Nyinu 34:6 - Yennu Gbouŋ Mɔɔr

⁶ ki gar Moses tɔɔnn po ki mɔɔnt a, “Min Yennu-e tee Yennu nba mɔk ninbatinu nan sukuru nan n niib, ki n lomm yab bonchiann, ki n niib saa fit teenin yada.

Nyinu 34:6 ပူးပေါင်းရင်းမြစ်များ

Pinpiik 24:27

ŋaan yet a, “N piak Yennu, wunba tee n chanbaa Abraham Yennu ki dia u mɔsonn nba ki u senn tur n chanbaa na. Yennu-e kpan jiin ki saan nanin Abraham nikpiimm boor.”

2 Samuel 24:14

Ki Defid yet Gaad a, “Barmɔnii, n be daamii nie. N ki loon niib n dat n tubiri. Ŋaant Yennu mɔŋe n dat n tubir, kimaan u mɔk ninbatinu.”

1 Kpanbara 19:11

Ki Yennu yetɔ a, “Nyimin ki do jɔɔr na paak ki saa set n tɔɔnn po.” Ki Yennu gar ki baar nan wonpaaruk nba bɔkit jɔɔr ki yeer tana, ŋaan Yennu din kaa wouŋ na ni. Li poor po ki wouŋ na maak, ŋaan ki tinjekiruk baar. Yennu bia lek din kaa tinjekiruk na ni.

1 Kpanbara 8:30

A gbat n miaru nan a niib miaru yoo nba ki bi set tor ŋaak na po ki miara. Faa be a binbeboor yendɔuŋ ni na, a gbat ti miaru ki nyik chab ti biit.

2 Barkperii 30:9

Li-i tee ki i baar Yennu boori, ŋann niib nba jii i nikpiimm ki yaat namm ki teemm yommii na, bi sii mɔk ninbatinu namm, ki ŋaan bin kun bi doo ni. I Yomdaanɔ Yennu mɔk burchint nan ninbatinu, ki li-i tee ki i baar u boori, u saa gaariwa.”

Nehemaya 9:17

Bi din yêt mɔsakuwa, ki tamm linba kur ki a tun nawa, ki bia tamm bakitnauŋ toona nba ki a tun na. Bi karinbaanii paak, ki bi gann tɔɔndaanɔ a wun jiib ki ŋmat namm daabisin ni, Ijipt tiŋ ni, ŋaan a tee Yennu nba nyikin ki chabite, ki bia mɔk parmaasir nan lomm, ki a wutoor ki do yian, ki a ninbatinu yab, ki a ki nyɔr nyikibi.

Yaŋ 108:4

A lomm nba kaa gbennu na do ki baat sanpaak; ki a mamɔmm na siit sanpagbant.

Yaŋ 111:4

Yennu ki te ki ti tammit u yaarlituk toona po; u mɔk burchint nan ninbatinu.

Yaŋ 111:8

U sennii yɔɔ be-e, kimaan u din tur sennii maŋ mamɔmm nan kasii niŋe.

Yaŋ 112:4

Yentu tuu yent bunbɔnn nie ki tur niŋamm, nan binba tee ninbatinna, nan burchimm, nan popeendamm na.

Yaŋ 116:5

Yennu tee ninbatinnɔe ki bia ŋan. Ti Yennu tee ninkpabauŋ Yennu-e.

Yaŋ 138:2

N gbaan ki took a kasii ŋasaakak na, ki dont a sann, kimaan a lomm nba kaa gbennu, nan a mamɔmm na paak, kimaan a wann nan a sann nan a sennii mɔk yiikoo ki gar bont kur.

Yaŋ 145:8

Yennu mɔk lomm nan ninbatinu, u wutoor ki do yian, ki u lomm bia kaa gbennu.

Yaŋ 146:6

Yennu nba nan sanpaak nan tiŋ nan mɔkgbeŋa nan linba kur be li ni. U yɔɔ dia u mɔsonae,

Yaŋ 31:19

A ŋant yab bonchiann ki a jii guun binba baakita. Sɔɔ kur mi faa ŋan biaŋinba, ki a guu binba teena yada,

Yaŋ 57:10

kimaan a lomm yab ki saa tuu sanpaak, ki a kasii binbeŋ bia tuu sanpagbant.

Yaŋ 86:15

Ŋaan fin n Yomdaanɔ, fine tee ninbatinu nan lomm Yennu, ki mɔk sukuru nan barmɔnii nan burchint.

Yaŋ 86:5

Yennu, a mɔk nyikinchab, ki ŋan turit, ki a lomm gbee nan wunba kur miara.

Yaŋ 91:4

U saa jii u kpinkpante ki bakina, ki sii guua ki a be fanu, ki u barmɔnii saa guura ki bia kɔn tura.

Nyinu 20:5

Daa gbaa patsiar boor koo ki jiantirɔ, kimaan mine tee i Yomdaanɔ Yennu, ki ki saak mii mɔk lɔɔ. N daar binba namin na tuba, nan bi waas tuba, ki saa tuu bi yaaboontaa koo bi yaaboona ŋanna ni,

Nyinu 22:27

kimaan ŋanne tee linba ki u saa lia ki dɔkin waat. Fi-i kii turɔ, u ji saa lia bee ki dɔɔri? Li-i tee ki u bui fabin ki yiinin ki loon sommir, n saa gat ki turɔwa, kimaan n mɔk ninbatinu.

