Nyinu 15:6 - Yennu Gbouŋ Mɔɔr

⁶ “Yennu, a niidiitu mɔk yaarlituk paŋe, ki but dataak buri buri nna.

Nyinu 15:6 ပူးပေါင်းရင်းမြစ်များ

Yaŋ 17:7

Wantin a bakitnauŋ lomm na ki tinnin. Li-i tee ki n be a boor, n nyii n datai nuu niwa.

Yaŋ 2:9

A saa jii kutgbianue ki yeerib, ki but butib nan boba na.’ ”

Yaŋ 24:8

Ŋmee tee kpanbarjaann maŋi? Ŋɔɔe tee Yennu, ki mɔk paŋ ki kɔn ki nyant tɔbii, ki tee Yabint daanɔ.

Yaŋ 44:3

Li din ki tee a niib na jatiat paak kaa ki bi kɔn ki nyann tiŋ na, bi din ki nyann nan bi mɔŋ paŋ kaa, li din tee a yiikoo nan a paŋ nie, nan a mɔŋ benu paak, ki li wann nan a loomm.

Yaŋ 44:4

Fine tee n kpanbar, ki bia tee n Yennu, ki teen timm Israel teeb nyannu.

Yaŋ 60:5

A tinnit nan a paŋ, ki turit gatu, ki lin te binba ki a lomm na n la woruku.

Yaŋ 74:11

Bee ki a yêt fan sommiti? Bee ki a lor a nii poor po? Lotir a nii ki biirib turit.

Yaŋ 77:10

Ki n ji yet a, “Linba daamiin bonchiann tee nnae: Yennu ji ki dia u panchiɔŋ na ki sommititi.”

Yaŋ 89:14

Kasii nan barmɔnii binbeŋe tee a naangbouŋ fiakir, ki lomm nan barmɔnii binbeŋ be a tɔɔnn po.

Yaŋ 98:1

Yinin yanpaanii ki tur Yennu, kimaan u tun bakitnauŋ toonawa. U jii u tiɔŋ yiikoo nan kasii paŋe ki nyann nyannu na.

Nyinu 15:11

“Yennu, yenlanɔpoe tee nan fin na? Ŋmee tee nan fin nba tee kasii yaa kasii na? Ŋmee saa fit tun yaarlituk nan paŋ toona nan fin na?

Nyinu 15:12

A tant a niidiitue, ki tingbouŋ na nak ti datai.

Nyinu 15:16

Yanputuk nan jijeet baar bi paaka. Yennu, bi la a paŋe, ki jaŋmaanii mɔkib, ki bi see soon nna, nan a niib nba tan somm gar, niib nba ki a nyinnib daabisin ni na.

Nyinu 18:8

Ki Moses wannɔ linba kur ki Yennu tun ki tur Ijipt kpanbar nan u niib, a wun fit nyinn Israel teeb na Ijipt tiŋ ni. U bia din wannɔ biak nba ki Israel teeb na dii sɔnu ni, nan Yennu nba tinnib biaŋinba.

Nyinu 3:20

Ŋaan n saa jii n yiikoo ki tun bakitnauŋ nan yaarlituk toona ki dat Ijipt teeb tuba. Li poor po u saa chabi ki yin nyi.

Nyinu 6:1

Ŋanne ki Yennu pak Moses a, “Mɔtana a saa la maa saa tun linba ki tur kpanbar maŋ. N saa miau ki wun te ki n niib n nyi. Barmɔnii, n saa miau ki wun te ki bin nyi u tiŋ ni.”

Aisaya 30:14

I saa yeer nan yɔkbobir nae, ki but but, ki nan sipiaka kan tenn ki fit mɔɔr muu, koo ki finn nyun bunbunn ni.”

Aisaya 51:9

Yennu, fiit ki sommit. Jiin a yiikoo na ki tinnit, ki tun a yiikoo toonn nan faa din tun yaayoo ni biaŋinba na. Fine din gbat Ijipt nba tuu naan mɔkir ni bonkob-paaruk na burii burii.

Aisaya 52:10

Yennu saa jii u kasii paŋ na ki tinn u niib, ki durinya niib kur saa lar.

Aisaya 63:12

Yennu nba din jii u paŋ ki tun toonjaana ki li nyii Moses ni, ki u bɔkit mɔkgbeŋir nyun, ki tɔkin nan u niib li sunsuŋ ni, a wun la sangbeŋir nba sii yɔɔ be na, ji be lia?” Yennu-e din gar bi tɔɔnn, ki bi somm nan taanii na, ŋaan ki ki gbiat.

Jeremaya 13:14

Li poor po, n saa butib nan soa nba tuu lia leer na, saakab nan waas kur yomm. Ninbaauk koo ninkpabauŋ kan fit te man nyik bi kpinu.”

Matiu 6:13

A daa te ki ti kɔɔ jinjammii ni, ŋaan a nyinnit bonbiir ni. ((Kimaan fine yen naan nan yiikoo nan baakir mɔkmɔk nan mɔkmɔk.))’

1 Samuel 2:10

Binba tee Yennu datai na, u saa biiriba. U saa te ki satianii n nyi sanpaapo ki tian bi paak. Yennu saa bu durinya niib kur buut. U saa jii paŋ ki tur u kpanbar, ki te ki u kpanbar ganntɔɔ maŋ n nyann.”