Pinpiik 1:1 - Yennu Gbouŋ Mɔɔr

¹ Pinpiik ni dinn ki Yennu nan sanpaak nan tiŋ.

Pinpiik 1:1 ပူးပေါင်းရင်းမြစ်များ

2 Kpanbara 19:15

ŋaan miar Yennu a, “Yennu nba tee Israel teeb Yennu, fin nba kar a naan binbintir paak, bona nba mɔk kpinkpant na paapo, fin kɔɔe tee Yennu, ki dia durinya na digbana kur. Fine nan tingbouŋ nan sanpaak.

1 Barkperii 16:26

kimaan digbanlia yenbis na kur tee yanne, ŋaan Yennu-e nan sanpaak,

2 Barkperii 2:11

Kpanbar Hiram din jiin Solomonn gbouŋ ki yet a, “Kimaan Yennu nba loon u niib na paak, ki u teena bi kpanbar.

Nehemaya 9:6

Ki Israel teeb na miar Yennu a: “Yennu, fin kɔɔe tee Yennu, fine nan sanpaak nan ŋmaabira nba be sanpagbouŋ paak na. Fine nan tiŋ nan mɔkgbeŋa nan linba kur be li ni na, fine tur bonfoor kur manfoor. Sanpaapo bona kur gbaant ki jiantira.

JOB labaar 26:13

U foome te ki sanpaak yeen. U nuue kpii bonsusoouk nba tiin a wun paak na.

JOB labaar 38:4

A din be yoo nba ki n nan durinya na-a? Li-i tee ki a mi fanu, fan betin.

JOB labaar 9:8

Sɔɔ ki somm Yennu ki u lat sanpagbanti, koo ki sommɔ ki u ŋmaat nyun ni bonsusoouk paaki.

Yaŋ 102:25

Sian yooewa ki a din nan tingbouŋ na, ki jii a tiɔŋ nii ki nan sanpaak.

Yaŋ 104:24

Yennu, a nan bona bonchiann. A nan li kur nan subinchiɔŋo; tingbouŋ na gbee nan a naamiie.

Yaŋ 104:30

Ŋaan fi-i turib foon, bi tuu teen bonfoae; a teen tiŋ na bonfoa manfoor.

Yaŋ 115:15

Yennu nba nan sanpaak nan tiŋ na n teen piisin i paak.

Yaŋ 121:2

N sommir saa nyi Yennu nba nan sanpaak nan tiŋ na boore ki baar.

Yaŋ 124:8

Ti sommir nyi Yennu boore, ŋɔɔe nan sanpaak nan tiŋ.

Yaŋ 134:3

Yennu nba nan sanpaak nan tiŋ na n turi piisin, ki lin nyi Sayɔnn.

Yaŋ 136:5

U jii u subiniie ki nan tingbouŋ na, u lomm kaa gbennu.

Yaŋ 146:6

Yennu nba nan sanpaak nan tiŋ nan mɔkgbeŋa nan linba kur be li ni. U yɔɔ dia u mɔsonae,

Yaŋ 33:6

Yennu yet mɔmaame ki nan sanpaapo, ki bia yet mɔbonn ki li nan yonnu nan ŋmaarik nan ŋmaabira,

Yaŋ 33:9

U din pake, ki tingbouŋ na nan, ki u yet mɔmaan, ki bont kur lekit ki set.

Yaŋ 8:3

Maa tuu got sanpaak nba ki a nan na, nan ŋmaarik, nan ŋmaabira nba ki a teemm bi binbeboor na,

Yaŋ 8:4

nisaarik tee bee ki a baka be u po, nisaarik mun ki a gbiin u po?

Yaŋ 90:2

Faa daa din ki nan kunkona nan durinya na, ŋaan sɔɔ ki a poŋ din tee Yennu nba kaa gbennue, ki bia sii tun tee Yennu yaayoo siiyoo.

Yaŋ 96:5

Digbanlia yenbis na kur tee yanne, ŋaan Yabint Yennu-e nan sanpaak.

Nyinu 20:11

Daa ŋanloobe ki min Yennu jii ki nan tingbouŋ nan sanpaak nan mɔkgbeŋa nan linba kur be li ni, ŋaan ki daa ŋanlore daar na ki n foi. Ŋanne ki min Yennu teen piisin foon daar maŋ paak, ki teenir kasii.

Nyinu 31:18

Yennu nba din pak nan Moses ki gbenn yoo nba, Sainai jɔɔr paak na, ki u ji turɔ tanjabirkara ŋanlee nba ki ŋɔɔ Yennu sɔb u sennii li paak na.

Barjokit 16:4

Yennu nba nan linba kur mɔk paake, ki toonbiit damm joontu tee kuume.

Barjokit 3:19

Yennu din nan tingbouŋ nan u yanfoome; ki jii u bannu ki nan sanpaak.

