Nyinu 38:24 - Yennu Gbouŋ Mɔɔr

²⁴ Salima nba ki bi din tur a lin chaan Yennu lanbouŋ na, din tee nan sinpeenii bɔrik-gbina tusir kpaiu nae, ki li bikinu tee nan baa din tuu bikii bona, Yennu lanbouŋ ni biaŋinba na.

Nyinu 38:24 ပူးပေါင်းရင်းမြစ်များ

Nyinu 25:2

“Betir Israel teeb ki bin baar nan piinii ki turin. Wunba kur par lakib ki u baar nan piinii a wun turin, fan set ki gaar n paak.

Nyinu 29:24

Jiin jeet na kur ki kubin Aarɔnn nan u bonjai, ki betib ki bin jii turin, ki lii tee burchinpiinii.

Nyinu 30:24

nan bonnunubit nba ki bi yi kasia na, ki li kpaiu-ii tee nan sinpeenii bɔrik-gbina ŋantaa na, kii tee nan baa bikii biaŋinba Yennu lanbouŋ ni na, ki jii olif tiinii kpan salena ŋanloob ki ŋmat li kur,

Nyinu 35:22

Ki jab nan poob nba ki bi para lakib na baar nan salinŋana kur nba tee jabaabii, nan tutuuta, nan banii, nan laanii, nan salima bonŋana kur ki tur Yennu.

Liifai teeb 27:25

Bona kur daauk sii tee yomm nan biaŋinba ki yudamm wann nae.

Liifai teeb 27:3

Ki paatii na n jaŋ u kpetuk nba tee biaŋinba: Jɔɔ nba dii bina piinlee ki saan tuu binpiinloob, u paatii sii tee salinkuna piinŋmue. Poosubirtɔɔ paatii sii tee salinkuna piintaae. Naasimɔ nba dii bina ŋanŋmu ki saa tuu piinlee-e, u paatii sii tee salinkuna piinlee. Sapaamɔ paatii sii tee salinkuna piike. Waas nba tee bonjai ki daa ki dii bina ŋanŋmu, bi paatii sii tee salinkuna ŋanŋmue. Waas nba tee bonpoi, bi paatii sii tee salinkuna ŋantaae. Jɔɔ nba gar bina piinloob, u paatii sii tee salinkuna piik nan ŋanŋmue. Ki poo nba gar bina piinloob, u paatii sii tee salinkuna piike.

Liifai teeb 5:15

Li-i tee ki sɔɔ kpet tun biit, nan waa ki tur Yennu linba tee u yar na, u saa baar nan pejak koo bujak nba ki mɔk daŋi, ki tur Yennu. Ki bonkobuk na pann sii tee nan baa tuu jiar nirɔ paatii biaŋinba na.

Hagai 2:8

Salimpeena nan salimmɔna nba kur be durinya na ni tee min Yennu yare.

Nikant 18:16

I tuu saa fit ŋmat daa bik nba dii ŋmaarik, ki u daauk sii tee salinkuna ŋanŋmu, nan baa jaŋit likirii biaŋinba na.

Nikant 3:47

Ii pa bijajakper kur paak likbina ŋanŋmu, nan baa bikii likirii biaŋinba na,