Nyinu 16:35 - Yennu Gbouŋ Mɔɔr

³⁵ Ki Israel teeb na din dii mana maŋ ki saa tuu bina piinna, nan baa tan baar Keenann tiŋ ni, siaminba ki bi kar na.

Nyinu 16:35 ပူးပေါင်းရင်းမြစ်များ

Nehemaya 9:15

“Kon nba din soorib yoo nba, ki a turib jeet, ki li nyii sanpaapo. Ki nyunnyukuru nba soorib yoo nba, ki a turib nyun, ki li nyii tanpiiuk ni. A din betib a bin yent tiŋ nba ki a senn nan a saa turib na.

Nikant 32:13

Yennu wutoor din doo Israel teeb paak, ki u te ki bi lin yirib kunkoouk paak bina piinna, nan nikpera maŋ nba tan kpo ki gbenn.

Nikant 33:38

Manntɔɔ Aarɔnn din doo Hor jɔɔr paak, nan Yennu nba wann biaŋinba na, ki kpo leŋ. U din mɔk bina kobik nan piinlee nan ŋantaae ki kpo. Li din tee binpiinna niŋ nba ki Israel teeb nyii Ijipt na, li ŋmaarii ŋanŋmu sinsinn daare.

Toona 7:36

Ŋɔɔ Moses-e din tee daanɔ nba nyinnib Ijipt tiŋ ni, ki bia tun bakitnauŋ toona Ijipt tiŋ maŋ ni, nan baa din saa poot Mɔkmuŋ na, nan baa bia din be muuk ni binpiinna na.

1 Korint teeb 10:3

Ki bi kur lakin dii jeet nba ki Yennu Seyeeŋ turib na;

Sennu 1:8

Gotirii, n jii tiŋ nae ki turi. Ii saa man ki saa kɔɔ yent tiŋ maŋ, tiŋ nba ki min Yennu senn mɔsonn ki tur i baanba Abraham nan Aisak nan Jakɔb nan bi maaru kur nba saa wei bi poor na.’ ”

Sennu 2:7

“Tiat nan i Yomdaanɔ Yennu teen piisin linba kur ki i tuun paak, ki goti fanu, yoo nba ki i lintir kunkoouk nba yab paak na. U din be-e nani bina piinna, ki i laat linba kur ki i loon.

Sennu 29:4

Ŋaan nan dinna Yennu ki te ki i bann fanu linba tuun na paak.

Sennu 8:4

Bina piinna na ni, ŋaan i liant ki kpet, koo ki i taa faanti.

Joosua 5:12

Li yoo na jeet nba ki bi yi mana na ji din ki nyi sanpaapo baa, ki Israel teeb na ji din ki mɔk li jeeti. Laa din nyii li yoo ki saa, Israel teeb ji din di jeet nba buur Keenann tiŋ nie.