yaŋ 51:5

N din tee yanbɔndaanɔe yoo nba ki bi marin na, ki bia tee biit daanɔ yoo nba ki bi din soor n poor nawa.

Yaŋ 58:3

Toonbiit damm fiir bi bisin niŋewa, ki fa fai nan bi manfoor gbennu.

Yaŋ 58:4

Ki bi mɔi gbee nan lɔbiie, nan waalabirii yar na, ki kpaa bi tuba nan waajiant nba kpaa bi tuba biaŋinba na,

Nyinu 29:18

ki joo li kur muu, binbintir na paak, ki lii tee jeet piinii, ki jeet maŋ nubiru saa maŋin.

Nyinu 29:25

Ki a gaarir bi boor ki joor muu, binbintir na paak, ki wat mujoonu piinii na paak, ki lii tee jeet piinii kii teenin, ki jeet maŋ nubiru saa maŋin.

Barjokit 20:9

Sɔɔ be ki saa fit yet nan ŋɔɔ kaa dudukbiit, ki yanbɔmm kaa u ni-i?

Banntɔɔ 7:20

Sɔɔ ki be tingbouŋ na ni ki tuun linba ŋan yoo kur, ki ki ban tun kpeti.

Aisaya 47:12

Ii dia a nyɔkii tingbangbirii na kur. A bisin niwa, a tuu dia ŋanne ki tuun. Li pasiar, li sii mɔk sommir ki tura, koo ki jeen a datai.

Aisaya 47:15

Ninnyɔdamm nba ki a gaan kpaanii bi boor bisin niwa na, bi kur saa yaat ŋaan nyika, ki sɔɔ kan biar ki tinna.”

Aisaya 48:8

N mi nan n kan ban teeni yada, kimaan i yɔɔ tee kangaarnbae, ŋanne teen ki i ki mi gbat linba na po faba, ki li maan nan waama ki kɔɔ i tuba ni.

Aisaya 53:6

Ti kur din tee nan pei nba tuu bot nae, ki sɔɔ kur tɔk u sɔnu. Ŋaan ki Yennu te ki ti tubdatu na baa u paak, tubdatu nba bo kpaa ti kur na.

Aisaya 65:6

“N poŋ soor maa saa dat bi tuba biaŋinbawa, ki bi tubdatu sɔb ki be. N kan nyik baa tun linba na, ŋaan n saa pab

Jeremaya 17:9

“Ŋmee saa fit bann nisaarik par ni? Li mɔk kpinkpannii ki gar bont kur, ki li baatuk na yabit gar nan lin la tebuwa.

Jeremaya 18:12

Ŋaan bi saa jiin a, ‘Aaii. Bee ki ti saa lebit ti binbeŋi? Ti sii yɔɔ tee tubkangbata nan biit damm, taa loon biaŋinbae.’ ”

Jeremaya 8:6

N gbiinte fanu, ŋaan i ki pak mamɔmmi. Nan i yenɔkɔɔwa ki mɔ kɔɔ u biit paaki, ki i sɔɔ ki boi a, ‘N biir bee?’ Sɔɔ kur tun waa loon linbae, nan taamm nba tuu tiin ki saa tɔb biaŋinba na.

Esekiel 20:41

Ki li-i tee ki n tan nyinni digbana nba ki n bo yati na ni, ki taani boyenn kuukɔɔ ni, li poor po, n saa gaar i marint nba ki i jokin muu na, ki digbana na niib saa la nan n tee kasii.

Liifai teeb 1:13

Jɔɔ na saa wuur bonkobuk na nɔɔk ni nant, nan u nanii taa, ki manntɔɔ na n jii ki tur Yennu, ki joo li kur muu, binbintir na paak. Ki Yenpiinii maŋ nubiru saa maŋ Yennu.

Liifai teeb 1:17

ki soor u kpinkpant ki litɔ, ŋaan daa tabitir u kpinkpant maŋ, ki ji joou muu, binbintir na paak. Ki Yenpiinii maŋ nubiru saa maŋ Yennu.

