Nyinu 20:3 - Yennu Gbouŋ Mɔɔr

³ “Daa jiantir yensau ki pukin n po.

Nyinu 20:3 ပူးပေါင်းရင်းမြစ်များ

1 Kpanbara 11:4

ki u din tan kpet na, ki sɔɔ ki bi poŋ te ki u jiantir patae, linba din tee boorganu na yenbis. U din ki waa u Yomdaanɔ Yennu fanu nan u baa Defid nba din waa na.

Yaŋ 29:2

Pakin Yennu, u baakir sann paak. Gbaant man tiŋ ni ki jiant Kasii Daanɔ, wuu taŋi lekit yoo nba.

Yaŋ 73:25

N ji mɔk bee yendɔuŋ ni, li-i kii tee fini kaa? Ki tingbouŋ na paak, n kii loon siar ki pukin a po.

Yaŋ 81:10

Mine tee i Yomdaanɔ Yennu, mine din nyinni Ijipt tiŋ ni; yaatir i mɔb man, ki n dinni.

Yaŋ 81:9

I daa ban jiantir yensau.

Nyinu 15:11

“Yennu, yenlanɔpoe tee nan fin na? Ŋmee tee nan fin nba tee kasii yaa kasii na? Ŋmee saa fit tun yaarlituk nan paŋ toona nan fin na?

Nyinu 20:23

I daa jikit salimpeena koo salimmɔna ki naan yennii ki jiantir ki pukii n po.

Nyinu 22:19

“Nirɔ nba kur dɔɔ nan bonkobuk, yin kpiu.

Nyinu 23:24

I daa gbaant bi tingbana tɔɔnn, koo ki jiantirib, ki bia daa gaan bi jiantu marima. Ii biir bi tingbana na, ki bia yeer bi jiantu tanchaaka na.

Nyinu 32:8

Bi dɔŋ yêt sɔnu nba ki n wannib maa bin wei nawa. Bi nann salimae ki maa naajabik, ki mann maruŋ ki jiantirɔ, ki yeen a bi yenbik nba nae nyii namm Ijipt.

Nyinu 34:14

“I daa jiantir yensau, kimaan min Yennu nba tee i Yomdaanɔ na tee funfunn daanɔe.

Aisaya 26:4

Teent i dindann Yennu ni yaayoo siiyoo, u sii guut yoo kur.

Aisaya 42:8

“Min kuukɔɔe tee a Yomdaanɔ Yennu. Yensɔɔ ji kaa ki saa chent nanin n baakiri. N kan te ki pata n chent nanin n dontir na.

Aisaya 43:10

“Israel teeb, yimme tee n siara damm; n gann yimme maa yii tee n toontunna, ki fit bannin, ki teenin yada, ki bia bann nan mine tee Yen-yemmir. Yennu ji kaa ki pukin n po; yensau din kaa kawa, ki yensau bia kan ban kii be.

Aisaya 44:8

N niib, i daa tiin jaŋmaanii. I mi nan laa nyii yaayoo niwa ki tan tuu mɔtana, n buntir linba saa tume, ki i tee n siara damm. Yensau ji be pukini-i? Yensau be ki mɔk yiikoo, ŋaan ki n ki mi gbat u po-o?”

Aisaya 46:9

Ii tiar linba din tun sian yoowa na. Ii sak nan min kuukɔɔe tee Yennu, ki sɔɔ ji kaa ki tee nan min na.

Jeremaya 25:6

Bi pakii nan i daa jiantir koo ki waa yenbis, ki bia daa jiantir pata nba ki i maa na, ki dont Yennu wutoori. Yi-i bonni sak Yennu mɔb, u bo kan dat i tuba.

Jeremaya 35:15

N yɔɔ tuun n toontunna nba tee n sɔkiniinba nae i boor, ki bi piaki nan yin nyik i toonbiit, ŋaan kii tuun fanu. Bi kpaani nan ii nyik yenbis jiantu, ki fit kii be tiŋ nba ki n tur yimm nan i yeejamm na ni. Ŋaan i ki gbiint turin, koo ki teen i baka n ni.

Jeremaya 7:9

I jaan, ki kpi niib, ki chomm, ki poor faak mɔpora, ki mann maruŋ ki teen tingbann Baal, ki jiantir tingbanlia.

Daniel 3:18

ŋaan wuu leki kii tinniti, kpanbar, ti sii loon ki a bann nan ti kan jiant a tingbana, koo ki jiant salima nirɔ nba ki a nan senn na.”

Hosea 13:4

Yennu ŋamm yet a, “Mine tee i Yomdaanɔ Yennu, wunba nyinni Ijipt tiŋ ni na. I ki mɔk Yensau ki pukin n po, min kuukɔɔe tee i tinntɔɔ.

Matiu 4:10

Ki Yiisa betɔ a, “Seetir nna Sintaanii. Li sɔb Yennu gbouŋ ni a ‘Nirɔ-ii jiantir u Yomdaanɔ Yennu kuukɔɔ, kii bia kii waa ŋɔɔ kuukɔɔe.’ ”

1 Korint teeb 8:4

Tɔn, ki jiin nant nba ki bi mann pata na ŋmamu po; ti mi nan patir tee bont nba ki foe, ki bia mi nan Yen-yenɔkɔɔe be.

1 Korint teeb 8:6

Timm yaa boor ni ŋarin, Yen-yenɔkɔɔe be; ŋɔɔe tee ti Baa Yennu nba din nan bonsiar kur, ki u nie ki ti fo. Ki Yomdaan-yenɔkɔɔe be, ŋɔɔe tee Yiisa Masia. U paake ki bonsiar kur nan; u paake biak ki ti fo.

Efesus teeb 5:5

Li ŋan yii mi nan wunba tee bonchonchonn koo joonbaaruk koo jakint daanɔ koo nianchiɔŋ daanɔ, ŋɔɔe kan la yiar Masia nan Yennu naan ni; nianchiɔŋ tee nan patmannu nae.

Sennu 5:7

“ ‘I daa jiantir yensau ki pukin n po.

Sennu 6:14

A daa jiantir niib nba kpia-i na yennii.

Sennu 6:5

Ii loonɔ nan a par kur, nan a seek kur, nan a paŋ kur.

Filipi teeb 3:19

Bi tan saa joont nan tubdatu nba kaa gbennue, kimaan bi poore tee bi yennu. Bi mɔk yuugontir nan linba dintib fei nae. Bi dukii linba tee tingbouŋ na bona kuukɔɔ poe.

Kolosa teeb 2:18

Sɔɔ-i yaa ŋɔɔe gar leeb ki laat yirintii, ki loon yin sikin i mɔŋ kii jiantir malakanba, i daa saaki; nna saa biirie. Li daanɔ dont u mɔŋ, u dudukbiit ni, ki li kaa paaki.

Fiitu 19:10

Li yoo ki n baa fabin u tɔɔnn, a n jiantɔ. Ki u yetin a n daa tee nna kaa, a u tee min nan n naa waas nba dia Yiisa barŋanii na toontunnanlɔɔe, a n jiant Yennu-e. Yennu sɔkiniinba nba sɔkint ki yeen na, bi piak Yiisa poe.

Fiitu 22:9

Ki u yetin a n daa tee nna kaa; a u mun tee min nan n naa waas nba tee sɔkiniinba, nan binba saak linba be gbouŋ na ni na toontunnanlɔɔe; a n jiant Yennu-e.

Barbuura 6:10

Ki n beti nan mine tee i Yomdaanɔ Yennu, ki i daa jiantir Amor teeb tingbana, binba yaa tiŋ ki i kɔɔ mɔtana na, ki i ki gbiint ki turin.’ ”