Nyinu 33:19

Ki Yennu yet a, “N saa te ki n baakir ŋant na n gar a boor, ŋaan ki man wanna n sann. Min Yennu sii mɔk ninbatinu niib nba ki n gannib na paak,

Barjokit 3:3

Ŋaant ki lomm nan yada-ii be a boor yoo kur. A liar a turu ni, ki bia sɔbir a par ni.

Banntɔɔ 8:11

Kimaan bi ki daar nibiiuk tuba yian yian, li paak, nisaarii para ji gbee nan toonbiite.

Aisaya 12:4

Daar baate ki niib saa yin yaŋ na a, “Turin Yennu niipoouk. Yiintɔ ki wun somma. Pakin digbana kur, waa tun linba. Wantib u yiikoo nba jan.

Aisaya 65:16

Tiŋ na ni, wunba kur loon piisin saa boi barmɔnii Yennu-e piisin po. Wunba senn mɔsonn saa por barmɔnii Yennu sann nie. Yaayoo ni daamii na saa gar, ki bin tamm li po.”

Jeremaya 32:18

A wann a lomm nba kaa paak na ki tur niib tusaa, ŋaan a mun bia daar niib tuba, bi damm biit paak. A tee Yenjaann nba mɔk yiikooe, ki tee Yabint Yennu.

Jeremaya 9:24

Li-i tee ki sɔɔ loon wun faa kpinkpant, wun faa nan u min, ki bia bant n maan paak, kimaan n lomm yɔɔ be-e, ki n tuun linba ŋan ki bia took. Ŋanne mei n par. Min Yennu-e pak na.”

Fabinii 3:23

Yennu lomm paane sanyiɔk kur, ki u ŋant na yab bonchiann.

Joel 2:13

Ii ŋaan ki i parbiir n wann i lebitu, i liant patu kuukɔɔ kan jaŋi.” Jenin man i Yomdaanɔ Yennu boor. U mɔk burchint ki gbee nan ninbatinu; u mɔk sukuru ki dia u mɔsona, ki teen siir nan wun nyikchab yoo kur, ki kan dat i tuba.

Jona 4:2

U din yet a, “Yennu, maa daan daa be n doo ni na, n daan ki yet nan a tan saa tun nnae-e? Ŋanne teen ki n daan gbaa maa n chiar saan Speenn. N mi nan a tee Yennu nba mɔk lomm nan ninbatinue. Yoo kur a mɔk sukurue nan ŋamm, ki teen siir yoo saaka, a fin lebit a dudukit ki nyik niib tubdatu.

Maika 7:18

Yennu, sɔɔ kaa ki tee nan fin na; a nyik chab a niib nba tinn na yanbɔmma. A ki biat a wutoor ni mɔkmɔk nan mɔkmɔki, ŋaan li mana ki a wantit a lomm nba kaa gbennu.

Maika 7:20

A saa wann a ŋant nan lomm nba kaa gbennu ki tur a niib, binba tee Abraham nan Jakɔb yaaboona na, nan faa din senn mɔsonn ki tur ti yeejamm sianyoo biaŋinba na.

Nahum 1:3

Yennu ki dont wutoor yian yiami, ŋaan u mɔk yiikoo, u kan ban te wunba tun biit n nyi tubdatu ni. Yennu-i somm siaminba, wouŋo fukitir; sanpagbante tee tangbiruŋ ki u taapant gbit.

Nikant 12:8

Li paak n tuu pak nanɔ yeenin ni, ki li ki tee buntir ni kaa, u laat n ninnauŋ. Bee ki i ki tiin nan yin pak ki biir n toontunnɔ Moses-i?”

Jɔɔnn 1:17

Moses din turit Yennu sennue, ŋaan Yiisa Masia ŋarin baar nan ninbatinue ki turit, ki bia wannit barmɔnii wannu.

Rom Teeb 2:4

Koo a yisin loonchiɔŋ nan sukuru bonchiann nba ki Yennu mɔk nant nae-e? A ki mi nan Yennu mɔk burchint nana a wun te ki a nyik a biit na ŋaan kii be fanue-e?

Sennu 32:3

N saa dont Yennu sanne, ki u niib saa wann u yabint nba tee biaŋinba.

Sennu 4:31

U tee ninbatinu Yennu-e. U kan nyiki yann, koo ki biirini. U bia kan tamm mɔlor nba ki u mɔŋ lor nan i yeejamm na.

Sennu 5:10

Ŋaan n mɔk ninbatinu ki teen yaaboona tusaa tusaa nba saa wei ki loonin ki dia n sennu.

Jeems 5:11

Baa din mɔk gbankur na, ti yib parpeenn damme. I poŋ gbat Job nba din mɔk sukuru nan gbankur biaŋinba, ki li poorpo ki Yennu tan nyinnɔ u biak ni. Li want Yennu nba mɔk ninbatinu ki tiinit ninbaauk biaŋinbae.