Obadia 1:16 - Yennu Gbouŋ Mɔɔr

¹⁶ N niib na gaar tubdatu bonchiann, n kasii kunkonn na ni, ŋaan digbanlia nba kur kpia na saa la tubdatu ki lin gar nnawa. Bi saa gaar tubdatu nae ki tan kpakin yann.

Obadia 1:16 ပူးပေါင်းရင်းမြစ်များ

Aisaya 42:14

Ki Yennu yet a, “N ŋmin ki li wei bonchiann, ki ki tur n niib gatu. Ŋaan mɔtana, yoo baar nan man tun n toonn na; n yikin nan poo nba tuu yaa wun mar nae.

Jeremaya 49:12

“Li-i tee ki binba ki kpaa talas nan bin la tubdatu ji tan la tubdatu, i dukin tubdatu kan baar i paaki-i? Tubdatu saa baar i paaka.

Fabinii 4:21

Ii laa man, yimm Edom teeb nan Us teeb. Ii mɔk parpeenn man, nan yaa daa mɔk yaak na. Biiru mun bia baatie, ki i mun bia tan sii daŋit ki be payana, ki di fei.

Joel 3:17

“Tɔn, Israel teeb, i ji saa bann nan mine tee i Yomdaanɔ Yennu. N kɔɔ Sayɔnn-e, n kasii kunkonn na paak. Jerusalem sii tee kasii dooe; ki boorganu ji kan ban kɔn ki nyanniri.

Habakuk 1:9

“Ki bi kunkɔnkɔnna na baat nan jatuk a bin kɔn nyann. Baa baar yoo nba, ki jaŋmaanii soor sɔɔ kur bonchiann, ki yommii nba ki bi soorib na yab, ki tee nan mɔktanbiinii na.

1 Piita 4:17

Yoo baara ki Yennu saa piin ki bu niib buut. U saa bu u tiɔŋ niib buute sinsinn; ki li-i tee ki u bu timm nba tee u niib na buut sinsinn, ki binba ki sak u barŋanii na yar ji sii tee nlee?