Pinpiik 27:28 - Yennu Gbouŋ Mɔɔr

²⁸ Yennu saa sikin marin a tiŋ paak, ki a tiŋ saa kɔɔ koorin. Yennu saa tura dii nan tilɔɔna daan bonchiann.

Pinpiik 27:28 ပူးပေါင်းရင်းမြစ်များ

Pinpiik 27:37

Ki Aisak pakɔ a, “N teenɔ a chanbaawa, ki teenɔ u nikpiimm kur yudaanɔwa. N turɔ dii nan tilɔɔna daama. N bija, siar ji kaa ki n saa tun turani.”

Pinpiik 27:39

Ki Aisak yetɔ a, “Marin kan nyi sanpaapo ki baa a tiŋ ni. A tiŋ sii tee tinfukirike.

Pinpiik 45:18

Ŋaant ki bin jii bi baa nan bi ŋaateeb ki jen nna. N saa turib tiŋ nba kpai, Ijipt na ni, ki bi sii laat linba jaŋitib.

Pinpiik 49:20

“Aser tiŋ saa nan jeŋant, ki u sii mɔk jeet nba ŋan nan kpanbar.

Pinpiik 49:25

A baa Yennu-e sommita, Yabint Yennu nba teena piisin nba te ki saak nyi sanpaapo, ki bia te ki nyun nyi tiŋ pɔɔr ni, nan piisin nba teen bonkobit nan waas bonchiann,

2 Samuel 1:21

“Saak koo marin daa baa Gilboa kunkonn paaki, ki li tiŋ daa ban naan jeeti, kimaan leŋe ki kunkɔnkɔnwakita jatiat kpakin nan fei, ki Sɔɔl naagbankɔŋir ji ki ban sɔɔr kpami.

1 Kpanbara 17:1

Yennu sɔkinii nba sann tee Elaija, ki u nyii Tisbe, Gilead yent ni na, din pak kpanbar Ahab a, “Israel teeb Yomdaanɔ Yennu nba fo, ki n jiantirɔ na sann ni, n piaka nan marin koo saak kan baa bina ŋanlee koo ŋantaa, nan maa tan saa yet ki saak n baa.”

1 Kpanbara 5:11

ki Solomonn mun tur Hiram dii nba ki bi dia tee boroboro na, ki li tee baajii tusaa piinna nan ŋanna, ki bia turɔ olif tiinii kpan, ki li tee galint tusaa kobik nan piik, ki u dint u jab binn kur.

2 Barkperii 2:10

N saa tura jeet nba saa dinn tichɔɔra na, ki li tee dii nba ki bi dia tee boroboro baajii tusaa piinna nan ŋanna, nan dimɔnii baajii tusaa piinna, nan tilɔɔna daan galint tusaa kobik, nan olif tiinii kpan galint tusaa kobik.”

Yaŋ 104:15

ki ŋaa tilɔɔna daan, ki li teemm parpeenn, ki tee kpan, ki li teemm parcheenn, nan jeet, ki li teemm paŋ.

Yaŋ 133:3

Li tee nan Hermonn kunkonn paak marin nba saa baa Sayɔnn kunkona paak nae. Leŋe ki Yennu senn mɔsonn, u piisin po, ki li tee manfoor nba kaa gbennu.

Yaŋ 36:8

Jeet nba ki a turit na, ŋanne ki ti di ti yamani. Ki a te ki ti nyu a mɔkir nba tee ŋant na ni nyun.

Barjokit 19:12

Bat wutoor-i doo, li tee nan yanbɔr nba tuu be-e nae, ŋaan ki u parmaasir tee nan sinsinn saak nba tuu baa na.

Barjokit 3:20

U yanfoon maŋe te mɔka puub, ki bia te saak nyi sanpagbouŋ ni ki baa tingbouŋ na paak.

