Pinpiik 27:29 - Yennu Gbouŋ Mɔɔr

²⁹ Nibooru bonchiann sii tee a jiamm, ki niib sii gbaant a tɔɔnn ki jiantira. Fine tan sii tee a nikpiimm kpanbar, ki a naa yaaboona tan saa gbaan ki jianta. Mɔpor sii be daansiab nba waanta mɔi paak; ki piisin mun sii be daansiab nba waanta piisin na paak.”

Pinpiik 27:29 ပူးပေါင်းရင်းမြစ်များ

Pinpiik 12:3

Binba kur teena piisin, n mun sii teemm piisin, ŋaan binba waanta mɔbiit, n mun sii waantib mɔbiit, ki a yaa paak, n saa teen piisin nisaarii kur paak.”

Pinpiik 25:33

Ki Jakɔb jiin a, “Sinsinn, porin mɔpor nan a saa turin a saakatuk maŋ.” Ki Esɔɔ por mɔb ki jii u saakatuk na ki tur Jakɔb.

Pinpiik 27:30

Aisak nba din teen piisin Jakɔb paak ki gbenn ki Jakɔb seet nyi yoo nba, Esɔɔ mun din nyii muuk ni ki baar kɔɔ li yooe.

Pinpiik 27:37

Ki Aisak pakɔ a, “N teenɔ a chanbaawa, ki teenɔ u nikpiimm kur yudaanɔwa. N turɔ dii nan tilɔɔna daama. N bija, siar ji kaa ki n saa tun turani.”

Pinpiik 27:40

A jukbanjiak nae sii dia-a, ki a sii tee a waarɔ yommik, ŋaan fi-i taŋi yêt, a saa nyi u yiikoo ni.”

Pinpiik 37:10

Ki u bia bet u baa damiit maŋ. Ki u baa yakii nanɔ a, “Damiboorbee na? A dukii nan a naa, nan a yɔɔrib, nan min tan saa baar ki gbaan ki tibin ki ti yugbia siit tiŋ a tɔɔnn amii?”

Pinpiik 37:7

N damii ki ti saaka be ki jaan jeet ki bobint, ki n yar tan fiir set, ki i yar mun set gungouŋ ki lint n yar, ŋaan gbaan ki tibin n yar na tɔɔnn.”

Pinpiik 9:27

Yennu saa tant Jafef yent, ŋɔɔ nan Sem sii mɔk mɔtaauk, ki Keenann sii tee Jafef daabir.”

1 Kpanbara 22:47

Edom tiŋ din ki mɔk kpanbari; Juda kpanbare din nyinn u taatar ki u dia Edom tiŋ.

1 Kpanbara 4:21

Solomonn yent din nyii Yufrates mɔkir ki saan tuu Filistia nan Ijipt teeb kpaar. U yent niib kur din pa lampo ki teen ŋɔɔe, ki tee u jiamm, u manfoor ni kur.

1 Barkperii 5:2

Juda boorue din paar ki gar boor leeb na kur, ki dint kpanbara ki bi dia bi kur.

Yaŋ 72:8

Ki u tingbouŋ yent saa lat ki nyi mɔkgbeŋir ki saa tuu mɔkgbeŋleer; ki nyi Yufrates mɔkir ki saa tuu tingbouŋ kur po.

Aisaya 45:14

Ki Yennu yet Israel teeb a, “Ijipt nan Sudann mɔkint sii tee i yare, ki Seba jafɔkit na sii tee i yommii, ki waa i poor po, ki jarit diab. Bi saa gbaan i tɔɔnn ki pak kat a, ‘Yennu be nani, u kɔɔe tee Yennu,

Aisaya 49:23

Kpanbara sii tee nan bi baanba nae ki turi, ki poobatnba tee nan bi naanba na. Bi saa baa fabin i tɔɔnn, ki turi baakir, ki sikin bi mɔŋ ki turi jirima, ki i saa bann nan mine tee Yennu, ki wunba guu n sommir kan di fei.”

Aisaya 49:7

Israel teeb kasii Yennu nba tee bi tinntɔɔ na, yeen wunba ki digbana yisimɔ bonchiann, ki bia namɔ, ŋaan ki u tee doo diara toontunnɔ na a, “Kpanbara saa la ki bi ŋaa-a, ki bi saa fiir ki tura jirima, ki tɔɔndamm mun bia saa lar, ki gbaan jianta.” Linba na saa tun, kimaan Yennu gann u toontunnɔwa, Israel teeb kasii Yennu na dia u mɔsona.

Aisaya 60:12

Ŋaan n saa biir digbana nba ki jiantira nae peb.

Aisaya 60:14

Binba dinta biak na yaaboona tan saa baar ki gbaan a tɔɔnn ki tura baakir, ki binba yisima na kur tan saa gbaan ki jianta, ki saa yiina a, ‘Yennu doo,’ ki bia sii yiia ‘Sayɔnn nba tee Israel teeb kasii Yennu doo.’

Aisaya 9:7

U naan yiikoo sii kpaatire yoo kur; u naan sii yɔɔ be parmaasir nie, ki u saa gaar kpanbar Defid naan yent ki dia, ki u yiikoo sii gaa linba took nan barmɔnii paak, laa nyi mɔtana nan yoo nba waa mɔkmɔk nan mɔkmɔk. Yabint Yennu-e lor wun tun linba na.

Nikant 23:8

Nlee ki n saa sat mɔtont ki teen binba paak ki Yennu ki sat mɔtonti, koo ki pak biir binba ki Yennu ki biiri?

Nikant 24:18

U saa kɔn nyann u datai, Edom tiŋ ni, ki jii bi tiŋ ki lin kpant u faar, ki Israel teeb sii yɔɔ mɔk paŋ.

Nikant 24:9

Ki Israel booru maŋ tee nan yanbɔr wɔkituk na, ki li-i tee ki u gɔɔnti, sɔɔ ki mɔk par nba saa fiinɔ. Wunba sat piisin Israel teeb paak mun saa gaar piisin, ki wunba mun sat mɔtont Israel teeb paak mun saa gaar mɔtont.”

Matiu 25:40

Ki min Bat mun tan saa jiin a ‘Barmɔniie ki n beeri na, yaa din tun linba ki tur wunba tee tatimɔɔ n naa waas sinsuuk ni na, i din tuun ki teen mine.’

Matiu 25:45

Li yoo maŋe ki n saa jiin a, ‘Barmɔniie ki n beeri na, yaa din yêt yin tun linba ki tur wunba tee tatimɔɔ n naa waas sinsuuk ni na, i din yêt yin tun ki tur mine.’

Fiitu 19:16

Ki sansiar sɔb u liatir nan u pann paak a “Kpanbara kur Kpanbar, yomdamm kur Yomdaanɔ.”