Nyinu 15:2 - Yennu Gbouŋ Mɔɔr

² Yennu-e tee paŋ daanɔ nba kɔn n paak. Ŋɔɔe tee wunba tinnin. Ŋɔɔe tee n Yennu, ki n saa dontɔ, ŋɔɔe tee n baa Yennu, ki n saa yin yaŋ ki jiin u yabint po.

Nyinu 15:2 ပူးပေါင်းရင်းမြစ်များ

Pinpiik 17:7

“Ki mɔsonn nba ki n senn ki tur fin nan a yaaboona na, n saa diar mɔkmɔk nan mɔkmɔk. Mine sii tee fin nan a yaaboona Yennu.

Pinpiik 49:18

“Yennu, n guu a fatu.

2 Samuel 22:3

Yennu-e tee n guutɔɔ, u nie ki n la fatu; u guun nan naagbankɔŋir nae, u fiarin ki tintin. Ŋɔɔe tee n tinntɔɔ, u guun ki nyintin bonbiir ni.

2 Samuel 22:47

Yennu fo. Pakin n fat-tɔɔ Yennu, ki mɔɔnt ŋɔɔ nba paar ki tinnin na po.

2 Samuel 22:51

Yennu-e teen min kpanbar Defid nyannjaann, ki jikit u lomm nba kaa paak na, ki teen min nba ki u gannin na, nan n yaaboona, ki saa tuu yoo nba kaa paak.

2 Samuel 7:24

Fin Yennu-e te ki Israel teeb teen a tiɔŋ niib, ki a tee bi Yennu.

2 Samuel 7:5

“Ii saa ki wann n toontunnɔ Defid nan min Yennu-e yet a, ‘Fin Defid kaa saa maa ŋaak ki man kɔɔ li ni.

1 Kpanbara 8:13

Mɔtana, n maa jiantu ŋasaakak nba yabe ki tura, siaminba ki a sii be yaayoo siiyoo.”

1 Kpanbara 8:27

“Ŋaan Yennu, a set saa fit kii be tingbouŋ na paaka-a? Sanpaak na kur gbaa ki yarin ki jaŋ nan fii be leŋi, ki nlee ŋasaakak nba ki n maa na sii yarin ki jaŋani?

1 Barkperii 16:14

Ŋɔɔe tee ti Yomdaanɔ Yennu, ki u sennii be tiŋ na kur po.

Yaŋ 109:1

Yennu, n dontira; a daa ŋmini.

Yaŋ 118:14

Yennu turin yiikoo nan paŋ; ŋɔɔe tinnin.

Yaŋ 118:21

Yennu, n saa pak donta, kimaan a gbia n fabinii, kimaan a turin nyannuwa.

Yaŋ 118:28

Fine tee n Yennu, ki n teena niipoouk. Fine tee n Yennu, ki n saa mɔɔnt a yabint.

Yaŋ 132:5

halii nan maa tan saa maa ŋaak ki tur Yennu, ki li sii tee Yabint daanɔ, Jakɔb Yennu maŋ yar.”

Yaŋ 140:7

N Yomdaanɔ Yennu nba tee n fat-tɔɔ na, fine nyinnin tɔb ni.

Yaŋ 145:1

Yennu nba tee n kpanbar, n saa mɔɔnt a yabint; n saa tura niipoouk mɔkmɔk nan mɔkmɔk.

Yaŋ 18:46

Yennu fo; pakin n sommtɔɔ. A mɔɔnt Yennu nba tinnin na yabint nba tee.

Yaŋ 22:10

N maa a paake daar nba ki n naa marin nawa, ki a tee n Yennu nba guun yoo kur.

Yaŋ 22:3

ŋaan fine kar a naangbouŋ paak ki tee kasii, ki Israel teeb dontira.

Yaŋ 27:1

Yennu-e tee n yentu ki bia tee n tinntɔɔ; n kan tin sɔɔ jaŋmaanii. Yennu-e guun ki nyintin bonbiir kur ni; n kii mɔk jaŋmaanii.

Yaŋ 28:8

Yennu-e guu u niib, ki kɔn u niganntɔɔ paak, ki teenɔ tinnu.

Yaŋ 30:1

Yennu, n piak a sann, kimaan a fatima, a ki te ki n datai laami.

Yaŋ 34:3

Taantin ki tin pak Yabint Yennu. Ŋaant ki tin lakin dont u sann.

Yaŋ 48:14

“Yennu na tee ti Yennu-e mɔkmɔk nan mɔkmɔk, ki sii tee ti ŋmakit-tɔɔ nan durinya gbennu.”

Yaŋ 59:17

N saa yin yaŋ ki dont a sann; n paŋ nyi a boore. Yennu-e tee n gungurboor, ki tee Yennu nba loonin.

Yaŋ 68:20

Ti Yennu-e tee Yennu nba saa tinnit, ŋɔɔe tee Yennu, ki tee ti Yomdaanɔ ki nyintit kuun ni.

Yaŋ 99:5

Ii dont ti Yomdaanɔ Yennu man; ii jiantɔ, u naangbouŋ boor. U tee kasii daanɔe.

Yaŋ 99:9

Ii dont ti Yomdaanɔ Yennu man, ki jiantɔ, u kasii kunkonn na paak, kimaan ti Yomdaanɔ Yennu tee kasiie.

Nyinu 14:13

Ki Moses jiin a, “I daa tiin jaŋmaanii. Setir i taajaa paak man, ki la linba ki Yennu saa tun ki tinni dinna. I ji kan ban la Ijipt teeb na.

Nyinu 3:6

Mine tee a yeejamm Yennu, Abraham nan Aisak nan Jakɔb Yennu.” Ki Moses dɔkin u numpo, kimaan u tiin jaŋmaanii nan wun la Yennu.

Nyinu 4:22

Ki fan pakɔ nan min Yennu-e yet a, ‘Israel teeb tee min Yennu bija sinsinne.

Nyinu 40:34

Ŋanne ki sanpagbouŋ dɔkin lanbouŋ na, ki yabint Yennu yentsaakar gbee lanbouŋ na ni.

Nyinu 6:7

N saa teeni n tiɔŋ niib, ki sii tee i Yennu. Ki i saa bann nan mine tee i Yomdaanɔ Yennu, yoo nba ki n nyinni daabisin ni, Ijipt tiŋ ni na.

Aisaya 12:2

Yennu-e tee n tinntɔɔ, n saa teen ŋɔɔe yada, ki kan tin jaŋmaanii. Yennu-e teenin yiikoo nan paŋ, ŋɔɔe tee n tinntɔɔ.

Aisaya 25:1

Yennu, fine tee n Yomdaanɔ, n saa tura baakir ki dont a sann. A tun yaarlituk toonawa; a gbeen lora nba ki a din lor sianyoo nawa.

Aisaya 45:17

Ŋaan Yennu-e tint Israel teeb, ki bi nyannu na sii yɔɔ be, ki niib maŋ kan ban di fei.’ ”

Aisaya 49:6

Ki Yennu yetin a, “N toontunnɔ, n mɔk toonjaanne ki teena. Li ki tee nan a saa ŋamm teen Israel teeb nba ki n tinnib na kɔɔ kaa-ii yabii, ŋaan n saa te ki a tee yentue ki tur digbanlia, ki lin te tingbouŋ na niib kur n tinn.”

Aisaya 66:1

Ki Yennu yet a, “Sanpaak tee n naangbouŋo, ki tingbouŋ na mun tee n taakpakitir. Ŋaboorbee ki i saa maa turimi? Binbebolanne ki n sii be leŋi?

Jeremaya 3:23

Ti ki la sommir ti kunkona paak tingbana jiantii ni. Timm Israel teeb sommir nyi ti Yomdaanɔ Yennu kuukɔɔ boore.