Banntɔɔ 12:1

Li paak, ii tian a Naamii Daanɔ po, faa daa tee bik na, ki daa guu fan kpeta li yoo na ki a ji yet a, “N ki gbia binbeŋ manu.”

Aisaya 37:16

“Yabint Yomdaanɔ, timm Israel teeb Yennu nba kar a naan binbintir paak, bona nba mɔk kpinkpant na paapo, fin kɔɔe tee Yennu, ki dia durinya na naan gbant kur. Fine nan tingbouŋ nan sanpaak.

Aisaya 40:21

I ki mi-i? Bi din ki paki yaayoo ni-i? I ki gbat durinya na nba din piin biaŋinba-a?

Aisaya 40:26

Gotir sanpaak. Ŋmee nan ŋmaabira nba ki a laat na? Li tee wunba gar bi tɔɔnn nan nirɔ nba saa gar nibur tɔɔnn nae. U mi ŋmaabira maŋ kann nba tee, ki yi ŋmaabir kur nan u sann. U yiikoo yab bonchiann, ki nan ŋmaabir yennkɔɔwa ki boori.

Aisaya 40:28

I ki mi-i? I ki gbati-i? Yennu tee Yomdaanɔ nba yɔɔ be-e yaayoo siiyoo; ŋɔɔe nan durinya na kur. U ki bakit koo ki miatiri. Sɔɔ ki bant u dudukit paak.

Aisaya 42:5

Yennu-e nan sanpaak ki jɔnnir, ki ŋamm tingbouŋ na nan linba kur be li ni, ki tur li niib kur manfoor nan foon. Ki mɔtana, Yomdaanɔ Yennu maŋe yet u toontunnɔ a,

Aisaya 44:24

“Mine tee Yennu, ki tee i tinntɔɔ. Mine tee wunba nami. Mine tee Yennu nba nan bont kur. Min kɔɔe din jɔnn sanpaak. Maa din naan tingbouŋ na yoo nba, sɔɔ ki sommin.

Aisaya 45:18

Yennu-e nan sanpaak, ŋɔɔe tee Yenmɔnu. Ŋɔɔe nan tingbouŋ na, ki li see fanu, ki bia saa wei. U ki namir ki li dɔɔ yann kaa, ŋaan u te ki li tee boor nba ki niib sii be-e. Ŋɔɔe yet a, “Mine tee Yennu, ki yenlɔɔ ji kaa ki pukini.

Aisaya 51:13

A tamm Yennu nba nama na poe, wunba tant sanpaak, ki bia nan tingbouŋ fiakir na poe-e? Bee ki a yɔɔ be jaŋmaanii ni ki jiin binba mukisa nan wutoor, nan binba teen siir a bin biira na po? Bi wutoor na kan ban siia ni.

Aisaya 51:16

Mine jɔnn sanpaak, ki bia teen tingbouŋ fiakir, ki yet Jerusalem teeb a, ‘I tee n niibe. N turi n wannu, ki guuri nan n nuu.’ ”

Aisaya 65:17

Yennu bia yet a, “N yaa n nan tingbounpaann nan sanpaapo paanne. Nisaarii saa tamm linba tun ki gar na poe fas.

Jeremaya 10:12

Yennu jii u yiikooe ki nan tingbouŋ na, ki jii u subinii ki nan durinya na, ki tant sanpaak.

Jeremaya 32:17

“Yabint Yennu, a jii a paŋ nan a yabinte ki nan tiŋ nan sanpaak. Siar kaa ki paar turani.

Jeremaya 51:15

Yennu jii u yiikooe ki nan tingbouŋ na, ki jii u subinii ki nan tingbouŋ na nan sanpaak.

Sekaria 12:1

Mɔmaan nba na nyii Yennu nba nan sanpaak nan tingbouŋ ki tur nisaarik manfoor na boore, ki teen Israel teeb. U yet a,

Matiu 11:25

Li yoo maŋ ki Yiisa yet a “N Baa Yennu nba tee sanpaapo nan tingbouŋ na Yomdaanɔ, n piaka, kimaan a bɔr a maan na subindamm nan bannteebe, ŋaan fiit wann waas;

Barŋanii nba ki MAK din sɔb nae na 13:19

kimaan Yennu nba din nan durinya na pinpiik niwa ki tan tuu mɔtana, sɔɔ daa ki mi la biak ki li bi ki baar biak nba tan sii be daa maŋ ni na. Ki biaksiar mun ji kan mi baar nan ŋann na.

Toona 14:15

“Bee ki i tuun nna? Ti mun tee nisaariie nan yimm na, ki mɔɔntir Yiisa barŋanii, a tin ŋmanti ki yin nyik bon-yana maŋ, ŋaan kii waa manfodaanɔ Yennu, wunba nan sanpaak nan tiŋ nan mɔkgbeŋa nan linba kur be li ni.

