Pinpiik 7:23 - Yennu Gbouŋ Mɔɔr

²³ Ki Yennu boont bonfoor kur nba be tingbouŋ na ni, nisaarii nan bonkobit, nan bonfoa nba bɔɔk tiŋ na paak, nan nɔɔnii nba yuuk sanpaapo, see Nowa nan binba kur be ŋaruŋ niŋ na kuukɔɔe din biar.

Pinpiik 7:23 ပူးပေါင်းရင်းမြစ်များ

Pinpiik 6:17

N yaa n baar nan nyungbeeuko tingbouŋ na ni, ki lin di bonfoor kur. Linba kur mɔk manfoor tingbouŋ na ni saa kpo,

Pinpiik 8:18

Ki Nowa nan u bonjai, nan u ŋaapoo, nan u sipoi din nyii ŋaruŋ na ni.

JOB labaar 5:19

Yoo kur u saa tinna ki nyinna daŋ ni.

Yaŋ 91:1

Wunba baar Yennu boor ki loon fatu; wunba biar Yabint Yennu maasu,

Yaŋ 91:7

Tusir saa kpo ki dɔɔ linta, ki tusaa piik n kpo ki linta, ŋaan a kan la daŋi.

Barjokit 11:4

Mɔkint kan tura sommir a kuun daari, ŋaan a binbenŋaŋe saa tinna.

Matiu 25:46

Binba na tan saa saan ki saa la tubdatu nba kaa gbennu na, ŋaan ki yentinna na n mun saan ki saa be manfoor nba kaa gbennu na ni.”

Hiibru teeb 11:7

Nowa yada paake din te ki u gbat Yennu kpaanii ki jiin bona nba ki u daa kan fit lar nan u ninbinn na po. U din sak Yennu mɔb ki kpaa ŋaringbeŋir, ki ŋɔɔ nan u ŋaateeb kɔɔ leŋ ki tinn. Ŋanne din wann nan tingbouŋ na niib mɔk biit; ŋaan ki u yada maŋ paak ki Yennu din purɔ yentinnɔ.

1 Piita 3:20

ŋamme din tee niib nba ki sak Yennu mɔb, yoo nba ki u din dii sukuru Nowa yoo na, yoo nba ki ŋɔɔ Nowa din ŋamm ŋaringbeŋir; ki niib banniin kuukɔɔ din kɔɔ ŋaruŋ maŋ ki tinn nyun ni na.

2 Piita 2:5

Nnae biak, u din ki nyik yaayoo ni tingbouŋ niib na. U din te ki nyume dii tingbouŋ maŋ, ki kpii binba kur ki tiinɔ na, ŋaan tinn Nowa, wunba din mɔɔntir Yenweiu po, ki tinn u ŋaateeb banlore ki pukin.

2 Piita 2:9

Ti Yomdaanɔ Yennu mi biaŋinba ki u saa fat niib nba tiinɔ, ki nyinnib mukisuk ni, ŋaan dat biitdamm tuba mɔkmɔk nan daar nba ki u tan saa bu bi buut.

2 Piita 3:6

ki bia tan te ki nyun dii tingbouŋ maŋ ki li biiri.