Pinpiik 43:20 - Yennu Gbouŋ Mɔɔr

²⁰ “Chanbaa, ti ban baar nna yomm ki daa jeet.

Pinpiik 43:20 ပူးပေါင်းရင်းမြစ်များ

Pinpiik 42:10

Ki bi jiin a, “Aaii, chanbaa, a daaba baar a bin daa jeete.

Pinpiik 42:27

Baa saa baar siaminba ki bi saa dɔɔr, ki bi yenɔ lot u bɔtoouk a wun jii jeet ki dinn u boŋ, ki la likirii nba ki u bo pa jeet paak na, ki li wuu u bɔtoouk ni.

Pinpiik 42:3

Ki Joosef ninjamm piik fiir ki saan Ijipt a bin saa daa jeet.

Pinpiik 42:35

Baa sut bi jeet yoo nba, ki sɔɔ kur la likirii nba ki u bo pa jeet paak na, ki li be u bɔtoouk ni. Ŋamm nan bi baa nba la likirii na yoo nba, ki jaŋmaanii soorib.

Pinpiik 43:19

Ki bi chat nakin Joosef daabir na tammɔkpianu, ki betɔ a,

Pinpiik 43:21

Ŋaan taa soor sɔnu ki kun yoo nba, ti saa kar siar boor ki loot ti bɔtoot, ki sɔɔ kur la likirii nba ki u pa jeet paak na, ki li wuu u bɔtoouk ni. Ŋanne ki ti jen nann a tin jiin.

Pinpiik 43:3

Ki Juda yetɔ a, “Jɔɔ na kpaant a ti kan la u numpo see ki ti waarɔ pukin ti po.

Pinpiik 43:7

Ki bi jiin a, “Jɔɔ nae boi ki fiitit ti mɔŋ po nan ti niib po, ki yaa ti baa be u manfoor ni-i? a ti mɔk waarlɔɔ ki u be-e? Ki ti jiin u buboit maŋ soon nna. Ŋaan ti saa teen nlee ki bann nan u saa yet a ti baar nan ti waarɔ u boor ni?”

1 Kpanbara 3:17

Ki yenɔ yet a, “Chanbaa, min nan poo na be ŋayeŋ kɔɔ nie, ki n mar bonjak ki sɔɔ ki u be.