Toona 17:24

Yennu maŋe din nan durinya nan bont kur nba be li ni. Ŋɔɔe tee sanpaak nan tiŋ Yomdaanɔ; u ki be poochianfei ni kaa.

Toona 4:24

Baa mun gbat nna maŋ ki bi kur taan leeb nan dudukyent ki miar Yennu a, “Ti Yabint Yennu, fine nan sanpaak nan tiŋ, nan mɔkgbeŋa nan linba kur be li ni,

Rom Teeb 11:36

Yennu-e din nan bonsiar kur, ki dia li kura, ki u paake ki li kur be. Ŋaant ki wun la paku mɔkmɔk nan mɔkmɔk. Mamɔmm.

1 Korint teeb 8:6

Timm yaa boor ni ŋarin, Yen-yenɔkɔɔe be; ŋɔɔe tee ti Baa Yennu nba din nan bonsiar kur, ki u nie ki ti fo. Ki Yomdaan-yenɔkɔɔe be, ŋɔɔe tee Yiisa Masia. U paake ki bonsiar kur nan; u paake biak ki ti fo.

Efesus teeb 3:9

ki bia te ki niib kur nunii n yent, ki bin bann biaŋinba ki Yennu woonin ni lor maŋ tuun ki gbeent Masia ni. Yaayoo niewa ki Yennu nba nan bonsiar kur na din diar woonin ni,

Hiibru teeb 1:10

Yennu gbouŋ bia din yet a “Yennu, pinpiik niwa fine din nan tingbouŋ na, ki nan sanpaak nan a mɔŋ nii.

Hiibru teeb 1:2

ŋaan mɔtana u te ki u Bija nba ki u gannɔ a wun yent bonsiar kur nae pak nan timm. U din te ki u Bija maŋe nan durinya na kur.

Hiibru teeb 11:3

Ti yada paake ki ti bann nan Yennu mɔmaame din nan durinya na, ki taa laat bona nba na, u din ki jii bonsiar kaa ki nanni.

Hiibru teeb 3:4

Ŋaak-i taŋi see, sɔɔe sennir; ki Yennu-e sent bonsiar kur.

2 Piita 3:5

Li nibooru ki saak bin tiar nan Yennu din yet mɔmaame ki nan sanpaak nan tiŋ yaayoo ni, ki nyinn tiŋ na nyun ni, ki te ki li be nyun na sinsuuk ni,

1 Jɔɔnn 1:1

N sɔbin gbouŋ na ki teeni, a man wanni wunba ki bi yiu Yennu Mɔb nba teen niib manfoa na poe. Yoo nba ki Yennu din tan naan durinya na, ŋaan sɔɔ ki Mɔb maŋ poŋ be-e. Mɔmaan maŋ nba din sik tingbouŋ na ni yoo nba, ki ti gbiint u pinpauk, ki bia laatɔ nan ti ninbina ki goriiɔ, ki ti nii bia siitɔ,

Fiitu 10:6

ki por nan Yennu nba yɔɔ be mɔkmɔk nan mɔkmɔk na, wunba din nan sanpaak nan tingbouŋ nan mɔkgbeŋa nan bona nba kur be li ni na, ki yet a li ji kan yukiri;

Fiitu 14:7

ki u yet nan kunkɔsaakar a “Ii tiin Yennu kii biaki dontir u sann, kimaan yoo nba ki u saa bu niib buut na baara; ii jiantir ŋɔɔ Yennu nba din nan sanpaak, nan tingbouŋ, nan mɔkgbeŋa, nan nyuntona kur na.”

Fiitu 21:6

Ki u bia yetin a “Li poŋ tuma. N tee Alfa nan Omega-e; li paak tee piinu nan joontu. Binba ki nyunnyukuru mɔkib na, n saa pib manfoor nyun nba bunii ki nyi nyuntona ni na, ki bin nyu.

Fiitu 22:13

Mine tee Alfa nan Omega, sinsinn nan joontu, pinpiik nan gbennu.”

Fiitu 3:14

Ki wunba ki n lau na bia betin a n sɔb mɔmaan na ki tur u weira nba lakin be Laodisea doo ni na malaka a: “Labaar na nyii wunba sann tee Mɔnii na boore; ki u tee siara daanɔ nba tee barmɔnii daanɔ ki tee siara fanu; ki bia tee linba kur ki Yennu nan na yudaanɔ.

Fiitu 4:11

“Ti Yomdaanɔ Yennu, li jaŋ nan tin jianta, ki tura baakir nan pakuwa, kimaan fine din nan bont kura. A loomm paake ki a naamii maŋ kur be, ki mɔk manfoor.”