Pinpiik 41:51 - Yennu Gbouŋ Mɔɔr

⁵¹ Ki u yet a, “Yennu te ki n tamm n wahala kur, nan n baa ŋaateeb kura powa,” ki ji pur u bisinsinn Manase.

Pinpiik 41:51 ပူးပေါင်းရင်းမြစ်များ

Pinpiik 41:30

Ki li poorpo, kon saa baa bina ŋanlore, ki i saa tamm bina nba ki i tuu laat na po, kimaan kon saa yokit tingbouŋ nawa.

Pinpiik 41:50

Kon na nba din tan baat yoo nba, ki sɔɔ Joosef nan Asenaf mar bonjai banleewa.

Pinpiik 41:52

Ki u bia yet a, “Yennu turin waas, tiŋ nba ki n la wahala na niwa,” ki bia pur u bik nba pukin banlee na Efraim.

Pinpiik 48:1

Yoo din gar waan, ki bi bet Joosef nan u baa yiar. Ki u jii u waas banlee, Manase nan Efraim, ki saan namm a wun foont u baa.

Pinpiik 48:5

Ki Jakɔb ŋammit piak a, “Joosef, a waas banlee, binba ki a din marib Ijipt, ki sɔɔ ki n daa ki baar na, bi tee n yabe. Efraim nan Manase tee nan n waas Rubenn nan Simeonn nae.

JOB labaar 11:16

ki a tan saa tamm a daamii powa, ki li saa gar nan nyunmɔnn nba tuu gar, ki bin tamm li po na.

Yaŋ 30:11

A lebit n parbiire ki li tee parpeenn sawaak, ki nyinn n parbiir, ŋaan turin parpeenn,

Yaŋ 30:5

U wutoor ki wei nan maaku, ŋaan ki u ŋant wei ki saa dian manfoor terik. Bubuuk sii be nyiɔko, ŋaan ki kpinkpammuk be sanyiɔk ni.

Yaŋ 45:10

Kpanbar pooyookir, gbiintir maa yaa man beta linba: Tammit a niib po nan a baa ŋaaniib po.

Barjokit 31:7

Ŋaant ki bin nyu ki tamm bi namu nan bi parbiir po.

Aisaya 57:16

N tur n niib manfoor, ki kan tukin kii piak kii biirib, koo kii dont wutoor namm yoo kuri.

Aisaya 65:16

Tiŋ na ni, wunba kur loon piisin saa boi barmɔnii Yennu-e piisin po. Wunba senn mɔsonn saa por barmɔnii Yennu sann nie. Yaayoo ni daamii na saa gar, ki bin tamm li po.”

Nikant 26:28

Joosef, wunba din mar bonjai banlee, ki bi tee Manase nan Efraim na boorue na.

Sennu 33:17

Joosef booru paŋ tee nan naajak paŋ nae, ki u yiikoo tee nan naajakookir yina na. Ki u saa jii ŋanne ki tut nyinn niib ki saan namm banfɔka. Ki u paŋ tee Manase maaru tusaa tusaa nan Efraim maaru tusaa piik piik.”

Joosua 17:1

Tiŋ na chianu nba jiin Jɔɔdann mɔkir yonbaa po na din tee Joosef bijakper Manase ŋaateeb yare. Gilead baa Makir-e din tee Manase bijakper, ki bia tee kunkɔnkɔnna yudaanɔ, li paak ki bi jii Gilead nan Basann yentnba ki teen u nuu ni, ki li be Jɔɔdann mɔkir yondo po.

1 Samuel 1:20

ki u soor poor, ki mar bonjak, ki purɔ Samuel, ki yet a, “N boi Yennu-e u po.”