Pinpiik 26:22 - Yennu Gbouŋ Mɔɔr

²² U din fiir nyat waama ki bi saa gbiir bunbunn. Kɔnsiar din kaa li bunbunn paaki. Ŋanne ki u pur bunbunn maŋ “Yamani.” U din yet a, “Yennu te ki ti be ti yamanie tiŋ na ni, ki sii mɔkitir.”

Pinpiik 26:22 ပူးပေါင်းရင်းမြစ်များ

Pinpiik 17:6

N saa tura yaaboona bonchiann, ki siab sii tee kpanbara. A sii mɔk yaaboona bonchiann, ki bi tan sii tee booru booru.

Pinpiik 26:21

Aisak daaba bia din ŋamm gbiir bunbunleer, ki bi bia yaan kɔn li paak. Ki Aisak purir “Dataar.”

Pinpiik 28:3

Yabint Yennu n teen piisin a pookɔɔnt maŋ paak, ki tura waas bonchiann, ki a yaaboona tan sii tee boorii bonchiann.

Pinpiik 41:52

Ki u bia yet a, “Yennu turin waas, tiŋ nba ki n la wahala na niwa,” ki bia pur u bik nba pukin banlee na Efraim.

Yaŋ 118:5

N daamii nie ki n yiin Yennu, ki u turin gatu, ki nyinnin daamii maŋ ni.

Yaŋ 119:32

N saa sak a sennii nan n par kur, kimaan a saa turin bannu bonchiann.

Yaŋ 18:19

Ki u sommin, ki n nyii ninbɔŋ ni, ki tinnin, kimaan u par mei n paak.

Yaŋ 4:1

Yennu, fin nba tee n fat-tɔɔ, turimin gatu yoo nba ki n fabin tura. Maa bo be daamii ni, fine bo sommin. Ii tee burchimɔ n boor mɔtana, ki gbiint n miaru.

Nyinu 1:7

ŋaan bi yaaboona nba tee Israel teeb na din mar waas ki pɔt yabit, ki bia mɔk paŋ bonchiann ki gbee Ijipt kur po.

Aisaya 54:2

Yarikit a ŋaak nba ki a be leŋ na, tantir li ŋmiit ki pukin li dachaata paŋ.

Aisaya 54:3

A saa tant a kpaar lokir kur po, a niib saa gaar tiŋ nba ki digbangana niib kar leŋ na. Doi nba dɔɔ koont na saa gbee nan niib.