Pinpiik 3:19 - Yennu Gbouŋ Mɔɔr

¹⁹ A tuu saa tume bonchiann ki nyi naauka ki tiŋ n fit nan jeet, nan faa tan saa ŋmat tant nba ki a nyii na ni. Tante ki n jii nama, a bia tan saa ŋmat kpant tant maŋe.”

Pinpiik 3:19 ပူးပေါင်းရင်းမြစ်များ

Pinpiik 18:27

Ki Abraham yet a, “N Yomdaanɔ, nyikin chabin nan maa mɔk par ki piak nana na. N tee nisaarike, n ki mɔk yaak nba ki n sii piak nanani.

Pinpiik 2:7

Ki ti Yomdaanɔ Yennu maŋ jii tant tiŋ ni, ki nan nirɔ, ki foont manfoor foon ki teen u manbona ni, ki nirɔ na piin ki fo, ki tee nisaarik.

Pinpiik 23:4

“N tee saamɔe ki be i boor ni na. Ŋmitir tiŋ waan ki kɔi turin, ki man pii n ŋaapoo.”

Pinpiik 3:18

Li tuu saa pia mɔbiit nan kunkoniie, a bia sii di faate.

Pinpiik 5:5

Bina nba Adam din dii u manfoor ni tee kobii ŋanyia nan piintaae, ki kpo.

JOB labaar 1:21

ki yet a, “Bi din marin yanne, n bia tan saa kpo yanne. Yennu-e din turin, ki mɔtana u jii yaat nann na. Yennu sann n la dontir.”

JOB labaar 10:9

Tiat nan a jii nɔɔnne ki namin; ki a ji yaa a nannime ki man ŋmat kpant tanbiinii-i?

JOB labaar 19:26

Yiaru-i lekii biir n gbananbɔŋ na, ŋaan n sii be n gbanant nie ki la Yennu.

JOB labaar 21:26

Ŋaan bi kur lek tuu tan kpo ki bin piibe, ki nanwuba n kɔɔ bi kur.

JOB labaar 34:15

nisaarii kur saa lakin kpoe, ki ji ŋmat tant ni.

JOB labaar 4:19

A dukin nan u saa teen yada nan nisaarik nba tee nɔɔnn, bont nba tee tant, ki saa mat nan wobmaann nawa-a?

Yaŋ 103:14

U mi waa jii linba ki nant, u mi nan ti tee tante.

Yaŋ 104:23

Li yoo na ki nisaarii n nyi ki tun bi toona ki saa tuu daajoouk.

Yaŋ 104:29

Li-i tee ki a lek a numm, jaŋmaanii tuu sooribe, ki fi-i jii be foon, bi tuu kpoe ki ŋmat sik tant nba ki bi bo nyii na ni.

Yaŋ 127:2

Nirɔ-i nyi sanyafaar ki tuun toonn nan u paŋ kur, ki jent kɔɔ daajobɔnbiir, a u poor n gboo paak, li kaa nyɔɔti, kimaan Yennu-e piin binba ki u loomm na bonloŋa, yoo nba ki bi dɔɔ gɔɔn ni.

Yaŋ 22:15

ki n kunkɔr koor nan tankoont na, ki n lamm tab dindak ni, ki a nyikin tant ni nan n kpoe na.

Yaŋ 22:29

Karinbaandamm kur saa gbaan u tɔɔnn; nisaarii kur tan saa gbaan u tɔɔnn, ki jiantɔ.

Yaŋ 90:3

A te ki nisaarik ŋmat waa bo be sian, ki lebitirɔ ki u kpantir tant.

Barjokit 21:16

Wunba yêen dudukŋant, kuun see li daanɔ tammɔb ni ki guu-u.

Banntɔɔ 1:13

N din lor nan n saa fiit ki tumii linba kur tuun tingbouŋ na paaka. Yennu bir daamiie ti paak binbeŋ na ni.

Banntɔɔ 1:3

Ki a biir a yoo ki tuun toonn, ki bakit. A tan saa gaar bee li paaki?

Banntɔɔ 12:7

Ki ti gbanant tan saa ŋmat tanbiinii ni, tingbouŋ na paak, ki seek na saa ŋmat Yennu nba jiir ki turit na boor.

Banntɔɔ 3:20

Bi kura siik bɔyenn kɔɔ nie, ki li tee tant ni. Bi kur nyii li nie; bi kur bia saa ŋmat li nie.

Banntɔɔ 5:15

Ti tuu saa nyik ti bona durinya na ni, ŋaan ŋmat yanne nan taa baar biaŋinba na. Taa lek saa tun ti toona kur biaŋinba, ŋaan ti tan kan jii siar ki saan nanni.

Daniel 12:2

Ki bi bonchiann nba dɔŋ kpo na saa fiir kuun ni. Bi siab saa la manfoor nba kaa gbennu, ki bi siab mun tan saa di fei nba kaa gbennu.

1 Korint teeb 15:47

Sinsinn nirɔ na din nyii tant nie, ki nirɔ nba wei na nyii Yendɔuŋ ni.

Efesus teeb 4:28

Wunba tuu jaan u leeb bont na, wun ji nyik jamu, ŋaan yabir tun toona ki dinn u mɔŋ, ki bia fit tur tatimm linba ki bi loon.

1 Tesalonika teeb 2:9

Ti naa waas, setik nan mɔniie, i mi taa din tuun ki di fara biaŋinba. Taa din be i boor ki mɔɔntir Yennu barŋanii maŋ ki teeni na, ti din tuun yonnu nan nyiɔko, a ti daa tee jikir i sɔɔ paaki.

2 Tesalonika teeb 3:10

Taa din be i boor na, ti din tuu yɔɔ beeri a “Wunba kur ki saak toontumu, li yɔɔ ki ŋan nan wun di.”

Hiibru teeb 9:27

Yennu senn a see ki nirɔ kur n kpo yomkɔɔ, ki li poorpo ki wun bu u buut.