Liifai teeb 1:9

Jɔɔ na saa wuur bonkobuk na nɔɔk ni nant nan u nanii taa, ki manntɔɔ na n joo li kur muu maruŋ binbintir na paak. Ki Yenpiinii maŋ nubiru saa maŋ Yennu.

Liifai teeb 26:31

N saa te ki i doi n kpant langbent, ki biir i jiantboa, ki yêt i maruŋ.

Liifai teeb 4:31

ki paat kpapana na kur, nan waa tuu paatir weinanleeb Yenpiinii bonkobit kpapana biaŋinba na, ki joor muu, maruŋ binbintir paak, ki li nubiru saa maŋ Yennu. Nna bannue ki manntɔɔ na saa mann maruŋ, ki li tee jɔɔ na biit paak, ki Yennu saa nyik chabɔ.

Liifai teeb 8:28

Ki Moses gaar jeet na bi boor, ki joor muu binbintir na paak, ki pukin maruŋ nba jokit muu na paak, ki li tee mannteeb kaanu maruŋ. Linba na tee jeet Yenpiinii maruŋo, ki li nubiru maŋ Yennu.

Nikant 15:3

i saa fit jii naajak koo pejak koo peeuk koo buuk ki mann maruŋ ki joo muu ki tur Yennu, koo li-i tee ki i yaa yin mann maruŋ ki gbeen mɔsonn, koo li-i tee yanbɔɔ Yenpiinii, koo ki tee i Yenpiinii nba ki i sii yɔɔ mann ki li tee jiantii maruŋ, ki Yenpiinii maŋ nubiru saa maŋ Yennu.

Matiu 15:19

Nirɔ par nie ki dudukbiit na nyi: nikpinu, nan bonchonchontoona, nan nanyukin, nan faak siara, nan sanjaauŋ.

Jɔɔnn 3:6

Nisaarik ŋarin maar nisaarike, ŋaan ki Seyeeŋ na mun maar Seyeeŋ yɔɔe.

Rom Teeb 1:21

Bi mi Yennu, ŋaan bi ki teenɔ baakir nba ki u yen na, bi bia ki teenɔ niipoouku. Bi mɔk jatdudukit, bi yan ki yenti, ki bia ki mɔk nyɔɔti.

Rom Teeb 3:23

kimaan nisaarii kur tun toonbiit ki ki be fanu nan Yennu nba loon biaŋinba na.

2 Korint teeb 2:15

Ti tee nan bonnunubmana nae, ki Masia jiit ki wubint ki teen Yennu, ki li yat kɔɔ binba laat tinnu nan binba ki laat tinnu na kura.

Efesus teeb 5:2

ki ŋaan ki lomm-ii dia-i, nan Masia nba din loont bonchiann, ki gaar ti paak ki kpo, ki teen maruŋ nba ki Yennu loon na.

Filipi teeb 4:18

N gaar i piinii na munna ki li jaŋima. Piinii nba ki i daan tun Epafrodaitus nann na te ki n gboowa. Li piinii naan nan mannu nba nubir man nae ki teen Yennu, ki penn u par, ki u gaarir.

1 Jɔɔnn 5:19

Ki ti bia mi nan timm Masiaweira tee Yennu yabe, ŋaan tingbouŋ na ŋaateeb kur nba ki tee Masiaweira na be Sintaanii nuu nie.

1 Samuel 26:19

Kpanbar, gbiintir maa saa yet linba na. Li-i tee Yennu-e ŋmanta ki yaa a tookimii, Yenpiiniie ki ti saa jii turɔ ki lebit u dudukit; ŋaan li-i tee nisaariie tun nna, ŋann Yennu mɔtont n baa bi paak, kimaan bi ber nyinnin Yennu tiŋ na niwa, ki yetin a, ‘Saant ki jiant pata.’