Aisaya 45:8

N saa te ki nyannu n nyi sanpaapo ki baa nan saak nae, ki tingbouŋ saa teen siir ki gaarir, ki yent-n-mɔŋ nan barmɔnpaku sii be. Min Yennu-e saa te linba na n tun.”

Jeremaya 14:22

Tingbana na sɔɔ kaa ki saa fit tur saaki. Sanpaak mɔŋ kan fit te saak n baa. Ti teen ti dindann fin ti Yomdaanɔ Yennu nie, kimaan fine tuun linba na kura.

Joel 2:19

ki turib gatu a, “Mɔtana, n ji yaa man turi jeete nan tilɔɔna daan nan olif tiinii kpan, ki te yin gboo, ki digbanlia na ji kan sarikini.

Maika 5:7

Israel teeb nba tenn ki mɔk manfoor na, bi tan sii tee nan Yennu nba tuu te ki marin nan saak baa bonburkara paak nae, ki tur digbana bonchiann. Ki bi sii maa Yennu paak, ŋaan kii maa nisaarik paaki.

Sekaria 8:12

Bi saa bur bi jeet nan parmaasir. Bi daan tiinii saa lon lɔɔna, ki tiŋ na saa turib jeet, ki saak saa baa bonchiann, ki n saa tur niib nba biar na piisin na kur.

Sekaria 9:17

Tiŋ na sii ŋan ki bia kpai bonchiann, ki nipaauŋ na saa di tiŋ na jeet, ki nyu li daan, ki kpaat nan paŋ.

Nikant 13:20

Ii fiitir ki laan leŋ tiŋ kpai koo li mɔk tiiuku, ŋaan yabir ki pɔɔr leŋ tilɔɔna ki jen nann.” (Li sakir din tee daan tilɔɔna mummɔnn yooe.)

Nikant 18:12

“N teenii sinsinn jeŋant nba kur ki Israel teeb tuu saa baar nann binn kur ni ki teenin, ki li tuu sii tee i yar, li olif tiinii kpan nan tilɔɔna daan, nan jeet.

Rom Teeb 11:17

Juu teeb na tee nan ŋaak ni tiik nba ŋan nae, ki Yennu kɔnn tiik na yiinsai, ki jii muuk ni tiik yiinii, ki tukin nan ŋaak ni yar na, ki li taan yomm. Yimm nba ki tee Juu teeb na tee nan muuk ni tiik yiinu nae, ki gaan Yennu barŋanii nba nyii Juu teeb boor na, ki tee nan muuk ni tiik yiinu nba gaan bonŋann nba nyii ŋaak ni tiik ni na.

Sennu 32:2

N wannu sii toot nan saak nba tuu toot nae, ki saa baa tiŋ na paak nan marin na. N mɔmaan saa baa nan nyun nba ki bi tuu maant bonbuburit nae, ki sii tee nan samimmiiuk nba tuu baa mɔɔt paak na.

Sennu 33:13

Ki u yet jiin Joosef booru po a, “Yennu n teen piisin bi tiŋ paak, ki te ki saak-ii baa, ki bia te ki nyun-ii nyi tinpɔɔr ni.

Sennu 33:28

Jakɔb maaru be parpeenn ni, ki be bi yamani tiŋ nba gbee nan jeet nan tilɔɔna daan na ni, siaminba ki marin nyi sanpaapo ki baa maant leŋ tiŋ na.

Sennu 7:13

U sii looni, ki teen piisin i paak, ki te ki yin pɔt kii mɔk waas bonchiann. Ki u saa teen piisin i tiŋ paak, ki i sii mɔk jeet nan tilɔɔna daan nan kpan nan bonkobit bonchiann. U saa turi piisin na kur, tiŋ nba ki u senn mɔsonn ki tur i yeejamm a li sii tee i yar na ni.

Hiibru teeb 11:20

Aisak yada paake din te ki u senn mɔsonŋann nba yaa lin tan baar Jakɔb nan Esɔɔ paak.