Pinpiik 1:26 - Yennu Gbouŋ Mɔɔr

²⁶ Ŋanne ki Yennu yet a, “Ŋaant man ki ti nan nisaarii ki bii tee nan timm na, kii naant, ki ŋaan ki bii mɔk paŋ kii dia janii nba be nyun ni, nan bon-yuyukit nba yuuk sanpaapo, nan bonkobit nba somm, nan bonbubɔkit nba bɔɔk tiŋ na paak.”

Pinpiik 1:26 ပူးပေါင်းရင်းမြစ်များ

Pinpiik 11:7

Baat man, ŋaant ti sik ki saa ŋmat bi maan nba ki bi piak na, ki bi sɔɔ ji daa gbia u lɔɔ maame.”

Pinpiik 2:19

U din jii tante ki nan bonkobit kur, nan nɔɔnii kur, ki baar namm nisaarik Adam boor, a wun purib sana. Ki sann nba kur Adam pur, ŋanne tee bi sana.

Pinpiik 3:22

Ki ti Yomdaanɔ Yennu yet a, “Mɔtana, nisaarik tee nan timm nae, ki mɔk yan nba bɔkitir bonŋann nan bonbiir. Ŋaant ki u daa di manfoor tiik na lɔɔna, kii be mɔkmɔk nan mɔkmɔki.”

Pinpiik 5:1

Biaŋinba ki li sɔb wann Adam maarue na: Yennu nba din nan nisaarik, u din namɔ ki u tee ŋɔɔ Yennu ninnauŋo.

Pinpiik 9:6

Wunba nyinn nirɔ manfoor, nirɔe mun bia tan saa nyinn u manfoor, kimaan min Yennu ninnauŋo ki n nan nisaarik.

JOB labaar 35:10

Ŋaan bi ki baat Yennu boor, wunba tee bi naamii daanɔ, ki teemm dindann yoo nba ki bi be werebuk ni na.

JOB labaar 39:11

A sii fit maa u pangarisuk paak ki dukii nan wun tun a toonpaara ki turawa-a?

JOB labaar 5:23

Ki tana sii kaa tiŋ nba ki a ko na ni, ki muuk ni bonkobit na ji kan ban lekani.

Yaŋ 100:3

Ii bann nan Yennu-e tee barmɔnii Yennu. Ŋɔɔe nant, ki ti tee u niib. Ti tee u niibe, u tiɔŋ niib.

Yaŋ 149:2

Israel teeb, ii mɔk parpeenn man, kimaan i naamii daanɔ paak. Sayɔnn teeb, ii kpamm man, kimaan i Kpanbar maŋ paak.

Banntɔɔ 7:29

Linba kur ki n tumii ki lae na: Yennu nant ki ti ŋane, ŋaan timme tun ki kpet.

Yankpaŋii 1:11

Ti saa jii salimmɔna ki ŋmat nan salimpeena ki ŋamm laamm ki tura.

Aisaya 45:18

Yennu-e nan sanpaak, ŋɔɔe tee Yenmɔnu. Ŋɔɔe nan tingbouŋ na, ki li see fanu, ki bia saa wei. U ki namir ki li dɔɔ yann kaa, ŋaan u te ki li tee boor nba ki niib sii be-e. Ŋɔɔe yet a, “Mine tee Yennu, ki yenlɔɔ ji kaa ki pukini.

Aisaya 6:8

Ki n gbat Yennu yet a, “N saa tun ŋmee? Ŋmee sii tee ti toomii?” Ki n jiin a, “N saa saana. Tummin.”

Aisaya 64:8

Ŋaan fin Yennu-e tee ti baa. Ti tee nan yɔk nae, ki a mun tee nan yɔkmaarɔ na. Fine nant,

Jeremaya 27:6

Mine jii digbana na kur ki teen n toontunnɔ nuu ni, wunba tee Babilonn kpanbar Nebukanesar, ki te ki muuk ni bonkobit gbaa jiantirɔ.

Jɔɔnn 14:23

Ki Yiisa jiin a, “Daanɔ nba loonin, u sii saak n maan, ki n Baa Yennu sii loonɔ, ki min nan n Baa Yennu saa baar u boor ki sii yɔɔ be u ni.

Jɔɔnn 5:17

Ki Yiisa betib a, “N Baa Yennu yɔɔ tuume, ki n mun tuun nnae.”

Toona 17:20

kimaan a piak baryena, ki li tee barsaaniie ti peŋ, ki ti loon tin bann li paak.”

Toona 17:26

Ŋɔɔe te ki nibooru kur nyii yeeja yenɔkɔɔ ni, ki bia te ki bi be tingbouŋ na kur po, ki u mɔŋ mɔŋ senn yoo nba ki nibooru kur sii be, ki bia teen bi binbeboa terii.

1 Korint teeb 11:7

Li ki tee jɔɔ n yir siari, kimaan u naan Yennu-e ki bia tee Yenpaku; ŋaan poo ŋarin tee jɔɔ pakue.

2 Korint teeb 3:18

Li paak, chinchenn maŋ ji ki dɔɔk ti numm po, ki ti laat ti Yomdaanɔ nba mɔk ŋant bonchiann biaŋinba, ki li kpintit ki ti naanɔ, ki ti ŋant bia pukii yoo kura, ki ŋant maŋ nyi ti Yomdaanɔ nba tee Seyeeŋ na boore.

2 Korint teeb 4:4

Bi ki teen Masia yada, kimaan Sintaanii nba ki tingbouŋ na niib jiantirɔ na dɔkin bi dudukita. Ŋɔɔe dɔkint bi numm po a bi daa laat yentu nba dɔkit bi paak na. Li yentu nyi barŋanii nba want Masia paŋ na boore; ŋɔɔe tee Yennu ninnauŋ.

Efesus teeb 4:24

kii dia binbenpaaŋ nba ki Yennu turi na, kii naan Yennu, kii be fanu, kii tee popeendamm nan barmɔnii.

Kolosa teeb 1:15

Sɔɔ kan fit la Yennu, ŋaan u Bija Masia-e tee u naauŋ. Ŋɔɔe gar bont kura, ki tee Yennu bonnankara kur yur,

Kolosa teeb 3:10

ŋaan ji mɔk linba tee binbenpaaŋe. Binbenpaaŋ nae ki Yennu nba tee li nantɔɔ na pantir yoo kura, ki li naan u mɔŋ binbeŋ, a wun te ki yin bannɔ setik nan mɔnii.

Jeems 3:7

Nisaarike mɔk bonkobit, nan nɔɔnii, nan wai, nan nyun ni bona kur yaak,

Jeems 3:9

Jerinn nba ki ti dia ki piak dont ti Baa Yennu na, li jerinne ki ti bia dia piak mabiit a lin biir nisaarii, binba ki Yennu namm ki bi naan u mɔŋ na.

1 Jɔɔnn 5:7

Tɔn, binba tee siaradamm maŋ tee bantaae: