Nyinu 34:10 - Yennu Gbouŋ Mɔɔr

¹⁰ Ki Yennu yet Moses a, “N yaa man lor mɔlore nan Israel teeb. Bi numm nie ki n saa tun toonjaana nba ki n daa ki ban tun ki tur boorsiar durinya na ni. Niib nba kɔɔ kpiai na saa la nan bi ninbina, toonjaana nba ki min Yennu saa tun, kimaan n yaa man tun yaarlituk toonae ki turi.

Nyinu 34:10 ပူးပေါင်းရင်းမြစ်များ

2 Samuel 7:23

Digbansiar ki be tingbouŋ na ni, ki tee nan Israel teeb nba ki a nyinnib yommisin ni, ki teemm a tiɔŋ niib na. Toonjaana nan bakitnauŋ toona nba ki a tun ki turib na mɔɔnt a sann ki gbenn durinya na kur powa. A niib nba ki a fat nyinnib Ijipt tiŋ ni, a bii tee a yab na nba kɔɔ digbanlia tiŋ ni yoo nba, ki a ber nyinn digbanlia maŋ niib nan bi tingbana.

Yaŋ 106:22

U tun bakitnauŋ toona bonchiann leŋ, ki bia tun yaarlituk toona bonchiann Mɔkmuŋ na boor.

Yaŋ 136:4

U kɔɔe tuun bakitnauŋ toonjaana, u lomm kaa gbennu.

Yaŋ 145:6

Niib saa pak a toonjaana po, ki man mɔɔnt a yabint po.

Yaŋ 147:20

ŋaan u ki tun linba na booru ki tur nileeb na, bi ki mi u sennii maŋi. Pakin Yennu man.

Yaŋ 65:5

Yennu nba tee ti tinntɔɔ, a teent gatu, a bakitnauŋ toonŋana ni, Niib nba be durinya kur po, nan binba be mɔkgbeŋa pootir, banfɔkira na, bi kur maa a paake.

Yaŋ 66:3

ki yet Yennu a, “Toona nba ki a tuun na teen bakitnauŋ. A paŋ yab bonchiann, ki li te ki a datai gbaa a tɔɔnn nan jaŋmaanii.

Yaŋ 66:5

Saana man ki tan got linba ki Yennu tun. U tuun bakitnauŋ toona, nisaarik yaa paak.

Yaŋ 68:35

Yennu baakir yab, ki u be u kasii binbeboor. Ŋɔɔ Israel teeb Yennu teen u niib paŋ nan yiikoo. Pakin Yennu man.

Yaŋ 72:18

Dontir-ii be timm Israel teeb Yomdaanɔ Yennu na paak, Ŋɔɔ kɔɔe tuun bakitnauŋ toona.

Yaŋ 76:12

U te ki doo diara sikint bi mɔŋ, ki te tingbouŋ na kpanbara tiinɔ jaŋmaanii.

Yaŋ 77:14

Fin Yennu fit tuun bakitnauŋ toona, ki fiitir a yiikoo ki teen a niib,

Yaŋ 78:12

Bi yeejamm din goriie ki Yennu tun bakitnauŋ toona maŋ, Soann paanu nba be Ijipt tiŋ ni na.

Nyinu 34:27

Yennu din ŋamm yet Moses a, “Sɔbin mɔbona nba na, kimaan n set li paake ki lor mɔlor nan fin nan Israel teeb.”

Nyinu 34:28

Moses din be nan Yennu-e, jɔɔr paak, yontunmuna piinna nan nyɔtunmuna piinna, ki ki dii jeet, ki bia ki nyuu nyun. U din sɔb tanpatlai ŋanlee na paak, mɔbona nba tee mɔlor ki tee sennii piik na.

Aisaya 64:3

Yosau din be ki a baar ki tun yanputuk toona nba ki ti bo ki daan; kunkona din la-a, ki jaŋmaanii jekibe.

Jeremaya 32:21

Li nyii yaarlituk nan bakitnauŋ toona nba jeen ti datai na nie ki a jii a yiikoo nan paŋ, ki nyinn a niib Israel teeb, Ijipt tiŋ ni.

Maika 7:15

Yennu, tumin bakitnauŋ toona ki turit, nan faa din tun biaŋinba Ijipt, daa nba ni ki a din nyinnit na.

Sennu 10:21

Ii dont u sann, ŋɔɔe tee i Yennu. Ki i la nan i ninbina toonjaana nan yaarlituk bona nba ki u tun ki turi.

Sennu 32:30

Nlee ki yenɔ kɔn ki nyann bi tusiri, ki banlee kɔn ki nyann bi tusaa piiki? Linba na tun kimaan bi Yomdaanɔ Yennu nyikiba. Bi Yabint Yennu jiib ki turib bi dataiwa.

Sennu 4:13

Ki u wanni linba ki i saa tun ki gbeen u mɔlor nba ki u senn nan yimm. Ii mɔk man mɔsaku nan sennii piik nba ki u sɔb teen tanpatlai ŋanlee paak na.

Sennu 9:19

Ki jaŋmaanii mɔkin nan Yennu parbiir nan wutoor nba ki u bo yaa wun boonti na, ŋaan ki u ŋamm gbiint ki turin.

Joosua 6:20

Ki mannteeb na peb naatuna na, ki jab na nba gbat naatuna na yoo nba, ki bi hoot, ki doo na joonjot na kur baa. Li yoo na ki kunkɔnkɔnna na doo jɔɔr na paak, ki kɔɔ doo na ni ki nyannir.