Obadia 1:5 - Yennu Gbouŋ Mɔɔr

⁵ “Li-i tee nanyukib kɔɔ nyiɔku, bi tuu jan linba ki bi loone; ki li-i tee niib saan a bin tikir tilɔɔna, ŋaan bi tuu lɔɔt waama, ŋaan ki i datai ber nyinni fas fas.

Obadia 1:5 ပူးပေါင်းရင်းမြစ်များ

2 Samuel 1:19

“Israel kunkona paake ki ti yudamm kpo. Ti kunkɔnkɔnna nba tee pardamm kpowa.

Aisaya 14:12

Babilonia kpanbar, fin nba yeen nan sanyafaar ŋmaajar na, a nyii sanpaapo ki baawa. Sianyoo a bo nyann digbana, ŋaan mɔtana bi lua tiŋ niwa.

Aisaya 17:6

Niib waaminnae saa foor, ki Israel sii tee nan kpai saaŋ nba ki bi tuu pɔɔr li saana kur, ŋaan ki ŋanlee koo ŋantaa n saa biar jɔɔn yur paak na, koo ki biar jɔɔn lɔuŋ ni na. Min Israel teeb Yomdaanɔ Yennu-e pak na.”

Aisaya 24:13

Linba nae saa tun ki tur digbann kur, durinya na ŋaak. Li sii tee nan yoo nba ki bi tuu jaan bona ki gbenn, ki sɔɔ ki bi lebir kpan tiinii kur, ki daan tilɔɔna nan yennkɔɔwa ki biar tiik paak nae.

Jeremaya 49:9

Jab-i pɔɔr daan tilɔɔna, bi tuu nyik yenn-nbae tiinii na paak, ki li-i tee fat-teeb baar nyiɔk, bi tuu jii linba ki bi loon na kɔɔe.

Jeremaya 50:23

Babilonn jab toor durinya kure ki bit bit, ki mɔtana li jaar mun bia biira. Digbana kur jeke nan linba tun ki tur tiŋ na.

Jeremaya 6:9

Ki Yabint Yennu pakin a, “Israel tiŋ saa biar yann nan baa tuu pɔɔr daan tilɔɔna daan tiinii paak ki bin biar yann biaŋinba nae. Li paak, see ki a tinn sɔɔ kur nba ki a saa fit, yoo nba daa be na.”

Fabinii 1:1

Jerusalem doo nba tuu gbee nan niib na ji dɔɔ yanne. Durinya na niib din baakitɔ, ki mɔtana ki u ji tee nan pakɔɔk na; u tuu tee digbanjaanne ki gar digbanlia, ŋaan ji biir ki butin.

Obadia 1:9

ki jaŋmaanii saa soor Temann kunkɔnkɔnna, ki bi saa kpi jab nba kur be Edom tiŋ ni.

Maika 7:1

N be parbiir nie. N tee nan nirɔ nba ki kon tuu mɔkɔ, ki wun got tilontii paak, ŋaan kan la lɔɔnn nae. Bi tɔkir kinkanmana nan lɔɔnlia na kurawa.

Sefania 2:15

Linba nae saa tun ki tur doo nba mɔk garuk, ki dukii a u mɔŋ yiikooe saa tinnɔ na. Ki doo maŋ niib dukii a bi doo nae tee digbanjaann durinya na ni. Li tan sii tee langbente, siaminba ki muuk ni bonkobit sii dɔɔ foi. Ki wunba kur gar li po, jaŋmaanii saa soorɔ, ki wun ŋmat poor.

Sennu 24:21

Li-i tee ki i pɔɔr daan tilɔɔna yomm, i ji daa ŋmat li tiinii nyaka ki lei linba biar na; nyikin ki boorganu nan kpeebii nan pakɔi n pɔɔr.

Fiitu 18:10

Bi tan saa tin jaŋmaanii u biak na paak, ki see banfɔkira ki ji yeen a “Wuya, dogbeŋir na, wuya, Babilonn, doo nba mɔk paŋ na, a tubdatu baare yiama.”