Nyinu 9:29 - Yennu Gbouŋ Mɔɔr

²⁹ Ki Moses yetɔ a, “Mi-i nyii doo na ni yoo nba, n saa donn nii sanpaapo ki miar Yennu, ki satianii na saa gbenn, ki sakaangbeŋa ji kan baa, ki fan bann nan tingbouŋ na tee Yennu yare.

Nyinu 9:29 ပူးပေါင်းရင်းမြစ်များ

1 Kpanbara 8:22

Niib na numm ni ki Solomonn saan set binbintir na tɔɔnn po, ki donn nii

1 Kpanbara 8:38

fan gbiint bi miaru. Li-i tee ki a niib Israel teeb yenɔ dudukit daamiiɔ, ki u be parbiir ni, ki bi tant bi nii jiantu ŋasaakak na po ki miara,

Esra 9:5

Yoo nba din tan jaŋ nan bin mann daajoouk maruŋ na, ki n fiir maa bo kar siaminba nan parbiir na, ki bia daa lia n liatchiat na, ki gbaan ki tant n nii, ki miar n Yomdaanɔ Yennu,

JOB labaar 11:13

Job, ŋaant ki a par-ii be nan Yennu, ki fii meiɔ.

Yaŋ 135:6

U tuun linba kur ki u loone, li sanpaapo nan tingbouŋ na ni, li mɔkgbeŋa nan li mɔkgbeŋa tiŋ po.

Yaŋ 143:6

N dont n nii sanpaapo ki meia, ki loona nan tinkooŋ nba loon nyun biaŋinba na.

Yaŋ 50:12

“Kom-i bonni mɔkin, n bo kan betini, kimaan durinya nan linba kur be li ni tee n yare.

Nyinu 19:5

Mɔtana, li-i tee ki i saa sak n mɔb ki dia n mɔlor na, i sii tee n niibe. Tingbouŋ na kur tee n yare, ŋaan yimme sii tee n nigannkab,

Nyinu 20:11

Daa ŋanloobe ki min Yennu jii ki nan tingbouŋ nan sanpaak nan mɔkgbeŋa nan linba kur be li ni, ŋaan ki daa ŋanlore daar na ki n foi. Ŋanne ki min Yennu teen piisin foon daar maŋ paak, ki teenir kasii.

Nyinu 8:22

Ŋaan n saa te ki kpajuut maŋ kan baar Gosenn yent ni, siaminba ki n niib be na. N saa tun linba nae ki yin bann nan min Yennu tuun siar tiŋ na ni.

Nyinu 8:6

Ki Aarɔnn jii u patu na ki tant nyun na kur paak, ki pɔnta nyii nyun maŋ ni ki piin Ijipt tiŋ kur po.

Nyinu 9:33

Ki Moses fiir kpanbar na boor ki nyii doo na ni, ki saa donn nii sanpaapo ki miar Yennu, ki satianii nan sakaangbeŋa nan saak na kur ji din gɔɔr.

Aisaya 1:15

“Li-i tee ki i donn i nii ki mein, n kan fiint i po, i-i lekii miar biaŋinba, ŋaan n kan gbiint, kimaan i nii gbee nan sɔme.

1 Korint teeb 10:26

kimaan li sɔb Yennu gbouŋ ni a, “Tingbouŋ na nan li bont kur tee Yennu yare.”

1 Korint teeb 10:28

Ŋaan sɔɔ-i wanna a bi mann nant na patire, faa daa ŋman, ki a saa ŋmat u yan. Ŋaan sɔɔ saa boi a, “Li saa teen nlee ki n yan nba loon linba saa biir lɔɔ dudukiti?

Sennu 10:14

Li sanpaak, nan tingbouŋ, nan linba kur be li ni tee Yennu yare.