Pinpiik 3:24 - Yennu Gbouŋ Mɔɔr

²⁴ Ŋanne ki Yennu te ki bonfoa nba mɔk kpinkpant be Edenn kpaab na yondopo, ki mɔk jukbanjiak, ki li tee nan muu na, ki ŋmantir ki guu sɔnu nba saa manfoor tiik na boor.

Pinpiik 3:24 ပူးပေါင်းရင်းမြစ်များ

Pinpiik 3:23

Ŋanne ki ti Yomdaanɔ Yennu ber nyinnɔ Edenn kpaab na ni, ŋaan te ki u ko kpaab, tiŋ nba ki ŋɔɔ Yennu jii namɔ na paak.

Pinpiik 4:1

Ki Adam dɔɔr nan u ŋaapoo, ki u soor poor ki mar bik, ki purɔ Keenn, ki yet a, “Yennu sommir paake ki n la jɔɔ.”

Pinpiik 4:14

Dinna daar nba na, a beerin ki nyintin tiŋ na niŋ, ki n sii lin bakii, ki ki laata, ki sii tee nilinliŋir tingbouŋ na paak, ki wunba kur lan, u saa kpime.”

Yaŋ 104:4

A jii wouŋo ki teen a toomiinba, ki tuu yent sanyikintii, ki li tee a toontunna.

Yaŋ 80:1

Yennu, fin nba din ŋmakitir Israel teeb nan pekpaarik nba tuu ŋmakitir pei biaŋinba na, gbiintir ki turit. Fin nba kar a naangbouŋ paak, bonninnant banlee nba mɔk kpinkpant na paapo,

Yaŋ 99:1

Yennu-e tee kpanbar; ŋaant nisaarii gbanant n jek. U kar bonninnant paak, ŋaant tingbouŋ na n damm.

Nyinu 25:2

“Betir Israel teeb ki bin baar nan piinii ki turin. Wunba kur par lakib ki u baar nan piinii a wun turin, fan set ki gaar n paak.

Esekiel 10:1

Ki n got la mɔpin-yerik nba be bona nba mɔk kpinkpant ŋanna na yur paak, ki siar be li paak ki tee nan naankok nba ki bi ŋammir nan tanbinyinyir nba ki li daauk paar, ki bi yir safir na.

Esekiel 31:11

Li paak, min Yabint Yennu saa yêt tiik nawa, ki jiiu kubin boorganu doo diarɔɔ nuu ni, ki u saa dat u tubir, u toonbiit paak.

Nikant 22:23

Boŋ na nba la malaka see sɔnu ni ki dia jukbanjiak na, ki boŋ na nyik sɔnu ŋaan bot ki tɔkin muuk; ki Balam faa boŋ na, ki u ŋmat jen sɔnu ni.

Jɔɔnn 14:6

Ki Yiisa betɔ a, “Mine tee sɔnu na, ki bia tee mamɔmm, ki bia tee manfoor. Sɔɔ kaa ki saa baar n Baa Yennu boor, ki li ki tee ki u sint baarimi.

Hiibru teeb 1:7

Ŋaan malakanba na po ŋarin ŋɔɔ Yennu din yet a: “U te ki u malakanba tee sei, ki bia teemm ki bi tee mupeenu.”

Joosua 5:13

Yoo nba ki Joosua din per Jeriko na, ki u la jasɔɔ see u tɔɔnn ki dia jukbanjiak. Ki Joosua saan u boor ki saa boiɔ a, “A tee ti jab na yenɔ amii a tee ti dataake?”

1 Samuel 4:4

Ki tɔɔndamm na nyinn jab ki tumm Siilo, ki bi saan jii Yabint Yennu mɔlor lakir na ki jen nann. Ki ŋɔɔ Yennu be bona nba mɔk kpinkpant banlee na sinsuuk ni. Ki Eli bonjai banlee nba tee Hofni nan Finehas na baar nan mɔlor lakir na.