Pinpiik 32:26 - Yennu Gbouŋ Mɔɔr

²⁶ Jɔɔ na din yet a, “Ŋaant ki man saan, kimaan sanyiɔk yentire na.” Ki Jakɔb jiin a, “Fi-i kii teen piisin n paak, n kan chaba ki fin saani.”

Pinpiik 32:26 ပူးပေါင်းရင်းမြစ်များ

Pinpiik 32:25

Ki jɔɔ na nba la nan u kan nyann gbigbaar maŋ na, ki u faa Jakɔb kpeeruk ki kpet.

Pinpiik 32:27

Ŋanne ki jɔɔ na boi Jakɔb a, “A sanni-i?” Ki Jakɔb jiin a, “N sanne tee Jakɔb.”

1 Barkperii 4:10

Ki Jabes miar ŋamm Israel teeb Yennu, ki yet a, “Yennu, teent piisin n paak, ki te n yent-ii yab; ŋaant ki a nuu-ii paa n paak, kii guun, ki bonbiir daa baatin, ki mii fɔk nan tont.” Ki Yennu gat turɔ linba ki u miar na.

Yaŋ 67:1

Yennu, a tinit ninbaauk, ki teen piisin ti paak, ki gotit nan burchint,

Nyinu 32:10

A daa koor a fan gɔɔrin mɔtana. N wutoor doo bi paaka, n yaa man biiribe, ŋaan n saa te ki fin nan a yaaboona n teen digbanjaann.”

Yankpaŋii 3:4

Maa gar guuteeb na yoo nba, ki n ji la n yɔɔk. Ki n kubɔ, ki ji kan ŋaan ki wun yaat, see ki n tan jiiu ki saan nanɔ n naa ŋaak, ki kɔɔ nanɔ diiuk nba ki bi din marin na ni.

Yankpaŋii 7:5

A yur goone nan Kamel kunkonn na. A yupiankar nyiriie nan chinchennyinyir na, ki li fant saa fit kɔɔn kpanbar niɔŋ.

Aisaya 45:11

Yennu nba tee Israel teeb kasii Yomdaanɔ, ki tee wunba ŋmakitir tɔɔnn po binbeŋ na yeen a, “A kaa yaak ki saa boin siar ki jiin n waas po, koo ki wannin linba ki n saa tumii.

Aisaya 64:7

Sɔɔ ki baat a boor miaru ni, sɔɔ ki baat a boor ki loon sommiri. A bɔre, ki ti ki laata, ki nyɔr nyikit kimaan ti biit paak.

Hosea 12:4

ki gbaa nan malaka ki tan nyann, ki bui fabin, a wun teen piisin u paak. Ki Yennu la Jakɔb, Betel doo ni, ki pak nanɔ leŋ.

Rom Teeb 8:37

Ŋaan linba na kur tee yanne, kimaan ti la nyannu kur Yiisa Masia, wunba loont na paaka.

1 Korint teeb 15:58

Li paak, n naa waas, ii be man fanu ki daa baa Masiaweiu ni. Ii jii i mɔŋ kii tuun ti Yomdaanɔ toona yoo kur, kimaan i mi nan toona nba ki i tuun ki teen ti Yomdaanɔ na, li tan kan baa yanni.

Sennu 9:14

A daa biki a gɔɔrimi. N saa biiriba, ki sɔɔ ji kan ban tiar bi po. N saa fiina, ki fii tee digbansaakar nba sii mɔk paŋ ki garib.’

Hiibru teeb 5:7

Tɔn, Yiisa nba din be tingbouŋ na ni yoo nba na, u din mei Yennu ki barimɔ, ki bui nan ninnyuut, Yennu nba saa fit fatɔ kuun ni na boor. Waa din baakit Yennu na paak, ki Yennu gbat u miaru.