Pinpiik 1:2 - Yennu Gbouŋ Mɔɔr

² Ki tiŋ na din ki mɔk ninnauŋ, ki bonfoor kaa. Li din tee bunbɔnne, ki nyun gbee li munn po, ŋaan ki Yennu maŋ Seek be nyun na paapo.

Pinpiik 1:2 ပူးပေါင်းရင်းမြစ်များ

JOB labaar 26:14

Ŋaan linba na kur tee u paŋ na waame, ŋanne tee lɔkinii nba ki ti gbat. Ŋmee saa fit bann Yennu nba mantik mɔk paŋ biaŋinba?

JOB labaar 26:7

Yennu-e tant sanpaak nba be niigaŋ po na, ki jɔnn tingbouŋ na, ki siar ki diari.

JOB labaar 38:9

Mine din dɔkin mɔkgbeŋa na nan sanpagbant ki pɔbinir, ki li be bunbɔnn ni.

JOB labaar 41:32

Ki wuu saa, punposopeeuŋ nyirii u poor po, mɔkgbeŋir na paak.

Yaŋ 104:30

Ŋaan fi-i turib foon, bi tuu teen bonfoae; a teen tiŋ na bonfoa manfoor.

Yaŋ 104:6

ki jii mɔkgbeŋa ki bakin li paak nan liant na, ki nyun dɔkin jɔjaana na.

Yaŋ 136:6

U senn tingbouŋ, ki li paa nyun paak, u lomm kaa gbennu.

Yaŋ 148:7

Yimm nba be tingbouŋ na paak, ii pak dont Yennu man, nyun ni bonkob-gbeŋa nan nyunsunsunt kur,

Yaŋ 33:6

Yennu yet mɔmaame ki nan sanpaapo, ki bia yet mɔbonn ki li nan yonnu nan ŋmaarik nan ŋmaabira,

Barjokit 8:24

Bi din marin ki sɔɔ ki mɔkgbeŋa daa kaa. Li yoo na ki nyuntona bia daa kaa.

Aisaya 31:5

Biaŋinba ki nɔɔŋ tuu baŋ u tiɔk paak a wun guur u waas na, nnae ki min Yabint Yennu saa guur Jerusalem ki kɔn li paak.”

Aisaya 45:18

Yennu-e nan sanpaak, ŋɔɔe tee Yenmɔnu. Ŋɔɔe nan tingbouŋ na, ki li see fanu, ki bia saa wei. U ki namir ki li dɔɔ yann kaa, ŋaan u te ki li tee boor nba ki niib sii be-e. Ŋɔɔe yet a, “Mine tee Yennu, ki yenlɔɔ ji kaa ki pukini.

Jeremaya 4:23

N got tingbouŋ na ki sɔɔ li tee tinkokirik nba fukiie, ki n got sanpaak ki sɔɔ yentu kaa.

Nahum 2:10

Ninefe biira, sɔɔ ki biar li ni, siar ji kaa leŋ, ki niib yan ŋmat nan jaŋmaanii, ki bi duna jekir, ki paŋ ji ki be, ki bi numpo penn.

2 Korint teeb 4:6

Yennu nba din yet a “Yentu n yent bunbɔnn ni na,” ŋɔɔe te ki u yentu na yentir ti para ni, a ti bann u yentsaakar nba tee biaŋinba; li yentue yeen Yiisa Masia numm po.

Sennu 32:11

Nan baakir nba tuu tumii u bonbira yukiru biaŋinba, ki gɔib ki tiab nan u kpinkpant na, nnae ki Yennu guur Israel teeb ki bi ki baa.