Pinpiik 10:2 - Yennu Gbouŋ Mɔɔr

² Jafef bonjai din tee Gomer, nan Magog, nan Madai, nan Jafann, nan Tubal, nan Mesek, nan Tiras. Ŋamme ki bi yaaboona pur bi booru sana ki gaan namm na.

Pinpiik 10:2 ပူးပေါင်းရင်းမြစ်များ

Pinpiik 10:1

Binba nae tee Nowa bonjai, Sem nan Ham nan Jafef. Nyungbeeuk na poorpo, bonjai maŋ mun din mar bi bonjai.

Pinpiik 10:21

Ki Sem, wunba tee Jafef waarɔ na, u yaaboonae tee Eber teeb.

Pinpiik 9:27

Yennu saa tant Jafef yent, ŋɔɔ nan Sem sii mɔk mɔtaauk, ki Keenann sii tee Jafef daabir.”

2 Kpanbara 17:6

ki li tee Hosea naan bina ŋanyia ni, ki Asiria kpanbar Salmaneser nyann Samaria, ki soor Israel teeb na ki teenib yommii, ki kun namm Asiria yent ni, ki saa kaan siab Hala doo ni, ki kaan siab ki kpian Habor mɔkir ki li be Gosann yent ni, ki kaan leeb Media doi ni.

Yaŋ 120:5

Maa be i boor na, li ton nan maa sii be Mesek tiŋ ni nae, koo nan Kedar teeb boor ni benu nae.

Aisaya 66:19

ki bann nan mine daar bi tuba. “Ŋaan n saa tinn bi siab ki saan namm digbana nan tinii nba fɔk, ki ki ban gbat n sanjaann na po, koo ki la n yabint nan n yiikoo na. Li digbanae tee Speenn nan Libia nan Lidia, siaminba ki li niib mi tɔrbantɔnu bonchiann na, ki bia saan namm Tubal nan Griis. Digbana na nie, ki bi saa mɔɔnt n yabint nba tee.

Esekiel 27:7

Ki binba ŋamii na jii chabŋann Ijipt, ki teen jinjɔŋ a fii fit kii somm nann, nyun paak, ki lin te sɔɔ kur-ii laat. Ki bi nyii nan chinchenbɔnwuwur nan chinchenmɔnwuwur Saiprus ki jɔnnir, a lin tur maasu.

Esekiel 32:26

“Ki Mesek nan Tubal teeb be leŋ, ki bi kunkɔnkɔnna na kaat dɔɔ ki lintib, ki bi kur tee binba ki waa Yennu, ki bi kpiib tɔbii ni, ŋaan bi din ban jeen tiŋ na niiba.

Esekiel 38:15

ki a saa nyi i yent nba be niigaŋ po na, ki dia kunkɔnkɔnna nba yab ki bia paar, ki nyi digbana bonchiann ni, ki bi kur jak taanii.

Esekiel 38:2

“Nisaarik, a pak biir Gog, kpanbar nba dia Mesek nan Tubal digbana, ki li be Magog tiŋ ni na. Pakin biirɔ,

Esekiel 38:6

Jab nba kur tee kunkɔnkɔnna ki nyii Gomer nan Bef Togarma tinii ni, ki li be niigaŋ po na, be u boor. Ki jasiab bia be ki nyii digbana bonchiann ni.

Esekiel 39:1

Ki Yabint Yennu ŋamm yet a, “Nisaarik, a pak biir Gog, kpanbar nba dia Mesek nan Tubal digbana na, ki betɔ nan min Yennu tee u dataake.

Fiitu 20:8

ki u saa lin ki kpann nibooru nba be tingbouŋ na kur ni, binba ki bi yib Gog nan Magog na. Sintaanii saa tikir bi kura ki bin faa tɔb; bi kann tee nan mɔkgbeŋir ni tanbiinii nae.