Nyinu 17:7 - Yennu Gbouŋ Mɔɔr

⁷ ki din pur leŋ sann Masa, nan Meriba, kimaan Israel teeb na din nyiir Yennu ki bikinɔ, yoo nba ki bi boi a, “Yennu be nant koo u kaa nanti-i?”

Nyinu 17:7 ပူးပေါင်းရင်းမြစ်များ

Yaŋ 106:32

Niib na din donn Yennu wutoor, Meriba nyuntona boor nie, ki Moses kɔɔ daamii ni bi paak.

Yaŋ 78:18

Bi lek din miewa ŋaan bikin Yennu, ki boi jeet nba ki bi nian po.

Yaŋ 81:7

I yiinin yoo nba ki i be wahala ni, ki n tinni, ki n be wonpaaruk ni, ŋaan gat ki turi, ki bikini Meriba nyun boor.

Yaŋ 81:8

Gbiintir man, n niib, ki n turi kpaanii. Israel teeb, n bo sunman yin gbiint ki turime.

Yaŋ 95:8

“I daa nyar i tuba nan i yeejamm nba din nyar bi tuba, Meriba nyuntonn boor, daar nba ki bi din be Masa nyuntonn boor, kunkoouk paak na.

Nyinu 17:2

Ki bi nyiir Moses ki yeen a, “Turit nyun ki tin nyu.” Ki Moses jiin a, “Bee ki i nyiirimi? Bee ki i bikii Yennu?”

Nyinu 34:9

ki yet a, “N Yomdaanɔ, li-i tee ki a numm gboomi, ŋann fan tɔk saan nant. Niib na lek tee tubkangbatae, ŋaan a nyik chab ti toonbiit nan ti yanbɔmm, ki gaarit ki tii tee a tiɔŋ niib.”

Aisaya 12:6

Ŋaant ki wunba be Sayɔnn kur-ii hoot kii yiin, kimaan ŋamm Israel teeb kasii Yennu mɔk yiikoo, ki be u niib boor.”

Maika 3:11

Doo na tɔɔndamm tee fobit damme, ki mannteeb na want sennu na ki gaan paauk, ki sɔkiniinba na fiitir woonin ni maan, ki gaan likirii li paak, ŋaan ki bi kura yaa Yennu be namm, ki yeen a, “Bonbiir kan baariti. Yennu be nant.”

Nikant 14:22

nan niib na, bi sɔɔ kii be u manfoor ni, ki tan kɔɔ tiŋ maŋ ni. Bi tee damm nba la n yentsaakar nan bakitnauŋ toona nba ki n tun Ijipt nan kunkoouk paak nawa, ŋaan yêt ki ki sak n mɔb, ki bikinin taar piik.

Nikant 20:13

Linba na din tun Meriba-e, siaminba ki Israel teeb pak ki biir Yennu na, leŋe ki u din wannib nan u tee kasii Yennu.

Nikant 20:24

“Aarɔnn kan kɔɔ tiŋ nba ki n jikit ki teen Israel teeb na ni. U saa kpoa, kimaan i banlee na yêt n mɔb, Meriba nyun boora.

Nikant 27:14

kimaan i banlee kur din yêt n sennu, Sinn kunkoouk paaka, yoo nba ki niib na kur din piak ki biir n sann, Meriba nyun boor na; i din yêt yin wann n kasii paŋ bi numm niwa.” (Meriba nyun din be Kades-e, ki be Sinn kunkoouk paak.)

Jɔɔnn 1:14

Yoo nba ki Yennu Mɔb maŋ din baar ki tee nisaarik na, u din be nant tingbouŋ na ni, ki gbee nan ninbatinu, nan barmɔnii wannu, ki timm nba din be nanɔ na laat u yentsaakar, ki li yentsaakar nyii u Baa Yennu boor, kimaan u tee u Biyemmir.

Sennu 31:17

Li-i tee ki li tun nna, n wutoor saa do bi paake, ki n nyikib ki bin boont. Bonbilankant booru booru saa baarib. Ki bi ji saa bann nan bonbibooru na kur baat bi paak kimaan min Yennu ji ki be nammi.

Sennu 33:8

Ki u yet ki jiin Liifai booru po a, “Fin Yennu, jiin a bona nba ki bi yi Yurim nan Tumim na ki fiit a loomm ki wann Liifai teeb nba ki a bikimm Masa doo ni, ki kat wann bi mɔnii nba tee biaŋinba, Meriba nyun boor;

Sennu 6:16

“I daa bikii i Yomdaanɔ Yennu, nan yaa din bikinɔ Masa tiŋ ni na.

Sennu 9:22

“I donn i Yomdaanɔ Yennu wutoor, yoo nba ki i be Tabera nan Masa nan Kibrof Hatafa na.

Joosua 22:31

Ki manntɔɔ Eleasar bija Finehas yetib a, “Mɔtana ti ji bann nan Yennu be nant. I ki yêt u mɔbi, i tinn Israel teeb, ki nyinnib Yennu tubdatu niwa.”