Obadia 1:18 - Yennu Gbouŋ Mɔɔr

¹⁸ Jakɔb ŋaateeb nan Joosef ŋaateeb sii tee nan muu nae, ki saa di Esɔɔ ŋaateeb nan muu nba tuu di kinkaka biaŋinba na. Ki Esɔɔ yaaboona na, sɔɔ kan biari. Min Yennu-e pak na.

Obadia 1:18 ပူးပေါင်းရင်းမြစ်များ

2 Samuel 19:20

Chanbaa, n mi nan n tun biira, li paake ki n tee sinsinn nirɔ nba nyii Israel booru ni ki baar maa min chet fin n yomdaanɔ dinna nba na.”

Nyinu 5:12

Ki niib na lin Ijipt tiŋ kur po ki loon mɔɔt na.

Aisaya 10:17

Yennu nba tee Israel yentu nae saa kpant muu. Israel teeb kasii Yennu na saa kpant muyeruk nba saa jii dayenn ki di bont kur, halii kunkonii nan jagotuk kur.

Aisaya 31:9

Jijeet saa te ki bi kpanbar n chiar, ki jaŋmaanchiɔŋ saa te ki u jab saakab n lu bi tɔb farimii.” Yennu nba ki bi jiantirɔ Jerusalem, ki u maruŋ muu yɔɔ di leŋ na, ŋɔɔe pak na.

Aisaya 47:14

“Bi tee nan kakjina nae, ki muu saa dib. Bi poŋ kan fit tinn bi mɔŋ kaawa. Muyeruk na sii ton ki paakiba, ki kii tee mumintik ki bi saa nanii.

Aisaya 5:24

Li paak, kinkaka nan mɔkoont nba tuu di muu biaŋinba na, i jiina mun saa bat, ki i puuk n koor nnae, ki wouŋ n pebirir, kimaan i yêt linba ki Yabint Yennu nba tee Israel teeb kasii Yennu tumii nawa.

Aisaya 9:18

Niib na biit di nan muu nba tuu di jagotuk nan kunkonii nae. Li di nan muu nba tuu di fɔɔr, ki munyuuk do nae.

Aisaya 9:19

Yabint Yennu wutoor nba doo na paak, ki u tubdatu na di nan muu na tiŋ na kur po, ki kpi niib maŋ, sɔɔ kur gbaa a wun tinn u mɔŋe.

Jeremaya 11:23

N senn yooe ki saa baar nan biak Anatof niib paak. Li yoo-i baar, nan bi yenɔkɔɔwa kan tinni.”

Esekiel 37:16

ki yet a, “Nisaarik, jiin dakoonn ki sɔb li paak mɔbona nba na a, ‘Juda naan yent,’ ki bia jii daleeuk ki sɔb li paak a, ‘Israel naan yent,’

Esekiel 37:19

fan yetib nan min Yabint Yennu saa jii daauk nba see Israel teeb paak na, nan daauk nba see Juda teeb paak na ki tukin, ki jii daat ŋanlee maŋ ki teenir dayeuŋ, ki diar n nuu ni.

Joel 2:5

Baa lin mobit kunkona na yura paak na, ki bi mɔ nan tɔb taantorit na; ki put nan mɔkoonii be muu ni na, ki be chunchuuntuk nan kunkɔnkɔnna bonchiann nba teen siir nan tɔb na.

Amos 1:8

N saa liat Asdod nan Askelonn doi diara. N saa dat Ekronn teeb tuba, ki Filistia teeb kur nba biar na saa boont.”

Amos 5:15

Ii nan toonbiit, ŋaan kii tuun toonŋana, ki te barmɔnii-ii piak buut bunu ni. Li pasiar, Yennu sii mɔk ninbatinu digbann na niib nba tenn ki mɔk manfoor na paak.”

Amos 6:6

ki nyu daŋmangbee, ki bia sɔ tulaar-nunubit, ŋaan lek ki mɔ fabin Israel biiru paaki na.

Obadia 1:16

N niib na gaar tubdatu bonchiann, n kasii kunkonn na ni, ŋaan digbanlia nba kur kpia na saa la tubdatu ki lin gar nnawa. Bi saa gaar tubdatu nae ki tan kpakin yann.

Maika 5:8

Ki Israel teeb nba tenn ki be digbangana ni na, tan sii tee nan yanbɔr nba tuu gɔrin ki loon jeet fɔɔr ni na, ki tuu tan dɔkit pei paak, ki baa bi paak, ki patib burii burii, ki bi ji ki mɔk dindann tinnu po nae.

Nahum 1:10

Yimm dayibira na, n saa boonti nan baa tuu ŋmat kunkonii nan kinkak-koona ki lin di muu biaŋinba nae.

Sekaria 12:6

“Li yoo, n saa te ki Juda naakuut-ii tee nan fɔɔr nba tuu gaar muu, koo nan kpaab nba tuu gaar muu ki di jeet biaŋinba nae. Bi saa boont booru nba kpiab na kure, ŋaan ki Jerusalem niib n biar ki be doo na ni, ki siara daamii kaa.

Malakai 4:1

Yabint Yennu yet a, “Daar baate, ki karinbaandamm nan toonbiit damm na tan saa di muu nan kinkaka na. Li daar maŋ, bi saa di boonte, nan bi siara kan biari.

1 Korint teeb 3:12

Siab saa jii salimae, koo nabint, koo tanchincheena, ki maa fiakir maŋ paak; siab mun saa jii daate, koo mɔɔt, koo kaka, ki chaan fiakir maŋ paak.