Pinpiik 1:11 - Yennu Gbouŋ Mɔɔr

¹¹ Ki ŋɔɔ Yennu yet a, “Ŋaant ki tiŋ na n pɔt nan bonpipiat kur, linba mɔk bin, nan tiinii nba pia ki loon lɔɔna kur, nan tiik lɔɔnbooru kur, ki lɔɔnn kur nan u tiik-ii be tingbouŋ na paak.” Ki li din teen nna.

Pinpiik 1:11 ပူးပေါင်းရင်းမြစ်များ

Pinpiik 1:12

Ki tingbouŋ na din pɔt nan mɔbooru kur, nan tilɔɔnbooru kur, nan binbooru kur, nan tiik nba loon lɔɔna ki bin be leŋ kur, ki ŋɔɔ Yennu la ki li ŋan.

Pinpiik 1:29

ki bia yet a, “N turi bonbuburit kur nan li bin nba be tingbouŋ na paak, nan tiinii kur nan bi lɔɔna, lii tee i jeet.

Pinpiik 2:16

ki betɔ a, “A mɔk yaak ki saa di tiik nba kur be kpaab na ni,

Pinpiik 2:5

bonbubursiar daa din ki be, ki bonpipiasiar mun daa din ki pia, kimaan ŋɔɔ Yennu daa din ki te saak baa tiŋ na paaki, ki nisaarik bia din kaa ki saa ko tiŋ na,

Pinpiik 2:9

Tiŋ maŋ nie ki u din nan tibooru kur nba ŋan, ki bia loon lɔɔnŋana nba tee jeet. Kpaab maŋ sinsuuk nie ki manfoor tiik din be, nan tiik nba teen yan nba bɔkitir bonŋann nan bonbiir na.

JOB labaar 28:5

Tiŋ nba ki jeet nyi li ni na, li tiŋe bia di muu tinpɔɔr niwa.

Yaŋ 1:3

Li nibooru tee nan tiik nba see kpengbiɔŋ nae, kimaan u lomm yoo-i baar, u tuu lone, u tituut bia ki siiri. Bi toona kur saa fanue.

Yaŋ 147:8

Ŋɔɔe te sanpagbant baak sanpaapo; ŋɔɔe te saak baa tingbouŋ na paak, ki te mɔɔt pia kunkona paak.

Aisaya 61:11

Bonboorii nba tuu pia ki kpaat biaŋinba na, nnae ki Yabint Yennu saa tinn u niib, ki digbana kur niib saa pak dontɔ.

Jeremaya 17:8

Li daanɔ tee nan tiik nba pia kpengbiɔŋ, ki tantir u jiina sikint nyun ni nae. Li tiik ki tiin jaŋmaanii, yoo nba ki tiŋ kooti, kimaan u faat mei-e. Saak-i kii baa, ŋaan li ki tonɔ; u loon lɔɔnae yoo kur.

Matiu 3:10

Pajar poŋ teen siira a wun chɔɔ tiinii; ki tiik nba kur ki loon lɔɔnŋana, bi saa chɔɔre ki lur muu ni.

Matiu 6:30

Yennu-i faŋit mɔɔt nba be dinna, ŋaan wonn ki bi joo muuwa na, u kan lannini-i? Yimm yadkanpɔɔna damm na!

Barŋanii nba ki MAK din sɔb nae na 4:28

Tiŋ nae tuu te ki bonboorii maŋ pia ki kpaatir ki bia naan bin. Nyakire tuu nyi sinsinn, li poor po ki fouŋ n wei, ki ji teen bin.

1 Korint teeb 15:38

ŋaan Yennu-e saa te bonboorik maŋ n pia ki tee nan waa loon biaŋinba na; ki bonboorik kur mɔk li mɔŋ ninnauŋo.

Hiibru teeb 6:7

Tɔn, tiŋ nba ki saak baa li paak ki li maakit ki tee jeet teen binba ŋammitir na, Yennu-e teen piisin tiŋ maŋ paak;

Jeems 3:12

Ki kinkaŋ saa fit lon saanawa-a? Koo gaak saa fit lon kinkanawa-a? Nnae mun ki bunbunmimiruk kan fit bunn nyunmammi.