Pinpiik 20:6 - Yennu Gbouŋ Mɔɔr

⁶ Ki Yennu jiin damiit na ni a, “N mi nan a tun nan popeenne, ŋanne teen ki n gɔɔra ki a ki siiu ki tun biit ki turin.

Pinpiik 20:6 ပူးပေါင်းရင်းမြစ်များ

Pinpiik 26:11

Abimelek din kpaan u niib, a wunba dinn jɔɔ na biak, koo ki dinn u ŋaapoo biak, see ki u te ki bi kpiiu.

Pinpiik 3:3

ŋaan tiik nba see kpaab sinsuuk ni na, Yennu yet a ti daa di tiik maŋ lɔɔna, a ti-i siir gbaa ŋaan see ki ti kpo.”

Pinpiik 31:24

Li daar nyiɔk ki Yennu baar Labann boor damiit niŋ ki yetɔ a, “Ii mi ki a teen siar ki jeen Jakɔb.”

Pinpiik 31:7

Ŋaan u bia ŋmabime, ki lebit n paauk taar piik, ŋaan Yennu ki te ki u turin daŋi.

Pinpiik 35:5

Yoo nba ki Jakɔb nan u waas piin ki nyi na, ki jaŋmaanii soor digbana nba kpiab na niib, ki bi ki fit wei bi poori.

Pinpiik 39:9

N mɔk paŋ nan yiikoo ŋaak na ni, nan waa mɔk nae. Ki u ki wuunin siari see fin kɔɔ. Ki nlee ki n saa tun bonchonchonn toonn na ki biir Yennu?”

Yaŋ 51:4

N tun ki biirawa, n biir fin kuukɔɔe, ki tun linba ki a yaa li tee bonbiir na ki tura. Li paak, a mɔk mɔnii nan fan bu n buut. N kan nyiira, li-i tee ki a biirin.

Yaŋ 81:12

Li paak ki n te ki bi be tuukpaatuk benu, ki tuun bi mɔŋ nba loon bii be biaŋinba.

Yaŋ 84:11

Kimaan Yennu-e tee ti guutɔɔ nan ti kpanbar, ki tee piisin ti paak, ki ti laat burchint nan baakir, ki binba tuun linba ŋan, u ki miimm bonŋana.

Nyinu 34:24

Ki mi-i ber nyinn digbana nba ki i tookitib na niib, ki yarik i tiŋ, sɔɔ kan bikin wun kɔn nyanni, yoo nba ki i di jaamm muntaa na.

Barjokit 21:1

Yennu ŋmakitir kpanbar dudukit nan waa te kpenu puub biaŋinba nae.

Barjokit 6:29

Li paak, li ninbɔŋ tee nan faa saa dɔɔ nan jalɔɔ ŋaapoo nae. Wunba tun nna saa la tubdatuwa.

Liifai teeb 6:2

Li-i tee ki i sɔɔ tun ki biir Yennu, ki yêt wun jiin linba ki u lɔɔ Israel nirɔ bo nyik u boor, koo ki jan u lɔɔ, koo ki ŋmab u lɔɔ,

Matiu 27:19

Pailat nba daa kar buut kok paak na, ki u ŋaapoo tun toomii ki tan betɔ a “Nyint a nuu Yennu nipeemɔ na maan ni, kimaan nyiɔk n won la daamuk bonchiann n daamiit ni u paak.”

1 Korint teeb 7:1

N yaa n jiin i buboit nba ki i daan sɔb turin nae. Jɔɔ-i kii kɔɔn poo, li ŋan,

2 Korint teeb 6:17

Li paak ki Yennu bia yet a, “Bɔkitir i mɔŋ man, ki nyi tingbouŋ na niib sinsuuk ni, ki nyik biit kur tumu, ki n saa gaari.

2 Tesalonika teeb 2:11

Li paake ki Yennu te ki faak paŋ tuun bi ni, ki bi tee linba ki tee barmɔnii na yada.

2 Tesalonika teeb 2:7

Nibiit ŋarin poŋ be ki tuun bi toona woonin ni, ki wunba diab nae lek daa sii diab mɔkmɔk nan yoo nba ki Yennu tan saa berɔ.

1 Samuel 25:26

Yennu-e te ki a ki lek ki kpii a datai na, ki mɔtana, n por kat nan Yennu nba fo na sann ni, a datai nan binba kur biira saa la tubdatu nan Nabal na.

1 Samuel 25:34

Yennu-e gɔɔrin ki n ki turi daŋi, ŋaan n por nan Yennu nba fo ki tee Israel teeb Yomdaanɔ na, nan fi-i bonii kii kakit ki tookin yiami, li won bo tan sii yentir na, ki Nabal koo u jasɔɔ ji ki biar be u manfoor ni.”