Jeremaya 31:33

Mɔlorpaann nba ki n saa lor nan Israel teeb na sii tee nnae: n ji saa teen n sennii maŋ bi dudukit nie, ki sɔbir bi para ni. Mine sii tee bi Yennu, ki bi tee n niib.

Jeremaya 32:38

Ki bi sii tee n niib, ki n tee bi Yennu.

Habakuk 3:13

Ki a nyii, a fan tinn a niib, ki bia tinn a kpanbar ganntɔɔ na. Fine faa toonbiit damm tɔɔndaanɔ na ki birɔ tiŋ ni, ki bia boont u poorpoweiteeb na fas fas.

Sekaria 13:9

Ki n saa bikin bɔkyenn nba biar bi manfoa ni na, ki ŋammib, nan biaŋinba ki bi tuu pur salimpeena muu ni ki ŋammir na. N saa bikimm nan baa tuu bikin salimmɔna biaŋinba nae, ki bi ji saa miarin, ki n gat bi miaru maŋ. N saa betib nan bi tee n niibe, ki bi saa jiin a mine tee bi Yennu.”

Barŋanii nba ki LUK din sɔb nae na 1:77

ki wann u niib ki bin bann nan u tan saa tinnib yoo nba ki u nyik chab bi biit na.

Barŋanii nba ki LUK din sɔb nae na 2:30

kimaan n mɔŋ mɔŋ ninbinn la Tinntɔɔ nba ki a tumɔ nawa,

Jɔɔnn 4:22

Yimm Samaria teeb ki mi yaa jiantir wunba, ŋaan timm Juu teeb ŋarin mi taa jiantir wunba, kimaan tinnu labaar nyii Juu teeb nie.

Jɔɔnn 5:23

a ki sɔɔ kur-ii teenin baakir nan baa teen n Baa Yennu baakir biaŋinba na. Wunba ki teenin baakir, li want nan u ki teen n Baa Yennu nba tumin na baakiri.

Toona 4:12

Ki sɔɔ sann ji kaa tingbouŋ na ni ki Yennu tur niib a bin la tinnu, see Yiisa kuukɔɔ.”

2 Korint teeb 5:19

Li want nan Masia nba din kpo na, ŋanne tur Yennu sɔnu a wun teen tingbouŋ na niib u yɔɔsnba, ki nyik chab bi toonbiit, ŋaan jii u barŋanii nba wantib biaŋinba ki u teeb u yɔɔsnba na, ki teen ti nuu ni.

Efesus teeb 2:22

Yimm nan ŋɔɔ nba taan na paak, ki yimm nan ŋamm mun bia taan teen diiuk nba tee Yennu yar, ki u Seyeeŋ be li ni na.

Sennu 10:21

Ii dont u sann, ŋɔɔe tee i Yennu. Ki i la nan i ninbina toonjaana nan yaarlituk bona nba ki u tun ki turi.

Filipi teeb 2:11

ki sɔɔ kura tan saa yet a ŋɔɔ Yiisa Masia-e tee Yomdaanɔ, ki lin dont ti Baa Yennu sann.

Filipi teeb 4:13

Masia nba teenin paŋ na paak, n saa fit kii be binbeŋ kur niwa.

Kolosa teeb 2:9

kimaan Masia gbanant nie ki Yennu binbeŋ be,

Fiitu 15:3

ki bi yiin yaŋ nba ki Yennu toontunnɔ Moses din tuu yiin na, nan Pegann na yaŋ a: “Ti Yomdaanɔ Yennu nba mɔk paŋ kur, a toona tee toonjaana nba yaar litite, a sɔnii took ki bia tee barmɔnii. Fine tee nibooru kur Kpanbar.

Fiitu 19:1

Linba na poorpo, ki n gbat fuut Yendɔuŋ ni, ki li tee nibur pinpauk, ki bi yeen a “Haleluya, tinnu nan dontir nan paŋ tee ŋɔɔ Yennu yare;

Barbuura 5:21

Ki Kisonn mɔk-kper dii u jab ki saan namm. See ki n somm nan paŋ ki saan.