Pinpiik 25:23 - Yennu Gbouŋ Mɔɔr

²³ Yennu din yetɔ a, “Booru ŋanlee-e be a poor ni. Niib banlee saa nyi a poor ni, ŋaan bi kii taa mɔbu. Yenɔ sii paar lɔɔ, ki saakɔɔ po tan sii tee waarɔ po na jiamɔ.”

Pinpiik 25:23 ပူးပေါင်းရင်းမြစ်များ

Pinpiik 27:40

A jukbanjiak nae sii dia-a, ki a sii tee a waarɔ yommik, ŋaan fi-i taŋi yêt, a saa nyi u yiikoo ni.”

Pinpiik 27:29

Nibooru bonchiann sii tee a jiamm, ki niib sii gbaant a tɔɔnn ki jiantira. Fine tan sii tee a nikpiimm kpanbar, ki a naa yaaboona tan saa gbaan ki jianta. Mɔpor sii be daansiab nba waanta mɔi paak; ki piisin mun sii be daansiab nba waanta piisin na paak.”

2 Samuel 8:14

U din chaan kunkɔnkɔnna kaaŋ Edom yent kur po, ki leŋ niib na teen u jiamm. Yennu din te ki Defid nyante lokir kur po.

1 Barkperii 18:13

U din chaan kunkɔnkɔnna kaaŋ ki lint Edom tiŋ kur po, ki Edom tiŋ ni niib kur teen kpanbar Defid jiamm. Yennu din te Defid nyante siar kur po.

Pinpiik 24:60

Bi din teen piisin Rebeka paak ki yet a, “Ti niipoo, a tan sii tee niib tusbamm naae. A yaaboona tuu tan saa kɔn ki nyann bi datai.”

Pinpiik 17:16

N saa teen piisin u paak, ki saa te wun mar bonjak ki tura. N saa teen piisin u paak, ki u yaaboona tan sii tee booru booru, ki u yaaboona maŋ yemm tan sii tee kpanbarae.”

Nikant 20:14

Ki Moses tun toomii ki bi nyii Kades ki saan Edom kpanbar boor, ki saa yetɔ a, “A ninjamm Israel boorue tunt nan mɔmaan na. A mi fara kur nba baarit.

1 Kpanbara 22:47

Edom tiŋ din ki mɔk kpanbari; Juda kpanbare din nyinn u taatar ki u dia Edom tiŋ.

Pinpiik 36:31

Batnba nae din tuu dia Edom tiŋ. Yenɔ-i taŋi kaa ki lɔɔ n gaar, ki sɔɔ kpanbar daa kaa Israel tiŋ ni. Baa din gaan ki waa leeb biaŋinbae na: Bela, ki u tee Beor bija, ki nyii Dinhaba; nan Jobab, ki u tee Sera bija, ki nyii Bosra; nan Husam, ki u nyii Temann yent ni; nan Hadad, ki u tee Bedad bija, ki nyii Afif, (u din kɔn ki nyann Midiann teeb tɔb ni, Moab yent ni); nan Samla, wunba nyii Masreka na; nan Sowul, wunba nyii Rehobof ki li be mɔkir po; nan Baal Hanann, wunba tee Akbor bija na; nan Hadad, ki u nyii Pau (u ŋaapooe din tee Mehetabel, wunba tee Matred bipoo ki bia tee Mesahab yaaboonn na.)

Pinpiik 33:3

Jakɔb din gar bi tɔɔnn po, ki waa saa baar u ninja boor yoo nba, ki u gbaan ki tibin ki u yugbia siit tiŋ, taar munlore.

Pinpiik 25:27

Waas na nba din tan kpaat, ki Esɔɔ mi waaruk bonchiann, ki loon muuk ni halii, ŋaan Jakɔb ŋarin din tee jaŋmiŋminn nba ki kɔɔ muuko.

Pinpiik 17:4

“Min ŋarin, min nan fin mɔlore na: Niib bonchiann baae sii teea.

Pinpiik 32:6

Toomii na nba tan jen Jakɔb boor yoo nba, ki bi yetɔ a, “Ti saan a ninja Esɔɔ boor ki sɔɔ ki u tee siire a wun cheta. U poorpojɔɔmu tee jab kobii ŋanna.”

Pinpiik 25:24

Rebeka matuk daar din baar, ki u mar jaasinba, bonjai.

Pinpiik 27:33

Ki Aisak yan ŋmat, ki u gbanant kur ji jekir, ki u boi a, “Ŋmee bo kpii bonkobuk ki teen jeet turin na? N bo dii jeet maŋa. N bia bo turɔ n piisin kura, ki li ji sii tun tee u yare.”

Sennu 2:4

Want niib na sennu na: I per i ninjamm Esɔɔ maaru nba kɔɔ Edom na doo kpaara. Bi sii tiini jaŋmaaniie.

Sennu 2:8

“Ki ti tan baar ki gar ti ninjamm Esɔɔ yaaboona yent na ni. Ki ti nyik Araba sɔnu, linba nyi Elaf nan Esion-Geber na, ŋaan tɔkin sɔnu nba saa Moab.

Pinpiik 27:37

Ki Aisak pakɔ a, “N teenɔ a chanbaawa, ki teenɔ u nikpiimm kur yudaanɔwa. N turɔ dii nan tilɔɔna daama. N bija, siar ji kaa ki n saa tun turani.”

Pinpiik 48:19

Ki u baa ki saki, ŋaan yet a, “N mi, n bija, n mi. Manase maaru mun saa fiir ki tee nijaanae. Ŋaan u waarɔ sii tee nijaann ki garɔ, ki u maaru sii tee boorgbeŋir.”

1 Samuel 17:14

Defid-e din joont ki tee sanbian. Wakperii bantaa nba din wei Sɔɔl ki saan tɔb na,

Obadia 1:21

Ki nyannu damm nba be Jerusalem na saa nyann Edom tiŋ, kii diab. Ki Yennu mɔŋ sii tee bi kpanbar.”