Pinpiik 10:5 - Yennu Gbouŋ Mɔɔr

⁵ Ŋamme din tee boorganu nba kɔɔ mɔkgbianu, nan tiŋ nba nyun lintir na ni yeejamm. Bi kura din tee Jafef yaaboonae, sɔɔ kur nan u naakuuk, nan u danmaan, nan u tiŋ.

Pinpiik 10:5 ပူးပေါင်းရင်းမြစ်များ

Pinpiik 10:20

Booru na tee Ham yaaboonae, sɔɔ kur nan u naakuuk, nan u danmaan, nan u tiŋ.

Pinpiik 10:25

Eber din mɔk bonjai banlee. Yenɔ sann yi Peleg, kimaan u mimmar binne ki durinya ni niib din bɔkit. Ki lɔɔ na sann tee Joktann.

Pinpiik 10:32

Binba na kur din tee Nowa yaaboonae, booru booru, sɔɔ kur nan naakuuk nba ki u nyii. Nyungbeeuk na poorpo, nibooru kur nba be tingbouŋ na ni tee Nowa bonjai na yaaboonae.

Pinpiik 10:4

Jafann bonjai din tee Elisa, nan Speenn, nan Saiprus, nan Rodes.

Pinpiik 10:6

Ham bonjai din tee Kus nan Ijipt nan Libia nan Keenann. Ŋamme ki bi yaaboona pur bi booru sana ki gaan namm.

Pinpiik 9:19

Nowa bonjai bantaa nae tee durinya niib kur yeejamm.

Estaa 10:1

Kpanbar Serses din te niib nba kpia mɔkgbeŋir, u yent ni, nan binba be tiŋ sinsuuk ni na tuun mabir toonn.

Yaŋ 72:10

Ki Speenn kpanbara nan binba kɔɔ tinii nba be mɔkgbeŋa sinsuuk ni na saa jiantɔ; ki Sieba nan Seba kpanbara saa baar nan piinii;

Aisaya 11:11

Li daar-i baar, Yennu saa ŋamm jii u paŋ na ki jen nan u niib nba biar Asiria nan Ijipt nan Patros nan Sudann nan Elam nan Babilonn nan Hamaf tinii ni, nan mɔkgbiant nan nyun ni kunkona paak na, bi doi ni.

Aisaya 24:15

ki binba be yondo po na saa dont u sann. Niib nba kar kpia mɔkgbeŋir na saa dont Israel teeb Yomdaanɔ Yennu maŋ.

Aisaya 40:15

Yennu boor, digbana tee yanne, li tee nan nyun nba tuu too kpek nae. Kunkona nba see mɔkgbeŋa ni na fukii nan tangbiruŋ nae.

Aisaya 41:5

“Digbanbanfɔka niib la maa tun linbawa; bi jekire ki jat baantir nan jaŋmaanii. Bi kur taan leebe ki baar.

Aisaya 42:10

Yinin yanpaaŋ ki tur Yennu, durinya kur n yin dontɔ. Yimm nba be ŋarint ni, nyun paak na, ii dontɔ, bonfoa nba kur be nyun ni, ii dontɔ. Digbanbanfɔka nan niib nba kur be leŋ, ii yiin man.

Aisaya 42:4

U kan ŋaa tama, koo dindanni; u saa baar nan mamɔmme durinya paak. Digbanbanfɔka damm kpan guu u tumiiue.”

Aisaya 49:1

Yimm digbanbanfɔka damm, gbiintir man, yimm nba be banfɔka na. Bi din tan maarin na, ki sɔɔ Yennu gannin ki teenin u toontunnɔwa.

Aisaya 51:5

N saa baar yiame ki tinnib, n nyannu yoo na pera. N mɔŋe sii dia digbana. Digbanbanfɔka guu n baarue, ki guu nan dindann a man tinnib.

Aisaya 59:18

U saa dat u datai tuba nan bi toona nba tee biaŋinba nae, nan binba be banfɔka na gbaa.

Aisaya 60:9

Li tee ŋarint nba nyii banfɔkae, ki kpent nan Yennu niib. Bi dia salimpeena nan salimmɔna, a bin tur Yennu sann baakir; ŋɔɔe tee Israel teeb kasii Yennu nba te ki digbana kur teen u niib baakir na.

Jeremaya 2:10

Saant yonbaa po, ki baar kunkonn doo nba foo nyun ni, ki bi yi Saiprus na, ki tun sɔɔ yondo po, Kedar tiŋ ni. I saa la nan linba na booru daa ki ban tun kaawa,

Esekiel 26:15

Yabint Yennu mɔk maan nba nae ki loon wun tur Taya teeb a: “Bi-i taŋi nyanni yoo nba, niib nba kɔɔ ki kook mɔk-kpinii na, bi saa gbat niib nba kpenn na duna nan wuyikinii, ki jaŋmaanii n soorib.

Esekiel 26:18

Mɔtana, Taya doo maŋ tee langbente, ki niib nba kɔɔ mɔk-kpinii na be nan yanputuk, ki jekir nan jaŋmaanii.

Daniel 11:18

Ki li poor po, u saa lek digbana nba kook mɔkgbeŋa na, ki kɔn nyann bi bonchiann, ŋaan tɔɔndaanɔ nba nyii digbanganne tan saa kɔn ki nyannɔ, ki gɔɔr u dont-n-mɔŋ maŋ; barmɔnii u saa te Siria kpanbar n di fei ki chiar.

Sefania 2:11

Yennu saa kɔɔmm jaŋmaanii. U saa biir yenbis nba be tingbouŋ na paak kur, booru kur saa jiantɔ bi tinii ni.

Sennu 32:8

Yabint daanɔ tur digbann kur li yente, ki bɔkit nibooru kur nan bi kpaar,