Obadia 1:10 - Yennu Gbouŋ Mɔɔr

¹⁰ “Kimaan yaa fiar ki bia kpi i ninjamm Jakɔb yaaboona na paak, ki n saa boonti, ki yin di fei nan yoo nba kaa paak.

Obadia 1:10 ပူးပေါင်းရင်းမြစ်များ

Pinpiik 27:11

Ŋaan ki Jakɔb jiin a, “A mi nan Esɔɔ mɔk kobit u gbanant paak, ki n gbanant mun tee gbananŋiŋar.

Pinpiik 27:41

Esɔɔ din ki loon Jakɔb maan, kimaan u baa nba tur Jakɔb piisin na paak. Ŋanne ki Esɔɔ dukin a, “N baa poŋ ji ki fɔk nan kuumi. Wuu kpo, n ji saa kpi Jakɔb-e.”

Yaŋ 109:29

Ŋaant ki n datai n di fei, ki lia bi fei maŋ nan liatir na.

Yaŋ 132:18

N saa dinn u datai fei, ŋaan te ki u naangbouŋ na-ii mɔkitir kii kpaatir.”

Yaŋ 137:7

Yennu, tiat Edom teeb nba din tun linba, daar nba ki ti datai nyann Jerusalem na. Tiat baa din yeen a, “Yeetir ki sikinir tiŋ ni.”

Yaŋ 69:7

kimaan a yaa sann paak, ki bi sukiin ki dintin fei.

Yaŋ 89:45

ki te ki u kpet yian, ŋaan ki u yoo daa ki baari, ki te ki u dii fei.

Barjokit 10:6

Niŋamme sii laat piisin. Toonbiit daanɔ mɔbona baat nan kpikpiruko.

Barjokit 17:5

Fi-i laa nandamm, a sukii Yennu nba namm nae. A saa la tubdatu, li-i tee ki sɔɔ kɔɔ ninbɔŋ ni ki a mɔk kpinkpammuk li paak.

Jeremaya 12:14

Ki Yennu yet a, “N mɔk siar ki saa pak tur Israel teeb kɔɔnanleeb nba biir tiŋ nba ki n tur n niib Israel teeb maŋ na. N saa nyinn nibiit maŋ bi tinii ni, nan baa tuu ŋabir bonbuburit nae, ki fat Juda teeb bi nii ni.

Jeremaya 3:25

Li tee tin dɔɔr ti fei nie, ki ti fei maŋ n piinit. Timm nan ti yeejamm yɔɔ tuun ki biir ti Yomdaanɔ Yennu-e. Ti ki ban sak u sennii.”

Jeremaya 49:13

N mɔŋ por nan doo nba tee Bosra saa teen jaŋmaansooruk boor ki sii tee kunkoouk. Niib sii yisin leŋ, ki saa jii li sann ki poor mɔpora. Digbanbis nba kpia leŋ na sii yɔɔ tee langbente. Min Yennu-e pak na.”

Jeremaya 51:51

I yeen a, ‘Ti dii fei ki la yukpiasira, ti la nan ti ki mɔk sommtɔɔ nan yenɔkɔɔwa, kimaan boorganu gaar kasii boa nba be Yenjiantu Ŋasaakak ni nawa.’

Fabinii 4:21

Ii laa man, yimm Edom teeb nan Us teeb. Ii mɔk parpeenn man, nan yaa daa mɔk yaak na. Biiru mun bia baatie, ki i mun bia tan sii daŋit ki be payana, ki di fei.

Fabinii 4:22

Yennu dat Sayɔnn teeb tubawa, u kan te ki ti ji tee yommii boorganu tiŋ ni; ŋaan yimm Edom teeb, Yennu saa dat i tubawa; u saa fiit i toonbiit na ki nyinnir paanu.

Esekiel 35:9

N saa te ki i tiŋ n biar yann, ki saa tuu yoo nba kaa paak, ki sɔɔ kan kar i doi na ni jikii. Ki i ji saa bann nan mine tee Yennu.

Esekiel 7:18

Ki bi saa lia bɔtoliant ki wann bi parbiir nba tee, ki jaŋmaanii sii mɔkib. Bi saa koor bi yut, ki bi kur saa di fei.

Joel 3:19

“Ki Ijipt tiŋ saa kpant kunkoouk, ki Edom tiŋ n kpant langben-yana, kimaan baa lek Juda tiŋ, ki kpii li niib nba ki mɔk biit na paak.

Amos 1:11

Yennu ŋamm yet a, “Edom teeb tun yanbɔmm, ki bia ŋamm tun yanbɔmma, li paak, n saa dat bi tubawa. Bi wei ber bi ninjamm Israel teeb na, ki ki timm ninbaauku. Bi wutoa ki mɔk gɔɔru, ki bi ki te ki li maaki.

Maika 7:10

Tɔn, ki ti datai saa la linba na, ki di fei. Ŋamme tee datai nba bo sarikitit ki yeen a, “I Yomdaanɔ Yennu na be lee?” Ti saa la ki bin nyannib, ki ŋmaatib nan tanmaatit na, sɔnjot ni.

Sennu 23:7

“I daa yêen Edom teeb na; bi tee i nikpiimme. I bia daa yêen Ijipt teeb na, kimaan i ban kɔɔ bi tiŋ niŋa.

Sennu 23:8

Laa nyii bi yaaboona muntaa ni, i saa fit pukin bi maaru, Yennu niib na po.