Pinpiik 5:24 - Yennu Gbouŋ Mɔɔr

²⁴ Enɔk din waa Yennu fanu, ki bi din tan ki lau, kimaan Yennu-e din jiiu.

Pinpiik 5:24 ပူးပေါင်းရင်းမြစ်များ

Pinpiik 24:40

Ki u jiin a, ‘Yennu nba ki n saak u mɔb na saa tun u malaka ki wun gar a tɔɔnn ki tura nyannu. A saa la sapaamɔ n dantiŋ ni, n niib boor.

Pinpiik 37:30

ki ŋmat u ninjamm boor ki yet a, “Bik na kaa leŋ. N saa teen nlee?”

Pinpiik 42:36

Bi baa Jakɔb din yetib a, “I boont n waasa. Joosef ji ki be, Simeonn mun bia kaa, ki mɔtana i loon ki yin yaat nan Benjaminn, ki n ji biar kii di fara.”

Pinpiik 5:22

Enɔk nba din mar Metusela, li poorpo ki u be nan Yennu fanu, ki dii bina kobii ŋantaa ki mɔk bonjai nan bonpoi.

Pinpiik 5:23

Enɔk din dii bina kobii ŋantaa nan piinloob nan ŋanŋmu.

Pinpiik 5:25

Ki Metusela dii bina kobik nan piinniin nan ŋanlore ki mar Lamek.

Pinpiik 6:9

Nowa labaare na: Nowa din tee niŋanɔe ki be nan Yennu fanu. Ŋɔɔ kɔɔe din tee niŋanɔ li yoo.

2 Kpanbara 2:1

Yoo din baar nan Yennu n jii Elaija sajaperinn ni ki donnɔ yendɔuŋ ni. Elaija nan Elaisa din saa Gilgal,

2 Kpanbara 2:10

Ki Elaija jiin a, “Linba ki a boi li po na turu paar, ŋaan li-i tee ki a lan yoo nba ki Yennu jiin ki yaatir nanin a boor na, a saa gaarira; ŋaan fi-i kii lan, a kan gaariri.”

2 Kpanbara 2:11

Ki bi piak ŋaan saa; ki li taakpaak ni, ki taantorit nba ki muu di, nan taanii nba ki muu di na daarir na baar bi sinsuuk ni, ki sajaperinn jii Elaija ki doo nanɔ yendɔuŋ ni.

2 Kpanbara 2:12

Ki Elaisa lar, ki yikin, ki pak tur Elaija a, “N baa, n baa, Israel teeb fat-tɔjaann, a saana.” U ji din ki mi la Elaija. Elaisa par din biir, ki u pat u liatfoouk na chena ŋanlee.

Yaŋ 49:15

Ŋaan Yennu saa fatin kuun nuu ni, ki saa jiin, ki mii be u boor.

Yaŋ 73:24

Ki a dian nan kpaanii, ki li joontik, a tan saa gaarin nan baakir.

Jeremaya 31:15

Ki Yennu yet a, “Fuur fu Rama doo ni, fuur nba tee kpemɔnii nan fabinii, ki Rachel mɔ u waas paak, ki bi barimɔ ki tan goo, kimaan u waas kaa.

Matiu 2:18

“Fuur fu Rama doo ni, fuur nba tee kpemɔnii nan fabinii, ki Rachel mɔ u waas paak, ki bi barimɔ ki tan goo, kimaan u waas kpowa.”

Barŋanii nba ki LUK din sɔb nae na 23:43

Ki Yiisa betɔ a “Barmɔniie ki n beera na, dinna, min nan fin sii be Paradais ni.”

1 Jɔɔnn 1:7

Ŋaan li-i tee ki ti waa yentu sɔnu yoo kur, nan Yennu nba be yentu ni biaŋinba na, ŋann ti mɔk mɔtaauk nan ti leeb, ki u Bija Yiisa sɔme ŋammit ti para ki nyint biit kur.

Juud 1:14

Enok, wunba waa Adam yaaboona munlore ni na, din sɔkin ki yet bi po a “Yennu nan u kasii malakanba tusaa tusaa baat