Nyinu 30:13 - Yennu Gbouŋ Mɔɔr

¹³ Wunba kur ki bi kanɔ nikant, wun pa nan biaŋinba ki saakab saa wann na. Sɔɔ kur saa pa likirii nba na, ki lii tee n yar.

Nyinu 30:13 ပူးပေါင်းရင်းမြစ်များ

Pinpiik 23:15

“Chanbaa, tiŋ daauk tee salimpeenbina kobii ŋannae, ki linba na tee bee ki tur min nan fini? Piin a ŋaapoo.”

2 Kpanbara 12:4

Ki Joas tun yiin mannteeb na, ki tan betib a bii bɔrii likirii nba ki bi gaan ki jiin Yenjiantu ŋasaakak maruŋ po, linba ki niib na pa ki li tee yoo kur maruŋ, nan yanbɔɔ piinii po na.

2 Kpanbara 12:5

Manntɔɔ kur tee sii dia waa mann binba maruŋ na likiriie, bi sii dia likirii maŋe ki ŋammi Yenjiantu ŋasaakak na, laa kpaa talas biaŋinba na.

Nyinu 30:14

Jɔɔ nba kur ki bi kanɔ nikant na, ki u baar bina piinlee koo ki gar nna, saa pa likirii maŋ.

Nyinu 38:24

Salima nba ki bi din tur a lin chaan Yennu lanbouŋ na, din tee nan sinpeenii bɔrik-gbina tusir kpaiu nae, ki li bikinu tee nan baa din tuu bikii bona, Yennu lanbouŋ ni biaŋinba na.

Nyinu 38:26

Jab nba din dii bina piinlee-lee, koo ki gar nna, ki bi kamm nikant na, din pa likirii nba nae deedee, ki li kpaiu tee nan baa bikii biaŋinba na. Jab na kur din tee tusaa kobii ŋanloob nan tusaa ŋantaa nan kobii ŋanŋmu nan piinŋmue.

Esekiel 45:12

“Bona kpiasu yabint nba tee-e na, gera piinlee tee sekel yennkɔɔe, ki sekel piinloob tee mina yennkɔɔ.

Liifai teeb 27:25

Bona kur daauk sii tee yomm nan biaŋinba ki yudamm wann nae.

Liifai teeb 27:3

Ki paatii na n jaŋ u kpetuk nba tee biaŋinba: Jɔɔ nba dii bina piinlee ki saan tuu binpiinloob, u paatii sii tee salinkuna piinŋmue. Poosubirtɔɔ paatii sii tee salinkuna piintaae. Naasimɔ nba dii bina ŋanŋmu ki saa tuu piinlee-e, u paatii sii tee salinkuna piinlee. Sapaamɔ paatii sii tee salinkuna piike. Waas nba tee bonjai ki daa ki dii bina ŋanŋmu, bi paatii sii tee salinkuna ŋanŋmue. Waas nba tee bonpoi, bi paatii sii tee salinkuna ŋantaae. Jɔɔ nba gar bina piinloob, u paatii sii tee salinkuna piik nan ŋanŋmue. Ki poo nba gar bina piinloob, u paatii sii tee salinkuna piike.

Liifai teeb 5:15

Li-i tee ki sɔɔ kpet tun biit, nan waa ki tur Yennu linba tee u yar na, u saa baar nan pejak koo bujak nba ki mɔk daŋi, ki tur Yennu. Ki bonkobuk na pann sii tee nan baa tuu jiar nirɔ paatii biaŋinba na.

Nikant 18:16

I tuu saa fit ŋmat daa bik nba dii ŋmaarik, ki u daauk sii tee salinkuna ŋanŋmu, nan baa jaŋit likirii biaŋinba na.

Nikant 3:47

Ii pa bijajakper kur paak likbina ŋanŋmu, nan baa bikii likirii biaŋinba na,

Matiu 17:24

Yiisa nan u poorpoweiteeb nba baar Kapenaum yoo nba, ki Yenjiantu ŋasaakak likgaarteeb baar ki tan boi Simonn Piita a “A wanntɔɔ ki pa likirii maŋi-i?”

Matiu 21:12

Yiisa din kɔɔ Yenjiantu ŋasaakak ni ki ber nyinn binba kɔi nan binba daa na kura, ki labir chibin lik-kpenta teebula nan ŋmankɔi teeb kokii na

Matiu 27:24

Pailat nba bann nan wuu piak saa, li kaa nyɔɔt, ki bia saa baar nan dataar nan mɔyêtuk na, ki u jii nyun ki wuur wuur u nii, niib na numm ni, ŋaan yet a “N nuu kaa jɔɔ nba kaa biit na sɔn nyinnu ni. Li tee i maame.”