Pinpiik 1:31 - Yennu Gbouŋ Mɔɔr

³¹ Ki ŋɔɔ Yennu la linba kur ki u nan na, ki li ŋan bonchiann. Ki nyiɔk bɔnn, ki li yent, daa ŋanloob niŋe na.

Pinpiik 1:31 ပူးပေါင်းရင်းမြစ်များ

Pinpiik 1:13

Ki nyiɔk bɔnn, ki li yent, daa ŋantaa.

Pinpiik 1:19

Ki nyiɔk bɔnn, ki li yent, daa ŋanna.

Pinpiik 1:23

Ki nyiɔk bɔnn ki li yent, daa ŋanŋmu.

Pinpiik 1:5

Ŋɔɔ Yennu din pur yentu na “Yonnu” ni, ki pur bunbɔnn na mun “Nyiɔk.” Ki nyiɔk bɔnn ki li yent, sinsinn daar.

Pinpiik 1:8

ki yiin yiar na “Sanpaak.” Ki nyiɔk bɔnn, ki li yent, daa ŋanlee.

Pinpiik 2:2

Daa ŋanlore daar ki sɔɔ Yennu gbenn u naamii toona kura, ki ji foi daa ŋanlore daar maŋ ni, ki ki tun naamii toonn,

Pinpiik 2:3

ki teen piisin daa ŋanlore daar maŋ paak, ki teenir dagaŋir, kimaan li daar na ki sɔɔ ki u gbenn u namii toonawa.

JOB labaar 38:7

Li daar sanyafaare ki ŋmaabira lakin ki yin yaŋ, ki malakanba yikin nan kpinkpammuk.

Yaŋ 104:24

Yennu, a nan bona bonchiann. A nan li kur nan subinchiɔŋo; tingbouŋ na gbee nan a naamiie.

Yaŋ 104:28

Ki a teemm jeet ki bi di, ki teemm jeŋant ki bi di gboot.

Yaŋ 104:31

Yennu yiikochiɔŋ-ii yɔɔ kii be. Yennu-ii yɔɔ kii mɔk parpeenn linba kur ki u nan na paak.

Yaŋ 119:68

A ŋan bonchiann, ki mɔk burchint, wantin a sennii.

Nyinu 20:11

Daa ŋanloobe ki min Yennu jii ki nan tingbouŋ nan sanpaak nan mɔkgbeŋa nan linba kur be li ni, ŋaan ki daa ŋanlore daar na ki n foi. Ŋanne ki min Yennu teen piisin foon daar maŋ paak, ki teenir kasii.

Nyinu 31:17

Li tee yoo kur mɔlor nyinne ki tur yimm Israel teeb nan min, kimaan min Yennu-e nan sanpaak nan tiŋ, daa ŋanloob na ni, ŋaan nyik toonn ki foi daaŋanlore daar.”

Barjokit 16:4

Yennu nba nan linba kur mɔk paake, ki toonbiit damm joontu tee kuume.

Banntɔɔ 3:11

U senn yoo nba ŋane ki tur bont kur. U turit niɔŋ nba ki ti sii loon, ki tii mi linba saa tun wonn, ŋaan ji ki te ki ti mi gbenn fanu waa tuun linba.

Fabinii 3:38

Bonŋann nan bonbiir kur tuun nan waa senn biaŋinba nae.

Sennu 32:4

“Yennu-e tee i guutɔɔ nba yab, ki tee kasii nan barmɔnii u sɔnu kur ni. I Yomdaanɔ be fanu nan barmɔnii, ki tuun linba kur ŋan fanu.

1 Timoti 4:4

Bont nba kur ki Yennu nan na tee jeŋante. Ti-i turɔ niipoouk li paak ki dii, li ŋan nan dinu; ti daa yêen li siari,

1 Timoti 4:5

kimaan Yennu yet a li kura ŋan; ki taa meiɔ ki teenɔ niipoouk li paak na, ŋanne bia te ki jeet maŋ ŋan nan dinu.