Pinpiik 1:14 - Yennu Gbouŋ Mɔɔr

¹⁴ Ki Yennu yet a, “Ŋaant yentu-ii be yiar nba be sanpaapo na ni, ki bɔkit yonnu ni nan nyiɔk, kii tee nyina, kii want daa nan ŋmaarii nan bina nan marint saka.

Pinpiik 1:14 ပူးပေါင်းရင်းမြစ်များ

Pinpiik 1:13

Ki nyiɔk bɔnn, ki li yent, daa ŋantaa.

Pinpiik 1:15

Ŋaant ki bii be sanpaapo kii teen tiŋ yentu.” Ki li din teen nna.

Pinpiik 8:22

Nan durinya nba sii be na, burint yoo sii be, ki jaanu yoo be, ki waat yoo sii be, ki naauk yoo sii be, ki siɔk nan piar sii be, ki yonnu ni nan nyiɔk sii be.”

Pinpiik 9:13

N saa bɔɔn naatooruk sanpaapo, ki li sii tee min nan tingbouŋ na mɔlor na nyinn.

JOB labaar 25:3

Sɔɔ be ki saa fit kan malakanba, binba tuun u boor nawa-a? Siar boor be ki yabint Yennu yentu na ki yentir leŋi-i?

JOB labaar 25:5

Ŋmaarik yentu koo ŋmaabira yentu gbaa, li ki yeen Yennu boori,

JOB labaar 3:9

Soot sanyafaar ŋmaajar na ki u daa yentir; ki daa te ki li nyiɔk mɔk dindann nan sanyiɔk yentu.

Yaŋ 119:91

A sennu na paake te ki bona kur biar be, kimaan bi kur tee a daabae.

Yaŋ 148:3

Yonnu nan ŋmaarik n pak ki dontɔ, pakimɔ man, yimm nba tee ŋmaabirnyinyira na.

Yaŋ 148:6

U sennue din te ki bi be bi binbeboa yaayoo siiyoo, ki kan fit yêt u mɔb.

Yaŋ 150:1

Pakin Yennu man. Pakin Yennu, u jiantu ŋasaakak ni man. Pakimɔ sanpaapo nba ki u jii u paŋ ki nan na.

Yaŋ 81:3

Pebin jaamm na naatunn, yoo nba ki ŋmaarik paan, nan yoo nba ki u tee ŋmaamunn na.

Aisaya 40:26

Gotir sanpaak. Ŋmee nan ŋmaabira nba ki a laat na? Li tee wunba gar bi tɔɔnn nan nirɔ nba saa gar nibur tɔɔnn nae. U mi ŋmaabira maŋ kann nba tee, ki yi ŋmaabir kur nan u sann. U yiikoo yab bonchiann, ki nan ŋmaabir yennkɔɔwa ki boori.

Jeremaya 10:2

U yet a, “I daa waa digbanlia taatɔk, i daa te ki bonsaana nba ki i laat sanpaapo na daamii-i, halii nan laa lek kɔɔnt digbanlia jaŋmaanii nawa.

Jeremaya 31:35

Yennu-e tur yonnu ki li teent yentu daar ni, ki turit ŋmaarik nan ŋmaabira ki li teen yentu nyiɔk. Ŋɔɔe tuu kut mɔkir ki te ki li fu, u sanne Yabint Yennu.

Jeremaya 33:20

“N lor mɔlore ki tur yonnu ni nan nyiɔk a bin tuu baar bi binbaar yoo, ki li mɔlor kan ban loti.

Jeremaya 33:25

Ŋaan min Yennu mɔk mɔlor ki tur yonnu ni nan nyiɔk, ki bia senn sennii nba dia tingbouŋ nan sanpaak.

Esekiel 46:1

Yabint Yennu yeen a, “Yondo po tammɔkɔɔkir nba gaar kɔɔ dindouŋ ni na, li sii kpan looe toontundaa ŋanloob na ni, ŋaan ii tuu lootir foon daar, nan ŋmaapaaŋ jaamm daar na ni.

Esekiel 46:6

Ki ŋmaapaaŋ jaamm ni, wun tur naajapaŋ nan pegana banloob nan pejak, ki bi kur daa mɔk daŋ bi gbanant paak.

Joel 2:10

Baa baar yoo nba, ki tiŋ jek, ki sanpagbouŋ waa gbar gbar, ki yonnu nan ŋmaarik bɔnn, ki ŋmaabira ji ki nyiiri.

Joel 3:15

Ki yonnu nan ŋmaarik saa bɔnn, ki ŋmaabira na ji kan yent.

Amos 5:8

Yennu-e nan ŋmaabira, ki sennib bi sinsetboa, ki te nyiɔk bɔnt, ki sanyiɔk yentir. U yi nyun nba be mɔka ni, ki li koon tingbouŋ na paak. U sanne tee Yennu.

Amos 8:9

Min Yabint Yennu-e yet a yoo baate ki n tan saa te yonnu n kpir baa yonsuuk ni, ki bia te lin bɔnn yonsupeeuŋ ni.

Matiu 2:2

“Juu teeb kpanbar saakɔɔ nba ki bi marɔ na, u be lee? Ti daan la u ŋmaabire yondopo ki baar a ti tan jiantɔ.”

Matiu 24:29

“Biak na poorpo ki yonnu tan saa bɔnn, ki ŋmaarik ji kan yenti; ki ŋmaabira tan saa nyi sanpaapo ki baa, ki linba kur be sanpaapo tan saa damm ki ŋmat ŋmat.

Barŋanii nba ki MAK din sɔb nae na 13:24

“Daamii na poorpoe, ki yonnu tan saa bɔnn, ki ŋmaarik ji kan yenti,

Barŋanii nba ki LUK din sɔb nae na 23:45

Ki chinchenn nba din tuu jɔɔn ki puun Yenjiantu diiuk sinsuuk ni na ji soor bɔkit.

Sennu 4:19

I daa te ki sɔɔ kpanni nan yin gbaan ki jiant linba ki i laat sanpaapo na, laa tee yonnu koo ŋmaarik koo ŋmaabira. Ti Yomdaanɔ Yennu jiir ki tur nileeb nba tenn nae, a bii jiantir.

Fiitu 6:12

Ki n la Pegann na tabit yiit nba pukin ŋanloob na; ki tiŋ jek bonchiann, ki yonnu bɔnn chimm, ki ŋmaarik mun mɔnn nan sɔn na.

Fiitu 8:12

Malaka nba pukin banna na nba pebir u naatunn na, ki yonnu nan ŋmaarik nan ŋmaabira bɔkitu muntaa ni yenn bɔnn. Ki yonnu nan ŋmaarik nan ŋmaabira yentu na bɔkitu muntaa ni yenn bɔnn. Ki yentu nba tuu yeen yonnu ni na bɔkitu muntaa ni yenn ji ki yeeni, ki ŋmaarik nan ŋmaabira na mun ji ki yeeni, ki nyiɔk bɔnnu mun bɔkit li biaŋ ki bɔnn nna.

Fiitu 9:2

Ki ŋmaabir na loot bootuk maŋ, ki munyuut nyii leŋ, ki tee nan musaakau munyuut na, ki li munyuut dɔkin yonnu, ki tingbouŋ na bɔnn.