Nyinu 15:15 - Yennu Gbouŋ Mɔɔr

¹⁵ Yanputuko jek Edom tɔɔndamm. Moab nipaarit na jekire, ki Keenann teeb na ji ki mɔk parcheenni.

Nyinu 15:15 ပူးပေါင်းရင်းမြစ်များ

Pinpiik 36:15

Boorunba nae nyii Esɔɔ maaru ni. Esɔɔ bijakper tee Elifas, ki u tee boorunba na yeeja: Temann, nan Omar, nan Sefo, nan Kenas,

Pinpiik 36:16

nan Kora, nan Gatam, nan Amalek. Binba na kur tee Esɔɔ ŋaapoo Ada yaaboonae.

Pinpiik 36:40

Esɔɔ-e din tee Edom teeb na yeeja: Timna, nan Alfa, nan Jetef, nan Oholibama, nan Ela, nan Pinonn, nan Kenas, nan Temann, nan Mibsar, nan Magdiel, nan Iram. Yent nba kur ki niib na din kɔɔ na, bi din dia bi booru sanae ki yi bi yent maŋ.

2 Samuel 17:10

ki li saa te kunkɔnkɔnna nba mɔk para nan yanbɔra na, jaŋmaanii n soorib, kimaan Israel teeb kur mi nan a baa tee kunkɔnkɔnjaanne, ki u jab na bia mɔk para.

Yaŋ 48:5

Baa la doo maŋ, ki li yaar litib, ki jaŋmaanii soorib, ki bi chiar,

Yaŋ 68:2

A pebirib ki yatib nan wouŋ nba tuu pebir munyuut ki yatir biaŋinba na, ki te biit damm na n bot fin Yennu boor, nan kpan nba tuu kpian muu ki nann biaŋinba na.

Aisaya 13:7

Sɔɔ kur nii sii sɔɔn, ki sɔɔ kur saa kɔŋ dindann.

Aisaya 19:1

Mɔmaan na jiin Ijipt teeb poe. Yennu baat Ijipt-e, ki jaak sanpagbouŋ paak ki saa yian yian. Ijipt tingbana jekire u boor, ki Ijipt teeb na kɔŋ bi parcheenn.

Jeremaya 49:23

Linba ki Yennu pak jiin Damaskus poe na a: “Niib nba be Hamaf nan Arpad doi ni na, li daamiibe, ki bi para biir, kimaan bi gbat lababiiuka. Dudukit gbee bi para nan mɔknyun nae, ki bi ki fit foi.

Esekiel 21:7

Ki li-i tee ki bi boi a bee teen ki a kurii, fan yetib nan labaar nba baat na paak, ki li-i tee yoo nba ki li baari, bi saa gbee nan jaŋmaanii, ki li sii mɔkib kpinkpongbatuk, ki bin kɔŋ bi parcheenn, ki bi duna waa gbar gbar. Li yoo baara. Li be nna.” Yabint Yennu-e pak na.

Nahum 2:10

Ninefe biira, sɔɔ ki biar li ni, siar ji kaa leŋ, ki niib yan ŋmat nan jaŋmaanii, ki bi duna jekir, ki paŋ ji ki be, ki bi numpo penn.

Habakuk 3:6

U-u taŋi set yoo nba, tingbouŋ na tuu damme, u-u lekii got digbana, bi tuu jekire. Ki jɔfɔkit nba tuu be mɔkmɔk nan mɔkmɔk ji bit. Ki kunkona nba tuu yɔɔ be na ji baa tiŋ ni, ki tee kunkona nba ki u tuu somm li paak yaayoo niwa na.

Habakuk 3:7

Ki n la Kusann teeb na tiin jaŋmaanii, ki Midiann teeb na mun jekir.

Sennu 2:4

Want niib na sennu na: I per i ninjamm Esɔɔ maaru nba kɔɔ Edom na doo kpaara. Bi sii tiini jaŋmaaniie.

Sennu 20:8

“Ki kunkɔnkɔnna saakab bia saa ŋamm ki boi jab na a, ‘Sɔɔ be nna, ki u yan put, ki jaŋmaanii mɔkɔ-ɔ? Li-i tee ki sɔɔ be, li daanɔ n ŋmat kun ŋaak ni. Nna-i kaa, u saa ŋmat leeb yama.’

Joosua 14:8

Jab nba ki min nan ŋamm din tɔk saan na ŋarin din jen ki tan kɔɔn ti niib jaŋmaaniie, ŋaan min din wei n Yomdaanɔ Yennu mɔbe fanu.

Joosua 2:11

Taa din tan gbat li po na, jaŋmaanii din soorite, ki ti kura ji ki mɔk parcheenn, kimaan i paak. I Yomdaanɔ Yennu-e yen sanpaak nan tiŋ.

Joosua 2:24

ki bia yet a, “Ti mi nan Yennu jii tiŋ na kur ki turita. Niib nba kur be leŋ na tiinit jaŋmaaniie.”

Joosua 2:9

ki saa yetib a, “N mi nan Yennu jii tiŋ na turiwa, wunba kur be tiŋ na ni, li ji mɔkɔ jaŋmaaniie, kimaan i paak.

Joosua 5:1

Amor batnba, binba din be Jɔɔdann mɔkir yonbaa po na kur, nan Keenann batnba, binba din be ki kook Sinsuuk ni mɔkgbeŋir na nba gbat nan Yennu te ki Jɔɔdann mɔkir jit, ki Israel teeb poot ki tan gbenn na, ki jaŋmaanii soorib, ki bi ji ki mɔk siara parcheenn, kimaan Israel teeb na paak.

1 Samuel 14:16

Ki Sɔɔl jab nba be Gibea doo ni, ki li be Benjaminn yent ni na, la nan ŋmatir baar Filistia jab, ki bi tiin.